XXIII1« HYSTOIRE

L'assamblée que firent les Flamens à Courtray contre le roy Philippe le Bel de France.

Quant ceulx de Flandres sceurent que le roy de France faisoit son assamblée à Aras et là environ et que le roy avait fait capitaine, chièvetaine, gouverneur et conduiseur de tout Tost des Franchois mener monseigneur Robert conte d'Artois, ils eurent conseil ensamble qu'ils yroient à Courtray, et tant et sy bien y besongnèrent et esploitèrent qu'ils prindrent la ville, mais ils ne peurent avoir le chastel sy hastiveraent pour ce que le chastel estoit fort, et avoec ce il y avoit dedens moult de bons gens d'armes qui le gardoient et deffendoient.

Sy s'assamblèrent à Courtray et là environ grant plenté de Flamens à pied et à cheval. Et sy fut le conte de Namur, Guy son frère, Guillame de JuUers, monseigneur Jehan de Renesse, mareschal de l'ost des Flamens, le Roux de Faucquemont et moult d'aultres bonnes gens à grant plenté de gens d'armes.