XX« HYSTOIRE
Comment, après que le roy de France eult fait mettre le conte de Flandres en prison à Compiengne, il fist mettre ossy prisonniers ses II û\s Robert et Guillaume pour ce qu'ils requerroient le droit de leur père et de eulx-mesmes ossy.
Quant le conte Guy de Flandre fut mis par le roy de France en prison à Compiengne, Robert et Guillaume ses fils qui estoient ^présents quant il fut pris, furent moult courouchiés et dissent au roy et à tous ceulx qui là estoient qu'on ne menoit pas leur père par loy, ne par jugement des hommes de la court : « Et vous, messire Charles, vous en « ouvres comme faulx et très-mauvaisement, car vous l'avés « mandé sus vostre sauf conduit allant et venant. Et sur « ce on le mist en prison (et avoec ce on tenoit leur suer « en prison). Et sy nous a-on aresté nostres terres sans « cause et sans raison, mais seulement par envie. »
Dont commanda le roy que les II frères fussent prins et menés en prison , chacun à part soy, où ils furent longtamps, dont leurs parens furent moult courchiés et se partirent de la court du roy sans congiet. Et monseigneur Charles de Valois soubs quel sauf conduit le conte Guy et ses enfans estoient venus, parla moult au roy son frère et luy dit moult laidement qu'il avoit fait et commis grant honte et grant blasrae à luy et à tout le royalme, et se couroucha moult durement de ce qu'oa avoit ainsy le conte Guy et ses enfans emprisonnés soubs le sauf conduit qu'il leur avoit donné à la requeste du roy. Et dit au roy son frère de ceste manière : « Sachiés que sour la honte que vous m'avés faite
« et la grande villonnie que vous avez commis, d'autant « vous courcheray-je. » Et adont se party du roy et ne cessa d'assambler corapaignons et josnes bacelers tout les milleurs qu'il peult trouver en France et là environ, tant qu'il eult jusques au nombre de A^- bonnes gens tout à l'eslitte, et wida de France sans congiet prendre du roy son frère et s'en alla par devers la Mourée, et ne rentra en Franche jusques à IIIl ans après que le roy son frère le remanda, et s'en alla par devers le pappe Boniface et luy requist absolution, et luy conta comment le roy de France son frère avoit exploitiet du conte Guion de Flandres, de ses II fils et de sa fille , et n'en voloit rien aultre chose faire pour luy, et que pour ce s'estoit-il party de France. Et après ce monseigneur Charles se party du pappe et print congiet et s'en alla où il debvoit aller à tout grant plenté de bons gens d'armes et ceulx qui les siévyrent.
