XXV« HYSTOIRE
La bataille de Courtray des Flamens contre les François.
Quant le conte Robert d'Artois sceult que les Flamens estoient approchiés à Courtray, il commanda tantost son ost à deslogier, et tira celle part au plus tost qu'il peult. Et quant ils furent près de leurs ennemis, ils allèrent en conseil auquel furent monseigneur Guy de Nielle, mareschal de l'ost, monseigneur Renault de Trye, monseigneur Jaques de Saint-Pol, le conte d'Aumarle, le conte d'Eu, monseigneur Joffroy de Brabant, Jehan de Haynau fils du conte de Haynau, que le conte d'Artois fit tantost chevalier et L nouveaulx avoec luy, et sy estoit en la compaignie du conseil ledit Robert conte d'Artois. Et quant ils furent tous assamblés, ils se ordonnèrent et firent leurs batailles, et furent si près les ungs des aultres que pour férir ensarable.
Et les Flamens d'aultre part estoient tous apparilliés. Adont appella monseigneur Jehan de Renesse monseigneur Guillame de Jullers, et luy dist : « Sire, laissiez-moi con- « venir de ceste première bataille commenchier. Sy allez « vers vos gens et eulx dire qu'ils fâchent bonne choze et « se tiengnent ensamble sans defFoucquier et sans eulx « esbahir. Et quant vous me véez tourner, sy ferez en la « bataille à tout vos gens. » Et monseigneur Guillame respondy que Dieu y eust part. Sy s'en partit à tant.
Sy s'avisa monseigneur Jehan d'une grande malice, car il se partit ung petit en sus de ses gens et s'en vint devant la bataille du conte d'Artois en huchant audit conte qu'il
RÉCITS. i\o
leur volsist livrer ung peu de terre et faire ses gens traire ung peu en sus, par quoy ils se peussent corabatre. Et le conte Robert d'Artois respondy que ossy feroit-il volentiers. Adont achena-il de ses gens et fist signe à ses gens qu'ils recullassent ung petit, et à fait qu'ils reculoient, les chevaulx chéoient ens es nouveaulx fossés qui y estoient. Et quant monseigneur Jehan de Renesse vid ce, il retourna son cheval et se férit ens es François, et monseigneur Jehan de Jullers d'aultre part, en criant : « Flandres au « lyon ! » Et là tomboient ces chevaulx ens ces nouveaulx fossés qui estoient parfons, et ne se pooient relever ceulx qui y chéoient, ne aidier l'un l'autre, et le commun peuple s'en fuioit, et sy ne sçavoient qu'ils avoient. Et les aultres se combatoient fort et roid.
Adont se corameucha le conte d'Artois à courouchier et à jurer la paterne Dieu et à cryer : Monjoye ! Saint-Denis ! « me vaincqueront ceste Flamengaille ? » Et se férit en la bataille, et toutes ses banières le siévirent. Adont y eult fierre bataille et crueuse : sy y eult grande ochision d'une part et d'aultre. Et Flamens se defTeudoient, et fendoient, frappoient et pourfendoient de leurs goudendas et de leurs picques, dont ils tuèrent maints bons chevalliers et maints bons chevaulx. Et là fut le conte d'Artois navrés, et son cheval tué desoubs luy. Et quant le chambrelain de Tancarville le vid, et monseigneur Valle-Paielle, sy se férirônt celle part pour luy rescourre, et férirent tant à dextre et à sênestfe et tous leurs gens qu'il firent tant que le conte d'Artois fut à celle fois rescous et remontés, et monseigneur Jehan de Haynault, luy L^ de chevaliers nouveaulx.
Et là eult bataille forte et fierre , moult orrible , et grant ochision, et longuement dura ; et en la fin, quant il pleut à Dieu, le conte d'Artois y fut ochis, le conte d'Eu
le coûte d'Aumarle, monseigneur Guy de Nielle, monseigneur Jehan de Haynault et L chevaliers nouveaulx, le conte de Dammartin, monseigneur Regnault de Trye, monseigneur JofFroy de Brabant et ses fils, le chambrelein de Tancarville et LU chevaliers banerets et XV^ bacelers et bien XXX mille hommes, que à pied, que à cheval, et le remanant s'enfuy. Et furent les Franchois desconfis celle journée qui fut l'an de grâce mil IIP et II le merquedy prochain après le jour Saint-Jehan-Baptiste \
Et quant la bataille fut oultrée, chacun s'en retourna en son lieu. Sy misrent les Flamens garnisons par touttes les fortresses de Flandres pour la doubte des Franchois. Et au départir du siège monseigneur Guillame de JuUers fit le corps du conte d'Artois ensevelir et enterrer à l'abaye de Groninges dalez Courtray moult richement, et luy fist faire très-honnourable sépulture.
