LXXXVIII« HYSTOIRE
Comment le roy Philippe de France manda le conte de Monfort soubs sauf alant et venant, lequel sur ce le fist metti'e en prison.
En ce tempore que ces parleraens, dont derrenièrement avons fait mention, furent départis, avint que le roy de France manda le conte de Monfort en Bretaigne, à qui le duc de Normende guerrioit et Charles de Blois, et le manda sauf alant et sauf venant. Et quant le conte eult oy le message, s'y s'appareilla d'y aller, comme celui qui nulle malice ou fausseté, ne nul mal n'y pensoit ; et y ala malgré et contre la volenté de sa femme, qui estoit suer germaine au conte Loys de Flandres.
Et quant le conte de Monfort fu venus à Paris et qu'il fut dedens le pallaix, il s'en alla devant le roy et se mist en genous et le salua ainsi qu'il deubt, et luy dit : « Sire, « que volés-vous ? je suis venus à vostre mand. » Et le roy luy dit : « Conte de Monfort, pourquoy volés-vous « tenir la terre de Bretaigne, ne à quel cause, veu que vous « n'en estes point droit hoir, car il y a plus prochain que « vous n'estes ? La femme de Charles de Blois en est droit « hoir. » Et le conte respondy que, s'a Dieu plaisoit, non estoit, car la terre de Bretaingne luy estoit escheue de par son frère le conte de Monfort. Et adont commanda le roy qu'il fust mis en prison. Sy s'en retournèrent ses gens en Bretaingne, et quant la contesse de Monfort sceult que le conte son mary estoit retenut en prison, elle en fut moult courouchie. Et avoec ce le duc de Normendie et Charles de Blois le guerrioient, dont, s'elle fut esbahye, ce ne fut
pas merveille. Sy se pensa qu'elle envoieroit querre secours au roy d'Engleterre. Sy le fist, et luy manda qu'il luy volsist secourir et aidier à son grant besoing, car le conte de Monfort son raary estoit en prison, lequel estoit son homme et subget du relief d'Engleterre : sy n'avoit qui luy aidast, et il estoit tenu de luy aidier.
Et quant le roy d'Engleterre entendy les messages, il s'avisa de moult de choses. Sy pensa qu'il yroit aidier la dame, et que par le pays de Bretaigne pooit-il bien aguerrier et grever le roy de France et entrer ou royaulme, ossi bien que d'ailleurs, et que de ceulx qui estoient du quartier de l'empire, qui estoient ses allyés, pooit-il avoir peu de fiance en eulx ; car recréanment et petitement il luy avoient aidiet de son droit pourcachier envers Philippe de Valois. Et sy ne voloit ledit roy Philippe entendre à nulle raison, ne ne tenoit chose qu'il eust jurée, ne eult en couvent ; et sy avoit trop d'amis acquis à l'empire, qui se faindoient. Se luy sambla que de retourner vers celle part, ne luy valoit, ne pourfitoit en nulle chose.
LXXXrX- HYSTOIRE.
Comment le roy Edouart d'Engleterre assambla sou ost et ses geas pour aller secoure Bretaigne et la contesse de Monfort.
A le Saint-Martin ensievant, lan de grâce mil CGC et XLII, le roy d'Engleterre ala en Bretagne à tout grans gens secourre la contesse de Monfort, et regagna des villes et des chasteaux que le duc de Normendie et Charles de Blois avoient conquises. Et mist le siège devant la cité de
Vane, où il y avoit plenté de gentils hommes et aultres gens en garnison de par le duc de Normendie, et eurent dedens la cité moult grant disette, et ossy avoient tous ceulx de l'ost du duc et de Charles de Blois.
