LVII« HYSTOIRE
Comment le sire de Mortemer fut rais â mort en Engleterre.
En l'an mil IIP et XXX eult le sire de Mortemer la teste coppée en Engleterre, et le corps coppés en IIII quartiers, pour ce qu'on rapporta au roy Edouart aucunes nouvelles
qu'il avoit faussement et trayteusement ouvré envers le roy d'Eiîgleterre et envers le royalme. Et bien fut prouvé par luy et par aultruy ; et fut jugiet par les barons d'Engleterre.
LVIIIe HYSTOIRE.
Comment monseigneur Robevt d'Artois s'acointa du roy Edouart d'Engleterre.
Tantost après ces choses dessus dites avint que monseigneur Robert d'Artois qu'on dist sans Terre, meffist par aucune aventure envers le roy Philippe de France qui sa suer avoit, de qui il avoit IIII enfFans, que le dit monseigneur Robert fut bany du royalme âe France, et sa femme et ses enfans emprisonnés où ils eulrent moult à souffrir. Et en tous les lieux où le roy savoit que monseigneur Robert fust arestés, il le faisoit siévir pour le prendre. Et fut fourjugiet de toutte sa terre et du royalme, et luy convint par force passer mer et aller en Engleterre. Et quant il y vint, il alla droit au roy Edouart qui le retint et moult l'honnoura, et demoura avoec luy et fut de son ostel et moult privé du roy. Et monseigneur Robert luy conta et informa mot à mot comment il avoient couronné le roy Philippe de Valois à tort et à maise cause et par ainsy [que], se nuls venoit avant qui fust plus proisme, il luy devoit laissier la couronne. Et encore conta-il au roy d'Engleterre comment il en estoit droit hoir et comment le royalme de France luy estoit escheu de par le beau roy Philippe qui fut son grant-père de par sa mère, et par ses III enfans qui furent ses oncles, qui morurent sans hoir
chascun roy de France. « Sy deusissiez estre couronnés à « roy de France et deusissiez estre apparus comme droit « hoir » et que à maise cause et par povre conseil le roy d'Engleterre estoit allé à Amiens faire homage à Philippe. Et luy conta et informa de pluseurs choses, de quoy le roy d'Engleterre estoit déchus. Et tint bien le roy conte de ces choses et mist en son cuer et moult y pensa.
