LVI« HYSTOIRE

Comment le roy Philippe de France esleva des mauvaises coustumes en son royalrae, et comment il fist requerre au pappe qu'il lui ottroiast le disme des églises, et il luy fist entendant qu'il feroit une croisie.

Quant le roy Édouart d'Engleterre eult fait homage au roy Philippe de France ainsy comme vous avez oy cydessus et qu'il se fut party du royahne de France et retournés en Londres avoec Philippe la royne sa femme, et ossy que le roy de France fut repairiés en son pallais à Paris tout à sa paix en pensant et en soustillant luy et aucuns de son conseil de faire et d'assambler ung grant trésor, adont commencha le roy à envoler au pappe pryer et requerre qu'il luy volsist ottroyer le disme, et luy fist entandant qu'il feroit une croiserye et qu'il yroit oultre mer. Et tant fist vers le pappe qu'il luy ottroya.

Après ce commencha le roy à eslever des mauvaises traveillâbles coustumes au royalme, sy comme don deu au roy de chascun tonnel de vin qu'on menroit hors du royalme X sols. Item le maletote de chascune livre de ce qu'on achetoit et revendoit IIII sols de le livre. Item le gabelle du sel qui vault tout plain d'avoir chascun an. Item de faire foible monnoye blanche et noire, blanches mailles du roy

ibo

coure pour XII deniers parsis. Item flourins de pluseurs coings et de pluseurs fours, et dont faire ung escut valoir LX sols parsis pour payer ses debtes et achever ses guerres, et ces flourins et celle monnoye rabaissier en cel estât. S'en a esté marchandise perdue et mal menée, et les marchans et les bonnes gens perdus, robes et apovris, dont c'est meschief ; car les seigneurs terriens marchissant au royalme tiennent le pied du pied de la monnoye du roy. Et ainsy est tout le siècle perdu, honny et apovry par ung tout seul homme ; car les grans seigneurs ne voloient pas prendre à leurs rentes celle monnoye qu'ils faisoient, au pris qu'elles courroient, ains voloient avoir gros du coing saint Loys pour X parsis la pièche ou monnoye à l'avenant. Ne onques puis que ce Philippe de Valois fut roy, bien n'avint en terre tant qu'il vesqui, ne il n'esleva une bonne coustume qu'il ne retollist et rappellast tantost. Mais je croy qu'il sçavoit bien qu'il n'estoit mye couronné comme droit hoir de France de la couronne du royalme et qu'il y avoit plus proisme et plus proxime que luy, car il n'eust raye ainsy son pays fourmené,

Sy tairay de luy à tant jusques à une aultre foys ; sy revenray aux Englecqs.