XXVI« HYSTOIRE

Comment le roy de France dit Philippe le Bel fit renforchier les gardes et prisons où estoient Guy le conte de Flandres et ses III enfans pour le despit qu'il eult que les Flamencqs [avoient fait] sy orrible , grande et domageuse desconfiture de ses gens devant Courtrav.

Quant les nouvelles furent venues à la congnoissance du roy Philippe de France dit le Bel que les Flamens avoient desconfit, vaincqut et tué le conte Robert d'Artois et les aultres grans princes, ducqs, contes, chevaliers et aultres

' La bataille de Courtray eut lieu le mercredi 1 1 juillet 1302.

gentils hommes de son royalme devant Courtray, il fut moult courchiés, et plus que d'aultres, que sy faite manière de gens et villains Flameugailles avoient desconfît tant de hardis, preux et vaillans preudhommes , comme ceulx qu'ils desconfîrent, estoient. Sy jurra que luy-mesmes les vengeroit.

Adont fist-il au conte Guion de Flandres et à ses III enfans renforchier leurs prisons et commanda à mettre garnisons et gens d'armes encontre les frontières de Flandres partout. Dont il y eult dedens le terme de II ans en sus jusques à la bataille de Mont-en-Peule maintes rencontres, maintes sallies, maintes batailles, maintes desconfîtures, maintes ochisions, maintes navrures, maintes afFoUures de gentils hommes et d'aultres, pluseurs violemens de femmes et de pucelles, maintes églises pilliëes et violées, maints preudhommes renchonnés et enprisonnés, et pluseurs chasteaux destruis et abatus, et pluseurs villes arsses, sy comme à Arques, au val de Cassel, à Furnes et ailleurs par tout le plat pays ; et tout pour l'amour des prisonniers leur seigneur et ses enfaas qui prison tenoient à grant tort et à maise cause et sans jugement ; et encore leur voloit le roy tollir le leur, dont maint meschief avint puis en France et ailleurs, sy comme vous orez cy-après.