XL« HYSTOIRE

Le régne Loys de Navare, fils aisné du roy Philippe le Bel de France, et comment il sucéda après son père à la terre de France et en fut roy.

Quant le roy de France dit Philippe le Bel fut trespassé, son aisné fils fut couronnés à roy et fut sacrés à Rains l'an mil IIP et XV.

Et peu après ce fut pendut à Monfaucon Engueraut de Marigny la nuit de may et de l'Assencion pour aucunes maies fâchons et pilleries qu'il avoit faites en France et en Flandres,

Et en celle année le dit roy Loys s'en alla à Courtray à tout son ost encontre le conte Robert de Flandres et les Flamens par moult pluyveux tamps. Et quant il eult tenu siège une espasse devant Courtray sans riens exploitier, il convint et fut force au roy soy départir pour le lait tamps, et leva et fist partir son siège la nuit Sainte-Croix en septembre.