ÉLÉGIE SUR LE BONNET CARRE

Depuis que Lucifer, par son trop grand orgueil,

A esté des haults cieux ça bas précipité,

Le monde tousiours a esté remply de dueil,

Et le bon du meschant a esté reietlé.

II apert par Cayn, de Satan incité.

Qui son frère tua Abel, par grande enuie,

Parce qu'il lui sembloit que sa simplicité

A Dieu plus aggreoit que sa superbe vie.

Des alors Lucifer faulx el malicieux, Auecques ses suppos, commença à forger Ce fin bonnet carré, pour ces ambitieux, Gens d'église et prélats: leur monstrant, sans songer, Les moyens allechans, pour le peuple ronger A leur deuotion ; et par tel moyen faire. Que contre leurs edits nul s'osast opposer, Sur payne de la mort qui feroit au contraire.

K'est-ce pas un bonnet finement composé, Et tissu d'un esprit fort subtil et altilo.

Que, quant sur la teste est d'aulcun homme posé, Et fust-il un asnicr de village ou de ville, Chascun à l'obéir est prompt et fort abile? Voire si fermement son dire on sanctifie Que, combien que d'effect soit de vie orde et vile, L'abusé plus, en luy, quasi qu'en Dieu, se fie.

Helas! poures mondains, il est plus que saison, Que d'un cœur fort contrict, et saine conscience, Vous recouriez vers Crist, fontaine de raison, Reiettant ce bonnet, de Satan la science. Car qui de ses péchez a dueil et repentance; Il ne se laisse plus par telles gens séduire. De Dieu il sentira en son cœur la puissance , Kt plus ne luy pourra ce bonnet carré nuyre.

SIZAIN A CE PROPOS.

0 Dieu, garde nous du bonnet, De son papier, de son cornet.

Et de sa plume tant inique :

Garde nous de chascune corne, Saulue nous de son regard morne.

Et de sa façon tirannicque.

Je ne sçay pas ce que lu pense D'auoir si mal faict ce bonnet :

Mais, pour cercher où le bon est.

C'est une rude pénitence.