BLASON DE L'ÉPINGLE

PAR HUGUES SALEL,

Epingle petite, pointue, Ferme, bien faicte, non tortue.

Affilée de poincte fine ; Espingle d'or, ou argentine, A la dame tant nécessaire :

Il m'est advis que Ion doyt faire De ta valeur quelque récit, Car n'est amant qui ne voulsist Avoir la moindre liberté, Que tu as l'yver et esté.

Tu es au lever et coucher De ma maîtresse, où approcher Je n'ose qu'une fois l'année :

Par toi est toute gouvernée La parure du corps joly.

Premier, le front ample et poly, Quand lu le serres d'une toille, Se monstre plus cler que l'estoille.

Après, tu tiens le chaperon, Et la doreure d'envyron, Qui donne lustre*et doulx umbraige A cest angélique visaige.

Et si nous parlons du tetin, Il n'est crespc, drap d'or, satin, Velours, ou quelque autre ornement, Qu'on y peult asseoir bonnement.

Sans y employer ton office.

Je ne parle point du service

Que fais à ce gent corps trousser, Assez ferme pour repousser, Lorsqu'il est gorny de tes armes.

Trestous les amoureux gensdarmes.

Espingle souvent indignée, Qui as ma main esgrafignée, Quant approchoit de ce gent corps, Je te supply, faisons accords, Tant que je puisse, au descouvert, Taster ce tetin tant couvert?

Espingle, tu as grand-vertu :

Dis-moi pourquoy ne brûles-tu, En approchant de l'ardant'flame, Qui mon doloureux cueur enflame ?

Enseigne moy, sans plus attendre.

Comme du feu le peulz deffendre?

Espingle, dont Ton m'a faict don, Faicte à la forme d'ung bourdon, Pour substenterj'ardant désir Qui vient mon faible cueur saisir, L'exhortant faire le voyage D'aller voir ce divin corsage.

Je te prye, impêtre la grâce, Qu'une fois tout nud je l'embrasse !