XLII« HYSTOIRE
Comment Charles le maisné des III frères, c'est-assavoir Philippe et Loys rois de France dont nous avons cy-dessus fait mention, suscéda au royalme de France et en fut roy.
Après la mort du roy Philippe de France régna Charles le maisné des III frères et fut couronnés à Rains comme roy l'an mil IIP et XVIII.
Celuy roy Charles eult à femme Blance fille Mehault contesse d'Artois, laquele Blance morut en prison pour maie fachon de son corps qu'on luy ametoit, etpluseurs du royalme de France.
Et ossy fist la femme du roy Loys son aisné frère, dont II frères chevaliers, fils du seigneur d'Aunay, en furent escorchiés à Pontoise du tamps du beau roy Philippe.
Et encore en fut notée et nommée la femme du roy Philippe le moyen des III frères ; mais il ne le veult mye croire, ains dit qu'il la tenoit à bonne dame et à preude femme de son corps.
KÉCITS. 157
Et quant le roy Charles fut vesve, il reprint à femme la suer du roy de Behengne ; et morut celle dame de traveil d'enfant.
Et puis reprint à femme la fille monseigneur Loys de France, sa cousine germaine.
Ce roy régna grant tamps sans riens faire.
XLIIIe HYSTOIRE.
Comment les ladres et raeseaulx furent bruUés pour cas de crisme qu'on leur ametoit sus.
En l'an mil IIP et XXI furent les meseaux ars en pluseurs pays et moult escandalisiés, car par l'acord des Juifs Is vorrent tous les crestiens empoisonner par venin qu'ils mettoient es puis et en fontaines et es rivières. Et en furent grant quantité mis à mort, et en furent tous crestiens, rois, ducqs, contes et touttes aultres manières de gens en grant péril se Dieu ne les eust pourveu de remède, car la chose fut sceue et nonchye, et vous dirons comment.
En la marche de Languedoc et de devers Saint-Jacque avoit des meseaux grant plenté, de quoy les aucuns estoient grans riches hommes et qui s'embatoient communément avoec les haittiés pour ce qu'on ne sçavoit lesquels eschever.
Geste chose fut nonchye au roy de France, et le roy commanda qu'on fesist aux meseaux porter une ensaingne à leur souveraine vesture. Et quant les meseaux qui estoient riches hommes, sceurent ce fait, ils en eurent grant despit. Et entre les aultres il y en avoit ung moult riche de rentes et de meubles, et estoit grant usurier. Se luy print la
besongne moult à coer, et alla au roy de Grenade, qui estoit sarasin et du conseil du Soudan, et pourcacha et quérut du venin pour faire cest empoisonnement, et eu fîst morir premier ung marchant de son lieu, lequel avoit une moult belle femme. Le marchant estoit aie querre de la marchandise et estoit de la seneschalité de Saintongre.
Le meseau revint en son pays et noncha cest affaire à tous les raeseaux du pays. Sy s'assentirent à sa volonté. Et puis s'acointa de la femme de celuy qu'il avoit murdry par venin. Sy fut scandalisiet qu'il tenoit la femme. Il fut prins et mis à gehyne et cognut comment il avoit le mary de celle femme ochis par venin, de quoy les crestiens dévoient estre mis à mort, et que tous les meseaux dechà mer le sçavoient.
Et pour ceste occoison et pour aultres furent tous prins en pluseurs nations tant vielles comme josnes, femmes et enfans, et tous ars eulx et leurs manoirs par édit et commandement de chascun princeen son pays soubs crestienté.
