VI« HYSTOIRE

Une guerre en mer de marchans de Flandres contre aultres marchans.

Après ce que le roy Édouart fut retournet en Engleterre, avilit que marchans de Flandres partirent du Dan pour aller querre des vins en la Rocelle. Sy trouvèrent en la Rocelle pluseurs marchans de Béanne \ Sy se monta ung débat entr'eux, par quoy l'un des marchans flamencq ochyt ung des Béannois. Et tantost les Flamens se partirent de la Rocelle et entrèrent eu leurs nefs. Sy les mena le vent àSaint-Mathieu-de-Fine-Posterne. Les Béannois et pluseurs marchans d'Engleterre les suy virent et les trouvèrent au port Saint-Mathieu. Sy coururent errant aux Flamens sus, et les Flamens se misrent à defFence, et en y eult pluseurs ochis et navrés d'une part et d'aultre ; mais par l'ayde que les Flamens eulrent des Normans, des Franchois et des Pycars qui là estoient, les Béannois et les Euglecqs furent desconfis, et ceulx qui peurent, se misrent à la fuitte. Après monstrèrent et firent leur plainte par le conseil de ceulx des pors d'Engleterre au roy Edouart, et il ottroia à ses gens que puis qu'on leur avoit fait tel despit, que ossy se vengassent par mer et par terre sur Franchois, sur Flamens, sur Normans, sur Picars et aultres, par lesquels ils avoient le domage rechut.

* Bajonne.