XXI« HYSTOIRE

Comment le pappe Boniface fut batu et vilonné de Guillame Loncgeret et boutet en une tour où il morut, par le command du roy de France dit Philippe le Bel ; et comment le pappe le maudit et toutes ses générations jusques à la V1I« lignée et ne le volut absorre.

Quant le pappe Boniface eult bien entendu et escoutté monseigneur Charles de Valois ce qu'il luy dit et raconta comme vous avez dessus oy, et que monseigneur Charles se fut parti de Rome, il manda au roy de France la tierche fois qu'il, volsist délivrer de la prison le conte Guy de Flandres et ses III enfans, ou, se ce non, il jetteroit sen-

tence d'escomraenicalion sur luy et sur son conseil. Et quant le roy eult oy ce mandement, il en fut sy plain de mal talent et de grant irre dessus le pappe que l'eifect de son irre et la vengance de ce s'en apparut ; car il ne demeura pas granment après ce mand qu'il ne mandast monseigneur Guillame de Loncgeret, uug mauvais glout et fort murdrier, et luy commanda qu'il prensist des gens d'armes tant qu'il en eust assez et s'en alast à Rome et le vengast du pappe Boniface qui riens ne voloit faire pour luy : « Et voelt « jetter sentence sur raoy et sur mon conseil. » Dontn'attendyt Guillame Loncgeret guères qu'il ne s'en allast par devers Rome. Et quant il entra en Rome ' tout armé des armes du roy de France, il s'en alla tout droit vers le pallais et demanda où ce clercq estoit, qui se disoit pappe ; et entra en sa chambre. Sy trouva le pappe revestu des armes de Nostre-Seigneur. Et Guillame Loncgeret le jetta par terre et le baty tant au nom du roy de France qu'il le travilla et mutila moult, et passa sur son ventre et sur son visage, et foulla et pestela tant sur luy et en tele manière qu'il ne se peult depuis ce mutilage onques puis soustenir, dreschier, aidier, ne aller sur pieds, ne sur membres qu'il eust. Et puis après celle griefve bature et dure affollure, on le mist en une tour où il morut assez desguiséement, dont ce fut pité, car moult estoit tenut à bon et saint preudhomme. Et avant qu'il morust, il maudit Guillame de Loncgeret, le roy Philippe de France le Bel et toutte leur géniture jusques au VIP degré. Et adont fut la crestienneté sans pappe une grande espasse de tamps jusques à ce que le roy de France en refîst ung dechà les mons, qui eult nom pappe Jehan ^

' Lisez : Anagni.

' S'il s'agit ici de Jean XXII, le chroniqueur à omis les pontificats de Benoît XI et de Clément V. Jean XXII était né à Cahors et fut élu à Lyon, mais après la mort de Philippe le Bel.

XXIP HYSTOIRE.

Comment le roy de France dit Philippe le Bel entra et print saisine de la conté de Flandres comme seiarneur de la terre.

Peu après ces choses cy-dessus récitées se party Philippe .le Bel roy de France hors de Paris , et avoec luy monseigneur Loys conte d'Évreux , le conte de Sainl-Pol et monseigneur Raoul de Nelle connestable de France et pluseurs aultres, et s'en alla à Bruges et chevaucha par toutte la conté de Flandres comme seigneur et sire du pays par confiscation de son subget Guion de Flandres. Et luy fist-on grant feste et grant honneur et grans présens en pluseurs plaches plus par crainte que par amour. Et quant il eult chevauchiet par touttes les bonnes villes de Flandres et séjourné une espasse de tamps, il estabîit en Bruges à gardien pour toute Flandres monseigneur Raoul de Néelle connestable de France, qui maintint bien et en paix la terre tant qu'il y fut ; mais la royne Jehanne de qui monseigneur Jacques de Saint-Pol estoit oncle, pourcacha tant que ce connestable fut desmis et rostés de la garde de la conté de Flandres et que ce Jacques de Saint-Pol y fut estably souverain et gardien de la terre de Flandres. Et le roy avoit ottroiet à ceulx de Bruges et aux aultres bonnes villes de Flandres qu'ils fussent menés et tenus aux us et coustumes qu'ils avoient esté menés au tamps que le conte Guy tenoit la terre de Flandres, Et de ce les veult monseigneur Jacques de Saint-Pol, par aucun mauvais conseil qu'il eut, déspouillier et despossesser, et eslever en la terre et en Bruges mesmes pluseurs mauvaises , domagables et grevables

no RÉCITS.

coustumes aux nobles hommes et aux bonnes villes du pays. Et quant le commun de la ville de Bruges qui durement se sentoit grevé des assises et des exactions et oppressions que ce monseigneur Jaques et ses gens leur faisoient contre la teneur des Chartres que le roy leur avoit ottroiés, ils s'assamblèrent et courrurent sus vigoreusement aux grans bourgois de la ville et aux aultres que le commun disoit que par leur conseil monseigneur Jaques avait ainsy ouvré contre eulx et contre ceulx de la terre de Flandres : sy en ochirent grant plenté ; et puis allèrent au chastel de Winendale et le prinrent à force. Et puis eslurent ceulx de Bruges ung de leurs bourgois qu'on noramoit Pierre Le Roy, homme de petit à faire, à leur gouverneur. Ce Pierre Le Roy estoit bien enparlés. Et quant ces choses furent faittes et que les nouvelles en vindrent au roy de France, il renvoya à yceluy monseigneur Jaques de Saint-Pol XV'' hommes armés en Flandres pour aller sur ceulx de Bruges. Et quant ils furent venus à Courtray, les grans bourgois de Bruges envolèrent vers monseigneur Jaques gens seuffîsans, c'est-à-sçavoir Bauduin du Grolle chevalier et ung abbé et pluseurs aultres créables personnes qui raportèrent à monseigneur Jaques et à son conseil que s'il voloit ceulx de Bruges prendre à merchy sauf leurs corps et leurs catels, ils banyroient et expulseroient hors de la ville de Bruges tous ceulx du commun qui avoient ceste maie fachon et mutinerie commenchie.

Monseigneur Jaques et son conseil l'ottroièrent estre ainsy fait, et les messages rapportèrent ainsy à ceulx de Bruges ; et ceulx de Bruges fisrent tantost la banyssure ainsy qu'ils l'avoient promis. Et les messages le refirent sçavoir à monseigneur Jaques. Et adont se party de Courtray luy et ses gens d'armes et vint à Bruges. Entre les-

quels y estoit ung boiichier qui avait nom Jehan Brede \ qui le bienvegnèreut en enclinant. Et il demanda à Jehan Brede qu'il luy sembloit de ses vins de Malevizée qu'on luy avoit gastés. Ce Jehan s'en excusa. Et monseigneur Jaques luy dist : « Or par Dieu, tout buverez. » Puis passa ouître et alla descendre à son hostel et manda plusenrs bourgois, lesquels tant y demeurèrent qu'on disoit par la ville que monseigneur Jacques les feroit mener en prisons diverses. Pour celle occoison remanda le commun de Bruges les banis qui estoient au Dan prests pour passer mer, et ils revindrent. Et adont mandèrent-ils et assamblèrent Pierre Le Roy, maistre des thelîiers, et Jehan Brede, maistre des bouchiers de Bruges, et du commun, et eurent conseil comment ils seporroientvengierde monseigneur Jaques et de ses gens qui ainsy les formenoit. Pierre Le R03' respondit qu'ils fassent tous armés celle nuit qui devoit estre lendemain vendredy le premier jour de may l'an mil IIP et I ^. Et en celle nuitie ils coururent sus à monseigneur Jaques et à ses gens et à tous ses chevaliers, et brisèrent huis et fenestres, etmisrentà l'espée quanqu'ils peurent à consiévir. Et sy avoient mis cars et carettes devant les ostels et au travers des rues, par quoy les chevaux n'y peussent passer ; mais monseigneur Jaques awida sagement hors de la ville, et aucuns de ses gens. Sy se assamblèrent en la ville de Lille.

Et quant ceulx de Bruges eurent tel fait empris, ils se misrent ensamble et envolèrent querre par commun acord le conte de Namur, monseigneur Guion son frère et Guillame de Juliers le clercq. Et à ce mand monseigneur Guion

* Breydel.

« Lisez : Vendredi 19 mai 1302.

112 UÉCITS.

et Guillame vindrent à Bruges, et le conte de Namur demeura pour assambler gens d'armes. Et quant ceulx de Bruges eurent monseigneur Guion et Guillame de Juliers, ils allèrent reprendre la ville d'Yppre , Cassel et le pays environ, et furent et se tindrent sur leur garde.