BLASON DE L'ANNEAU

PAR HUGUES SALEL.

(rôôC)

Je n'oseroys, après tant bons espritz, Mettre en avant mes imperfectz escriptz, Pour blasonner quelque membre ou partie Du femenin: ma force est amortye, La main me tremble, et mon œil devient lousche, L'aureille sourde, et muette la bouche, Deliberans le cueur destituer, Si à cela se veult esvertuer.

Tant scullcment, pour le commencement, M'essaieray à louer l'ornement

PIÈCES EN VERS. âl9

Le plus petit, mais le plus précieux, Joignant de près au corps tant gracieux De ma maîtresse. 0 gentil anelet !

Aneau d'or fin, en forme rondelet, Sur qui l'orfèvre a mainct jour travaillé ; Aneau bien faict et trop myeulx esmaillé Et enrichy de perle orienlalle, D'une turquoyse, esmeraulde royalle, D'ung dyamant, d'ung rubiz désiré, D'une esmalite, ou saphir azuré, Yenuz de loing, voire de-lù la mer.

Aneau qui es ferme lien d'aimer, Aneau tesmoing de la foy conjugalle, Aneau jadiz vraye enseigne royalle, Cercle petit envyronnant le doy De celle-là h qui ma vie doy !

Heureux aneau, que, pour laver la main, La dame mect souvent dedans son sein, Que ne m'est-il octroyé une chose, Que de mon corps se fist métamorphose En ta figure, affin de fréquenter Où ne me puisque, de loing, présenter I

Aneau, tu as privilège et franchise Du corps toucher si près que la chemise, Et bien souvent, sans penser mallefice , D'aller taster la dure et ronde cuisse, Le blanc tetin, l'estomac et le ventre. Et approcher de ce beau corps le centre, Où gist l'espoir des amans affligez.

Aneau meilleur que celui de Gigès , Par lequel eut sa dame tant aimée ; Aneau de prix, méritant renommée, Plus que les sept forgez par Hyarcas.

L'on m'entendroit, si je comptoisle cas : Mais tu m'entends, tu sçais bien mon vouloir^ Et celle là qui tant m'a faict douloir,

Lisant cecy, dira que j'ay raison De m'efForcer à faire ton blason.