XXXIX« HYSTOIRE

La mort du roy Philippe le Bel de France et comment les Templiers furent brûlés en son tamps par son commandement.

En l'an mil IIP et XII furent les Templiers ars et brûlés pour aucuns cas de crisme de quoy on les ametoit ; mais Dieu scet se ce fut à cause, car on présuposa, et dist-on maintes fois puissedy couverteraent et taisibleraent, qu'on ne les avoit amis de cas criminels et contre la foy que par

l'avarice insçatiable du roy Philippe, lequel convoita et volut avoir les grans revenues et les grandes possessions qu'en pluseurs lieux avoient et que soubs leur ordre tenoient. Et pour tant, saulve leurs defFences et excusations et quelque tort qu'on leur fesist, il commanda qu'à ung propre jour et en une mesme heure partout fussent prins et mis en diverses prisons chascun à par luy. Et ainsy couverteraent et subtillement fut fait ; et en la fin tous consommés par feu et leurs biens aprehendés par confiscation à la demaine du roy. Et fut fait un édit par toute la terre du royalme et où sa seigneurie s'estendoit, que nuls sur paine de confiscation de corps et de biens ne parlassent, groulassent, ne murmurassent de la justice que le roy avoit fait faire en l'essécution des Templiers, lesquels on dénoncha et proclama partout coulpables contre la foy et contre lèse majesté royalle, affin que le peuple s'atenist de parler.

En l'an mil IIP et XIIII trespassa de ce siècle Philippe le Bel roy de France, et morut à Fontaines-Bliaut dalez Paris, et fut aportés en Paris, et fut sépultures à Saint- Denis moult richement.

Ce roy fist moult de maulx à ceux de Flandres, sy comme vous avez oy. Et après sa mort régna Loys de Navare son aisné fils.

hÉCITS. loO