LXXXV« HYSTOIRE

Le premier parlement qui fally, fut fait en Haynault, ouquel furent tous les princes, barons et allyés dessus nommés.

Après ce respit ou trêves et que le département dont nous venons de faire mention, fut fait, et que le tamps vint pour parlementer, pluseurs parlemens se fisrent des gens des II roys et de pluseurs aultres avoec eulx, contes et ducqs. Lesquels parlemens furent en Haynault ; et sy y furent les allyés par pluseurs fois, et riens ne fisrent à la première fye. Et fut le parlement ralongiés jusques au jour de Saint- Jehan-Baptiste l'an mil IIP et XLII. Et adont se party chascun.