XLIIII« HYSTOIRE

La mort du conte Robert de Flandres et le mariage Loys de Nevers son nepveu.

En l'an mil 111"= et XXII morut monseigneur Robert de Nevers conte de Flandres. Sy eschéy la conté à Loys fils de Loys de Nevers par mariage. Et adont espousa ledit Loys la fille du roy Philippe, dont nous avons devant parlé. Et furent les convenences du mariage teles que, se Loys avoit hoir masle de sa femme fille du roy Philippe, il deb-

voit Lille et Douay et touttes les apendances paisiblement ravoir comme son bon héritage.

Et en celle année se combaty en Allemaigne le roy Loys de Bavière roy d'Allemaigne au duc d'Ostrice, lequel duc fut pris par le roy de Behengne, et délivret audit Loys de Bavière lequel le tint grant tamps en prison.