BLASON DES BASQUINES ET VERTUGALES
A vous, dames et damoyselles.
Qui démontrez qu'estes rebelles A Dieu, voslre Père et Seigneur 1 Oyez, oyez par grand'ferueur :
A. /il
Iceluy vous fait à sauoir,
(Qui a entièrement pouuoir
Sus voslre corps et sus voslre ame)
Qu'il se vengera du diffame
Que iournellement commettez
Par vos grands impudicitez,
Par vos halntz et cheuelures,
Anneaux, affiquetz et dorures:
Qui donne suffisante preuue,
Qu'en vous nulle vertu se treuue,
Et qu'auez vouloir de desplaire
A ce Père tant débonnaire.
Que vous seruent ces vertugalles ,
Sinon engendrer des scan dalles?
Quel bien apportent vos basquines,
Fors de lubricité les signes ?
Quel fruit vient de vos paremens,
Sinon pertes et dampnemens?
Pensez-vous que mieux on vous prise,
Quand vous vous parez à la guise
Des folles femmes eshontées,
Pour apparoir plus affettées,
Ou pour mieux à vostre aise aller 1
Faull-il ainsi vous habiller
Dissolument? 0 femmes folles !
Notez bien ces saintes parolles :
« Qui veult estre du monde amy,
Se rend du Seigneur ennemy.
Qui suit la prudence charnelle,
Ira en la mort éternelle.
Qui la chair maudite ensuiura,
Torment éternel receura :
Mais qui ceste chair mortifie,
Dieu le bénit et iuslifie.
Pour rendre Dieu misericords,
Conuient mortifier le corps.
Par croix, ennuit, dueil et moleste,
Irons en la gloire céleste.
Si auec Jésus nous souffrons,
Certes auec luy nous viurons.
11 faut doncques s'anéantir,
Et au vueil de Dieu consentir.
Qui veult que les pompes mondaines
Soyent reiettées comme vaines.
Ces dissolutions infâmes
Font souiller et perdre vos araes. »
Par vos habits desordonnez ,
Plusieurs brocards vous sont donnez.
Le peuple dit : « Voyez ! la belle
Pense estre plus iolie en elle,
Pour auoir de l'or sus sa teste ! »
« — 0, se dit l'autre, quelle est beste !
Pour fournir à tel ornement,
Chez elle vit fort pouurement. »
L'un dit : « 0 la gente musquine!
Qu'elle a une belle basquine !
Sa vertugalle est bien troussée
Pour estre bien losl engrossée. »
Un autre dit : « 0 quel plaisir.
Qui pourroit tenir ù loysir
Geste busquée si mignonne,
Qui a si auenaule trongne ! »
Voila les maux que vous causez
Par vos habits si desguisez.
Ne craignez-vous point de Dieu l'ire,
Et qu'en enfer on vous raartire,
De tant irriter ce bon père
Par vostre mal et vitupère ?
Voulez-vous bien que vostre nom
Soit taxé de mauuais renom,
De perdre vos honneurs insignes
Par trop vouloir estre poupines?
La liberté que Dieu vous donne
Est-ce, à vostre aduis, qu'on s'adonne
A prendre robes dissolues,
Qui vous rendent toutes poluos?
o2f| RECUiilL ClilUliUX.
La liberté saincte et chrestienne
Ne permet que l'on s'eatrelienne
De ces braues mondanités
Ny d'autres grands difFormités,
Mais bien icelle nous induit
A renoncer tout'fol desduit,
Et nostre chair rendre subiecte,
Afin qu'en Dieu son espoir iette.
Auiourd'huy, plusieurs libertines
Disent sauoir choses diuines,
Parlent de Dieu souuentes fois
Par grand'ardeur à haulte voix,
Traitent par grande affection
De toute saincte instruction.
Mais si à leur vie on regarde,
On cognoistra l'une paillarde,
Ou de son prochain mal-disante,
L'autre maquerelle meschante.
L'une secreltement derobbe
Son mary, h fin d'auoir robbe
Ou quelque affiquet précieux,
Pour bien se montrer en tous lieux,
Et si son mary n'a puissance
De la vestir à sa plaisance,
Au premier s'abandonnera,
Qui plus d'argent luy donnera,
Pour braucr, à sa vonlonté.
Confite en toute voluplé.
Ce n'est ainsi qu'il fault cognoisire
Nostre Dieu, nostre père et maistre :
Car, pour bien cognoistre iceluy.
Nous fault cheminer comme luy.
De nos paroUes ne tient compte,
Quand pcchc nous vainc et surmonte.
Dieu ne chcrciic ces caquctcurs
Qui (Je la loy ne sont facteurs.
La langue luy e:;t odieuse.
Si del'œuure n'cd amoureua*.
Parlez, dames, tant que voudrez, Du Seigneur Dieu, ne le rendrez, Pour cela, vers vous débonnaire, Si son vouloir ne voulez faire.
Non point celuy qui, par honneur, Appelle Dieu Seigneur, Seigneur, Ira en la gloire des cieux :
Mais bien cil qui est soucieux, D'exécuter tout promptement Son souuerain commandement.
Je sçay bien que quelque mondaine Me fera response soudaine, Et me dira, pour sou excuse, Que par grande contrainte elle use D'habits braues et précieux, Pour à son mari plaire mieux.
Une autre dira : « Ma voisine Porte vertugalle et basquine, Et, pour ce, comme elle ie puis M'acouslrer ainsi que ie suis.
L'autre dira : « Dieu ne prent cure Et n'a regard sus la veslure.
On peut tous habillemens prendre, Sans offenser et se mesprendre :
Puisque Dieu l'or et soye donne.
De les porter c'est chose bonne. »
Ce sont les excuses friuolles D'un tas de plaisantes et folles.
Mais ie leur responds que mieux vault Complaire à Dieu qui est là hault, Qu'aux maris, tous à dam faits , Vains, mensongers et imparfaits.
A iceux on ne doit entendre, Ny leur instruelion apprendre, Sinon en tant que leur doctrine Est saincte, fidelle et diuine.
Car sainct Paul, dedans son epitre Qui a des Golossiens le tiltre,
326 RECUEIL CLRIEUX.
Commande fort estroitement, Que les femmes 1res humblement A leurs maris seruent et plaisent, Non selon qu'iceux se complaisent, Ains selon Dieu : car l'homme vain Est par trop charnel et mondain, Et ne sauroit aucunement Faire ny iuger droitement, S'il n'ensuit et reuere en crainte Du Seigneur laparoUe saincte.
Parquoy, dames, fermez l'oreille A tout homme qui vous conseille De conuerser mondainement Contre Dieu et son mandement.
N'ensuyuez aussi vostre proche, Quand il vit en blasme et reproche, Et quant à ce que ces follettes Disent, par leurs raisons ineptes, Que Dieu ne défend que l'on porte Habits pompeux: ie m'en raporte Aux saincls etfidelles escrils Dans les sainctes Bibles escrits.
N'apas dit l'apostre S. Pierre, Duquel point la parolle n'erre, Estant conduicte et inspirée Du Sainct Esprit, chose asseurée, Que l'ornement des femmes soit Non en dehors, comme on parçoit, Quasi eu tout pompeux, lascif :
Ains au dedans un cœur naïf, Un cœur paisible, doux, béguin, Soit le parement femenin?
Sainct Paul aussi, vaisseau eslu Du Dieu viuant, qui a voulu Par luy, selon sa grand'bonté.
Nous déclarer sa voulonté, N'escrit-il pas à Tiraolhce Ceste chose, entre autres, notée :
Que les femmes, de façon nette, S'accoutrent en habit honneste, Auec modestie et vergongne, Qui leur pudicité tesmoigne :
Non point en cheueux tortillez, Passefillons frizez, gréiez, Estofes d'or, perles, rubis, Semez sus somptueux habits :
Très subtile et fine pratique Pour apaster lœil impudique.
Dont Salomon dit ; « Prens-toy garde Fuir la femme qui se farde ! »
Aussi, certes, par tels apas, Luy raesme ne tresbucha bas.
Parquoy quittez ces vanitez, Ces lasciues mondanitez.
Reiettez ces grands vertugalles, Qui vous causent rongnes et galles. Laissez ces vilaines basquines, Qui vous font laides comme quines.
Vestez-vous comme preudes femmes.
Sans plus porter ces busqs infâmes; Laissez ces cheueux tortillez, Et simplement vous habillez ; Ne portez aucunes dorures, Qui sont du diable les armures.
Car c'est un or fait inutile, Qui a l'indigent poure et vile, Que deuantvous voyez mourir, Pourroit au besoin secourir :
Lequel certes point ne faudra, Alors que ce grand iour viendra, Que l'éternel Dieu souuerain Jugera tout le genre humain, Et qu'il dira à tous peruers.
Qui plustot ont laissé aux vers, A la rouillure et moisissure, Ronger leurs biens, or et vesture.
Que subuenir au languissant,
Du bien qui alloit périssant :
« Quand i'auois faim, soif, desconfort,
Nié m'auez aide et confort.
Parquoy allez, gens mal-heureux,
Au feu de l'enfer ténébreux ! »
A ceste voix, vous dy-ie encor,
Ne faudra cest inutile or
De vous conuaincre et accuser,
Qu'en auez voulu mesuser.
Doncq, si auez d'or pleine bourse,
Je vous pry'n'en abuser pour ce :
Ains départez de vostre auoir,
A tous pouures que pourrez veoir.
Nostre Dieu deffend qu'on n'abuse
De ses biens ; mais veult qu'on en use
Auecques actions de grâce,
Et que d'iceux l'aumosne on face.
Nous sommes simples gardiens
De nos possessions et biens :
D'iceux chascun compte rendra
Alors que nostre Dieu voudra.
Par ce, pour en rendre bon compte,
N'en abusez à vostre honte.
Vostre famille entretenez,
Et humblement vous maintenez.
Si de Dieu parlez en maints lieux,
Viuez encores beaucoup mieux.
Faites que vos œuures reluisent
En bien, si qu'à bien viure induisent.
Montrez, montrez, par le dehors,
Que Dieu habite dans vos corps.
Faites apparoitre enuers tous
La foy viue qui est en vous.
Si qu'elle opère en charité :
Car, viuant en tell'purité,
Serez du Seigneur couronnées.
Et par sa grâce guerdonnées.
l'iÈCES EN VERS. o29
En renonçant au monde iniinoude,
Irez en la vie seconde,
Et iouyrez de paradis,
Là oij sont tous les benedicts.
Mourir et vivre.
