LXXXVI^ HYSTOIRE

Comment le conte Guillame de Haynault ala parler au pappe Benedic en la cité d'Avignon.

Durant le terme de ce ralongement du parlementage dont cy-dessus venons de parler, le conte Guillame de Haynault s'en ala en Avignon parler au pappe Benedic et querre absolution. Et quant il y vint, on lui fist grant feste. Et luy donna-on moult de beaux dons, et ossy fist le conte

au pappe. Et séjourna illec une espasse de tamps, et esploita et expédia au pappe ce de quoy et pour quoy il y ala ; et puis print congiet et s'en retourna en Haynault où on lui fist grant feste.