LONISIEN DE CENS ET 4 6 SOLS DE PARISIS

Sacent tout cil ki cest escrit veront et oront que Lambiert-li-Rate de Biekeriel a achate bien et loiaument a Jakemon de Ruieles j lonisien de cens a le St-Remi et XVJ sols de parisis de rente iretaule par an sour se maison en le rue de Moriau Porte sierant le maison Jehan de Ruieles son frère si com li yretage siet devant et deriere, a paier et a rendre les VlIJ sols de parisis a le St. Jehan con pent les ciercles, et les autres VIIJ sols au Noël apries ensivant, et ciste rente doit i estre paie premieraine et se lont encovent a aquiter tout quite a Lambiert devant dit Jakemon de Ruieles et Jehans ses frères al assens des eskievins. Et por cou que ce soit ferme chose et estaule, si en est fait cyrographies et livres en le main des Eskievins de Stf Brisse si comme Jakemon

Warison , Watier Copet , Jakemon Costart , Nicholon Cholemer, Jehan Ghierri , Nicholon le chokut et Huon Ghieskiere, tout cist i furent com Eschievin. Lan del incarnation Ihu. Crist. , M.CG. et VI, el mois de avrih

Archives de Tournai. — Inséré dans la notice de M. Dumortier.

Louis, fils aîné du roi de France (Philippe-Auguste),

CONFIRME, SAUF SON DROIT, LA PAIX FAITE ENTRE SESAMES ET FÉAUX RENAUT , COMTE DE BOULOGNE , ET IDE SA FEMME, D'UNE PART ; ARNOUL , COMTE DE GuiNES, Et BÉATRIX, SA FEMME, DE SECONDE PART.

Philippe d'Alsace, comte de Flandre, en mariant, en 1180, sa nièce Isabelle de Hainaut à Philippe-Auguste, roi de France, avait constitué en dot à celte princesse, sous réserve d'usufruit viager, les villes qui ont ensuite formé le comté d'Artois. Louis (plus tard Louis VIII), fils aîné de Philippe-Auguste et d'Isabelle, est investi de cette province après la mort de sa mère dont il est héritier. La puissance qu'il exerce se manifeste par plusieurs actes, notamment par ceux qui sont repris dans ce recueil sous les numéros 9, il et 13 j tous trois sont inédits.

Dans cet acte N° 9, en date de mai 1210, Louis, fils aîné du roi de France, confirme, sauf son droit, la paix faite entre ses a niés et féaux Renaut, comte de Boulogne, et Ide sa femme ; Arnoul, comte de Guines, et Béalrix, sa femme, de celle manière :

Les comies el comtesses de Guines et leurs hoirs tiendront ligement des comte et comtesse de Boulogne et de leurs hoirs, ïe château de Sangale et tout le marais commun entre la terre de Merch et celle de Guines jusqu'à Relinkehove ; ils tiendront

aussi ligement la quatrième partie qui sera du côté du comte de Guines dont ils pourront faire ce qu'ils voudront, et les trois autres parties de ces marais seront au comte de Boulogne.

La maison de Relinkehove sera abattue et on ne pourra en bâtit d'autres dans cet endroit.

Toutes choses fausses, faux tonlieux, fausses coutumes établis du tems des comtes Mahieu et Bauduin, tant en Boulonnais que dans la terre de Guines, seront anéanties.

Le connétable d'Ermelingehem ne pourra former aucune mai son (bâtir forteresse) dans la terre de Guines , ni dans la terre de Boulonnois, et les comte et comtesse de Guines feront ce qu'ils voudront dans leur fief, si ce n'est à Relinkehove et dans la lerre du connétable; les comte et comtesse de Boulogne feront de même dans leur fief si ce n'est dans la terre du connétable.

Si dans la suite ces comtes ont des difficultés ensemble, ils prendront chacun deux arbitres pour les terminer , et un cinquième pour les accorder.

Les comte et comtesse de Guines et leurs hoirs, seront hommes liges des comte et comtesse de Boulogne et de leurs hoirs, sauf le seigneur de Flandres et sauf ce qu'ils doivent au roi d'Angleterre.

Quant au fief de la chatellenie de Bourbourg que les dits comtes de Guines tiennent de celui de Boulogne, ils leur devront le même service qu'à leurs prédécesseurs.

Loewis ainsnes flx mon segneur le roy de Franche tout aient connut asquels ches présentes lettres verront que nos amis et nos feels Renaus cuens de Boulogne et Yde se femme, Ernous quens de Ghysnes et Bietris se femme firent pais en cheste manière que li quens et li contesse de Ghisnes et leur hoir tiengnent ligement du conte et de le contesse de Bouloingne et de leur hoirs le chastel de Sangateet chelui rendre a aus en toutes leur besoingnes, si que chastiaus doit estre rendus a sen segneur lige et de tout le mares commun qui gist entre le terre de Ghisnes tresi Relinkehove. Li cuens et li contesse de Ghisnes et

leur hoir tienent ensement le quarte part en lige dn conte et de le contesse de Bouloingne et de leur hoirs, en tele manière que li cuens et li contesse de Ghisnes et leur hoir aient chele quarte part vers le terre de Ghisnes a faire leur voloir et les autres trois pars pardeseure remaingnent au conte et a la contesse de Bouloingne a faire leur voloir, et demourront ensement divise ainssi que li autre mares anchien soloient estre, et le maisons de fRolinkehove doit estre abatue, ne dore en avant en chelui liu la ou li maisons fu, maisons ni porra estre dore en avant refremee. Et toutes autres coses fausses trestournees et faus tonlius , fausses coustumes mises hors, es tans (au temps) des contes Mahiu et Bauduin et après, tant en Boulenois que en le terre de Ghisnes en cascune des dites terres, koir [choir) et estre mises a nient. Et a dechertes se li cuens et li contesse de Ghines arent mestier deschaner se terre par le terre le contesse de Bouloingne chele terre par lequele li eschans sera fait, il le marcheanderont selonc lusage du pais et che le terre a faire essan si que devant est dit leur sera livrée par acat ; et ensement se li quens et li contesse de Bouloingne arent mestier de faire eschans par le terre du conte et de le contesse de Ghisnes le dite terre si que devant est dit leur sera baillie par acat en le terre le conte et le contesse de Ghisnes a faire leur eschans ; et les eschans du pais il sont tenu de warder de cascune part selonc le loy de le dicte terre. Et des coses devant dites est ajouste que li connestaules dEmelingehem ne en le terre de Ghisnes ne en le terre de Bouloingne ne puet fermer nule maison, et li cuens et li contesse de Ghisnes en

leur terres et en leur fies , fors a Relinkehove la ou li maisons fu et fors en le terre le connestaule devant dit, feront du tout en tout leur volonté; et li quens et li contesse de Bouloingne ensement en leurs terres et en leur fies, fors en le terre du connestaule devant dit, feront du tout en tout leur volonté. Et ensement de chou que li cuens et li contesse de Ghisnes tienent du conte et de le contesse de Bouloingne par cheus meismes il seront a droit et feront droit ; et se sur les coses que il ne tienent mie daus [d'eux) aucune discorde fust née, de cascune part seront prins doy de leur amis a amender le discorde ; li quel quatre se il ne se pooient acorder prinderont le quint avoech aus en tele manière que tout chou que li troi daus aront dit de amander les discordes , sauf le foi des signeurs de eascunepart,il leurconvenra tenir de cascune part. Et est assavoir que li cuens et li contesse de Ghisnes et leur hoirs sont home lige du conte et de le contesse de Bouloingne et de leur hoirs sauve le lige de leur segneur de Flandres et sauf che que il doivent au roi dEngleterre. Et du fief que li cuens et le contesse de Ghisnes tienent du conte et de le contesse de Bouloingne par le ehastelerie de Bourbourch, il doivent a aus tel servise que si anchiseuT ont fait. Nous ensement a le requeste de cascune partie, cheste pais, si comme il est contenu en leur Chartres sauf nostre droit, conformasmes et volons quele soit tenue ferme. Fait a Heding par parole dincarnation M.CC. et X ou mois de may.

Archives du département du Pas-de-Calais, à Arra$,

N° 10.— 1214 (février).

Reconnaissance par Thomas de Flobecq au profit de Jean dé Maurevile de LV s. de Tourna y.

Sacent tout cil ki cest escrit veront et oront ke Thumas

de Flobiërc doit comme se propre dette a Jehan de Meu-

revile LV. s. de Tournay, forte monoie, de quoi li dis

Thumas sen tuint bien asols et apaijes , a payer ceste

dette au jour de lé prociesion de Tournay ki vient pro-

chainnement, et se Jehan de Meurevileen faisoit pour le

jour coustj frais , despens ne emprunt , rendre li dois li

dis Thumas parmi sen voir dit, sans le dette amenrir. De

tout cou a chieu Thumas de Flobierc asenet a lui et au

sien a quan kil a et ara par tout. La fu Hues li fors com

voirsjures et Brisiais Gaille com autres hom, et si furent

les parties a lescrit livrer lan de grasse M.CG. et XI, le

lundy après le jour de le candeler [chandeleur) .

Archives de Tournai. — Inséré dans la notice de M. Dumortief.

Pf° il. — 1211.

Charte par laquelle Louis , fils aîné de Philippe i Auguste, roi de France, garantit les droits et

COUTUMES DES ROURGEOIS d'ArRAS (1).

El nom du pere et du fil et du saint esprit. Loeys ainsnes fiex le roy de Franche sacent tout cil qui sont et qui avenir sont que nous creantames les drois et les coustumes des citeains dArras a estre fermes parmanablement loist assavoir :

[1]. Quiconques bourgois ochie a essient autre bourgois soit dedens le vile soit defors il perdera kief pour kief sil a este convencus par eschevins et li estranges dedens le banlieuve.

[2]. Quiconques taurra [enlèvera) membre a autrui a essient et il est convencus par eschevins il ert en nostre volente u de tel membre tolir u de LX livres sil ne la fait soi deffendant.

[3]. Quiconques ara fait rat [rapt) ne omecide nostre justice prendera celui au plus tost que elle porra et semonront eschevins quil jugent celui dedens XL jours ; et eschevin doivent celui droiturierement jugier dedens

(1) Celte charte est la reproduction presque textuelle en langue romane, de la charte octroyée par Philippe-Auguste à la ville d'Arras en 1194. Voir noire mémoire de l'affranchissement des communes dan$ le nord de la France (Cambrai, 1837), n° 53, p, 480-188.

XL jours ciel jour de le semonse et sil del jour de le semonse jusqu'à XL jours nont celui jugiet, li jugemens de celui très dont sera nostre et eschevin nous en feroient amende.

[4]. Quiconques ara este convencus de rat par eschevins le kief perdera se li femme a cui li force ara este faite ne le veut prendre a baron et cest de notre volente.

[5] . Quiconques ara este convencus par esclievins quil ait enfraint triuwes de plaie a banliue le kief perdera mais se li plaie nest a banliue LV liv. perdera.

[6]. Et cui eschevin encouperont par droit encoupes sera et cui il en deliveront par droit délivres sera.

[7]. Saucuns est en franke maison cui nostre justice voelle détenir par le signeur de le maison ou par sayeuwe porra celui arester dusqua tant que eschevin iviegnent et adont doit estre traities par leur droit jugement.

[8]. Quiconques ochira autrui u navera a mort saucuns fait force a nostre justice qui voelle celui détenir il ert en nostre volente a faire de lui aussi comme de celui qui le fourfait fist se cha este pourtraitie par esche vin s.

[9]. Saucuns a fait plaie a autrui et nostre justice ait mené celui pardevant esclievins se eschevin ont veu que celle plaie ne soit mie a mort mais a banliue LX liv. perdera et sil dient quelle puist estre a mort XXX jours le wardera on et sil muert en dedens kief pour kief et sil. ne muert en dedens LX liv. perdera sur lui et sur tout le sien et de cel jugement ne nous porrons nous mie prendre as esclievins.

[lu]. Quiconques ara fait dedens îe pais de le chitô

cnfrainture de rat u de larrechin u de plaie a banliue nostre justice le doit arester et mener devant eschevins et illoec doit faire seurte par leswart deschevins de tant a faire comme eschevin jugeront.

[41]. Quiconques ara autrui ochis u navre a mort li maires et li eschevin et toute le kemuigne doivent aidier nostre justice a prendre celui et li kemuigne porra celui sieuir partout dedens le banliue sans nostre fourfait et nostre justice prenderoit avec lui entour X hommes ou XII de le chite tels quil vaura, et porra celui sieuir jusques a le maison ou il fuira et lui recommander et le signeur de le maison quil viegnent a le justice.

[12]. Quiconques portera coutel a pointe u courte espachele u miséricorde u tele arme mourdrissoire LX liv. perdera et sil en plaie aucun il ert en no merchi de perdre le puing et cest de ceuls qui mainent decha Oize.

[1 3]. Il loist a nostre justice mettre main a coses de bani qui banis est de LX Hv. jusques a dont que elle ait le sien , sans les wages qui sont avant fait par eschevins.

[14]. Qui ara ochis bani de LX liv. u de mort de homme dedens le banliue sans fourfait sera , de tant comme il appartient à le kemuigne.

[15]. Saucuns hom de forain bat u navre bourgois premiers et a tort li voisin porront celui siuir et leur voisin aidier sans fourfait, et se cil se deffent, quanques on fera sur lui soit sans fourfait.

[1 6]. Se chevaliers doit debte a bourgois et il sen est sousmis a le loy deschevins pardevant aus se nostre justice ne len ayue quant il len ara requis, li bourgois

prendera le wage del chevalier a abandon dedens le pais de le chite sans fourfait et qui le herbegera après le deffense qui faite len ert, il paiera les deniers.

[17]. Nus qui soit raanans dedens le pais de le chite ne doit estre semons fors par eschevins et li eschevin ne pueent contredire quil ne voisent avoec nostre justice quant elle les en semonra. mais nostre justice leur doit dire locquison de le semonse se elle est raisonnable ; ne aler ny doivent se elle nest raisonnable.

[18]. Qui par eschevins ara este pourtraities dassaut de maison LX liv, perdera.

[19]. Qui autrui dedens le banliue cachera a armes sil en est pourtraities par eschevins LX liv. perdera.

[20]. Quel cose que le hom fâche sur sen corps deffendant nul fourfait il ne fait.

[21]. Qui de reube ara este pourtraities par eschevins LX liv. perdera et a celui sera rendue li reube qui le perdera.

[22]. Quel concorde que li banis de LX livres fâche a nous il remaint banis as hommes de le chite dusquadont quil ara payet LX sols.

[23]. Qui bani de LX liv. herbegera LX liv. perdera.

[24]. Qui autrui ferra de baston sil en est pourtraities par eschevins X liv. perdera dont nous aront C sols li bourgois XX sols et li férus LX sols.

[25]. Qui autrui ferra du puing ou de paume ou prendera par kaveus {cheveux), XXX sols perdera dont li férus ara XV sols li castelains X sols et li homme de le chite V sols.

[26] Qui autrui trainera par kaveus a terre u foulera des pies XI liv. et demie perdera dont nous avons X liv. li castelains X sols li traines XV sols et li homme de le

chite V sols.

[27]. Qui autrui dira lait V sols li donra et a le justice XII deniers.

[28]. Qui refusera trives a deus eschevins ou a plusieurs LX livres perdera.

[29]. Les guerres et les descordes et li mal de ceste manière sil avienent en le chite porront estre amende par eschevins sauf no droit et qui le pais et le concorde que eschevin eswarderont refusera LX liv. perdera.

[30]. Quiconques desdira eschevins en jugement u en tesmoignage LX livres perdera et si donra X liv. a cascun des eschevins qui desdit seront.

[31]. Qui met main par mal sur eschevins LX liv. perdera.

[32]. Qui des enfraintures de le chite faus tesmoignage dira LX liv. perdera.

[33]. Quiconques devera debtc a autrui par tesmoignage deschevins il nen porra estre délivres dusquadont que li creeres li ara clame quitte par eschevins.

[34]. Quiconques bourgois fera clamer sur lui en boidie pour damage faire a aucun, et il aret este pardevant prouve par eschevins chis clams et tous li remanans de celui remaura quemunement as deteurs.

[35]. Quiconques senfuira de le chite pour debte tous ses remanans remaura as debteurs et li fuitis sera banis de le chite sour LX livres.

[36]. Nus bourgois ne doit autre bourgois emplaidier

de catel , fors pardevant nostre justice et pardevant eschevins ; et se ailleurs lemplaide délivrer le doit dedens le terme que eschevin y arront mis et sil ne le fait LX liv. perdera.

[37]. Nus dons nus vendages, nus otrois nule vesture nert tenue sele na este faite par eschevins.

[38]. Nus clers ne puet reehevoir sen hiretage envers lai homme fors par sen avoe et par nostre justice et par le jugement deschevins ne sen fief ensement se par le signeur non de cui il descent et par le jugement de ses hommes.

[39] . Qui le markiet liera [louera) LX sols nous donra.

[40]. Le ban del vin et le ban des veneus et le ban del tremel remanront a hommes de le chite.

[41]. Si hom de forain vient manoir a Arras présentes a eschevins et après imaint quittement sans kalenge an et jour bourgois sera et le loy de le chite ara.

[42]. Cil qui fosse doivent au fosse viengnent si comme il doivent.

[43]. Nus ne prenge de le nostre part deniers as portes de le chite a amender les cauchies se bourgois non. « [44] Quele heure que nous vorrons nous aurons vérité de nos banis et de toutes les autres choses se eschevin le scevent dire.

[45]. Le bani en Flandres par eschevins de Flandres, de larechin u de murdre u de rat doivent estre nomme as eschevins dArras et il les doivent banir et se diloec en avant sont trouve en le vile prendre le puet on.

[46], Toutes les coses qui sont dites doivent estre

traities par le congnissance et par le droit jugement deschevins.

[47]. Dautre part avons nous ottryet as bourgois dArras a renouveler eschevins de caseun XIIII mois en XIIII mois en tel manière que cascuns XIIII mois liesehevin qui a cel tans aront este eschevin esliront IIII preudommes et loiaus de le chite et feront tout avant sairement quil en boine foy esliront les plus preudommes et cil IIII aussi esliront autres IIII preudommes et sages par leur sairement et de rekief li secont IIII esliront aussi autres IIII par leur sairement et cil XII seront eschevins par XIIII mois ; et ensi que en leschevinage ne peuent estre ensanle cousin germain ne plus prochain ne seutres ne genres.

[48]. Quiconques soit maires il ne puet avoir en leschevinage cousin germain ne plus prochain ne seutre [beau-père, s ocer) ne genre si comme ilestdit deschevins,

[49]. Li XII eschevin devant dit doivent estre semons de leur taille a leur osteus et cil XII eschevin doivent eslire IIII preudommes qui doivent rechevoir toutes les eskeances de le chite et rendre conte as eschevins.

[50]. Li élections des XII eschevins sera faite de XIIII en XIIII mois si comme devant est dit sauf le droit del maieur dArras tel comme avoir le doit et de tous autres.

[51]. Et si avons donne a ces eschevins lestree et les deniers de le porte qui sont a le cauchie faire as us et as coustumes de le chite sauf a nous nos rentes et nos fourfais et le justice del liu.

Et pour che que toutes ces coses devant dites soienl

fermes et nient mises ariere nous avons commande le présente chartre estre seelee de notre seel. Che fu fait a Paris lan del incarnation MCC et XI en lan trente-deuzimc del regnenement no pere et el palais de cel meisme no père furent cist dont li noms sont chi de sous mis et leur enseigne et li enseigne Guyon le boutillier li enseigne Berthremieu le camberier et li enseigne Guyon le connétable.

Archives communales d'Arras*

N° 12. — 1212 (mars).

Acte de vente par le seigneur de Kieri a Jean Maleparole, de diverses pièces de terre, situées a Kieri (4).

DaDS cet acte, Bernard chevalier, sire de Kieri, déclare avoir vendu à Jean Maleparole, du consentement d'Olivier, son fils, vingt-deux rasiéres de terre situées dans les quatre parties du cbamp appelé Espaille-Camp, au terroir de St-Martin de Kieri, vingt rasières de terre situées au champ de la Pierre, même terroir, et un manoir franc dans le village de Kieri, que Gérard Frotlei, frère de Jean Maleparole, tient sans service, sans justice et sans mauvaises coutumes. Le dit Jean prend ces terres et celle maison de Monseigneur Huon Tacon d'Aubigny, moyennant un éperon doré ou cinq sols parisis de reconnaissance annuelle au terme de Noël et autant pour relief.

(1) Quiery-la-Molle , commune du département du Pas-de-Calais , arrondissement d'Arras,

Che sacent tout cil qui ces présentes letres verront et orront ke Bernars chevaliers sire de Kieri a vendu a Jehan Maleparole par le gre dOlivier sen fil, vint et deus rasieres de tiere qui sient dedens les quatre parties du camp qui est apeles espaille camp u tieroir saint martin de Kieri et vint rasieres de tiere qui sient u camp de le piere u tieroir saint martin de Kieri, Et un manoir franc en le vile de Kieri que Gerars Froteis frères Jehan Maleparole devant dit tient sans service et saus justice et saus toutes malvaises coustumes. Sest a savoir que le devant dite tiere et le devant dit manoir a pris li devant dis Jehans a rente de mon seignor Huon Tacon dAubeingni par tel manière que il len doit chascun an au noel uns espérons dores u ciunc sols de paresis. Et sest a savoir que de le tiere devant dite puet li devant dis Jehans, faire se volonté vendre u doner u faire douaire. Et sest a savoir que de le tiere devant dite et du manoir devant dît que on en doit a mon seigneur Huon u a ses hoirs ciunc sols de parisis de relief. Cis vendanges fu fais u chastel dAubeingni pardevant monseigneur Huon Tacon et ses hommes qui i furent : Gillon de Megoval, Gillon de Berlele, Huistasse de Estraele, Isengrin de Metrenes, Gannelon de Louwes, Gillon de Fevrin, Bauduin Blandin, Huistasse Lehalle, Manessier Gauderon, Nicolon de Tenques, Robache de Tenques , Aubert Caue , Gotran , Huon de Louwes, Willaume quatre esperon, Engherran Rame de Kieri, Robert Vitoul, Pieron Dursens, Jehan Coignel, Pieron Larrouse, Gannelon de Vilers, Manessier deSavie, Jakemen de Savie, Estevenon Provost le comte de saint Pol, Robert de Kieri, Bernart Rose de Kieri, qui coin-

niunaument ont dit que ceste convenence estoit faite bien et loiaument, et le doit li devant dis Hues warandir al devant dit Jehan comme sires. Et se il ne li puet garandir, li devant dis Jehans puet le tiere devant dite reprendre et tenir de quelcumques seignor que il voira. Et sest a savoir que li devant dis manoir tient Gerars Froteis de mon seignor labe de Blangi. Et pour que ce soit chose ferme et estable je Hues Tacons ai ceste présente letre seelee de mon scel comme sires. Ce fu fait en lan de lincarnation jhesu crist mil deus cens et douze u mois de mardi.

Archives du département du Pas-de-Calais.

Le chartre contenans le loy de le commune deHesdin\

El non de le saincte Trinité, Amen. Jou Loeys lî ainsne, fix le roi de Franche faisons savoir a tous chiaus qui sont qui et a venir sont que nous avons otroye a nos bourgois de Hesding commune coustumes , ki sont chi desous contenues (1).

(1) La plupart des dispositions de cette charte sont conformes à k* charte ocirovée en 11S7 à la ville de Tournai par Philippe-Auguste ; v. notre mémoire déjà cité de l'affranchissement des communes, elc.?

[\] Chest a savoir se aucuns ochist aucun de le commugne de Hesding dedens le castel ou en le banliue et il est prins, il doit avoir le chief caupe, se il nest prins en sainte église ; et cankes il a yretages ou meubles, sera nostre ; et se li oehierres escape ke il ne soit prins, il ne porra entrer el castel ne en le banliue duskes a chou ke il ara fait pais as parens du mort, et qu'il ara donné X lib, de paris a le commugne pour l'amende ; et avoekes tout chou il ne porra entrer el castel ne en le banliue sans no commandement.

[2] Item, se aucuns est accuses de le mort dautrui et il nen puet mie estre convencus par loïaus tesmoins quil ait chelui ochis , il sen purgera par le droit jugement d'eskevins.

[3] Item , se aucuns fiert aucun et complainte en est faite au maieur de le commugne confaitement quil lait féru, il est a C et VII s. de lamende, moitié a nous et lautre moitié a le commugne ; et sil ne puet estre proves par tesmoins, il sen purgera lui tierch.

[4] Item> se aucuns a plaie aucun darme esmolue, par jour ou par nuit, et li plaies ait de chou tesmoins li fereres est à X lib. ,C. s. à le commugne et C. s. au feru, sauf no fourfait de LX lib. et se li férus na de chou tesmoins et chou ait este fait ou de jour ou de nuit, il sen purgera luy septisme jurans, et se chou ne souffist au feru il pora devant no justiche et les eskevins le fereur apeler de conkes cose qu'il vaura et le porra faire par droit jugement ; et se batalle est de chou jugie, ele sera faite en no court ensi ke le doit estre faite de queîe conkes cose batalle doit estre jugée.

[5] Item , se aucuns a aucun soupechouneus pour haine ou pour rancune et il la monstre au maieur de le commugne, li maire 11 fera faire seurte par le sairement pris de chelui ; et se li soupecheuneus ne veut mi chou faire pardevant le maïeur ne assurément donner , toutes les coses demourront en le volente de le commugne duskes a chou ke il lara amande de IIII lib* moitié a nous et lautre moitié a le Commugne ; et sil na nule cose il nenterra il castel ne en le banliue , et sera tenus pour anejnis de le commugne duskes a chou ke il en ara fait satisfaction.

[6] Item, se aucuns estrangnes , qui nest mie de le commugne , fait mellee a home de le commugne, si voisin de le commugne li doivent aidier, et sil ne le font, li maires de le commugne doit clamer et plaindre daus de le honte quil ont fait a le commugne ; ne aucuns de le commugne de cose quil fâche en aidant home de le commugne il n'est a nule amende sil nochist home ; et sil est ensi ke chius ait fait mellee sans droit et il est atains , encore soit il estraignes ou de le commugne il est a C et VII s. damende a nous le moitié et a le commune l'autre*

[7] Item, se aucuns fait mellee a autre dedens le justiche de le commugne , se li maires vient illuekes , il commandera a chascun pais a tenir 3 et sil ne le voelent, faire pour le maïeur et che soit devant II jures ou II homes de le commugne, chascun ert a X lib. a nous C. s. et a le commugne C. s. et ki à le meslee sera et par le commandement le maïeur naidera mie a le meslee a defîaire, il est a X lib. moitié a nous et moitié le conn mugne.

[8] Item, se- aucuns fait vilenie au maïeur qui va a val le vile pour le besoing de le vile, il est a X lib., a nous C s. et a le commugne C s.

[9] Item, se aucuns assaut le maison daucun se che nest par loi de le vile, et se chius a cui lassaus est fais, ochist lasalant, en lui deffendant, il nest anule amende.

[1 0] Item, se aucuns dist vilenie a aucun et il en est atains par loïaus tesmoins, il est a XLIII s. a nous le moitié et a le commugne lautre , et sil nen puet estre atains par tesmoins, li accuses sen purgera lui tierch.

[1 1] Item, se aucun trait espee en ire sur autrui par dedens le banliue, et li maires fait de chou plainte et en ait loïaus tesmoins, il ert a XL s. moitié a nous et moi* tie a le commugne; et se li maires na de chou tesmoins, li acuses se purgera lui tierch

[1 2] Item, se aucuns fait a^vais a aucun et il le coulle en tai ou en bohe, et se li maires et li jure en ont vérité entendue dômes ou de femmes , il doit estre a X lib. moitié a nous et a le commugne lautre pour lamende du fourfait ; et converra les X lib. paier dedens quinzaine (ensement ert il les deniers de toutes amendes) ou widier le vile ; et sil entre dedens le banliue puis le deffense et il est prins, il doit perdre I membre , et se chil a cui le vilenie est faite sen plaint au maïeur et a no justiche, on len fera droit.

[1 3] Item, se aucuns taut membre a autrui et il est pris, il doit perdre tel membre de sen cors ke il a tolu a chelui ; en manière sil fait pais ou blechie et a ses parens enchois ke justiche en soit faite, bien leporra faire sans perdre membre, sauve no droiture de LX lib.

{4 4] Item, se aucuns est pris a tout larrechin dedené le banliue et sil entre en le vile ou en le banliue, il doit estre rendus au maïeur et as jures, li maires et li jure le doivent jugier, et lui convencu feront mettre el pellori et après il le renderont a no justichier, et partant li maires et li jure sont délivre du larron ; item qui conkes est acuses, par vraie renommée, de larrechin , il doit estre banis III ans hors de le banliue puis le deffense et il est prins, on en doit faire justiche aussi comme de larron.

[1 5] Item, se aucuns ki na mi sen aage tue par aucun cas autrui, il doit estre mis en loïal reswart du maïeur et des jures, (pour) savoir u non si chius qui na mi sen aage en doit paine souffrir ou [être) cuites du méfiait.

[1 6] Item, se hom de le commugne est convencus de faus tesmoignâge par loi de bataille, il lamendera de X lib. a nous C s. et a le commugne G s. et pour le camp LX lib.

[1 7] Item, se chevaliers ou autres est obliges de déte

a home ou a boUrgois de le commugne et il na mie eu

se dete au jour estauli, sil veut il le monstrera au maïeur

et as jures, de coi se li maires et li jure en ont entendu

souffisamment vérité, li maires doit le chevalier amones-

ter quil pait au bourgois se dete et se chou ne veut

faire , il doit deffendre ke nus ne li fâche creanche, ne

compaignie le tiengne ; et de chou se li chevaliers a nule

cose dedens le banliue, li bourgois le puet prendre et

dehors le banliue le doit faire prendre par no bal lu et se

li chevaliers ou autres est complaignans ke li bourgois a

prins du sien ou fait prendre sans raison, li bourgois le

doit amender par no justiche selonc le droit jugement

deskievins ; et li maires porra conduire le chevalier ou autrui dedens le vile , sil nest fourbanis par nous ou par no mandement, duskes a chou que li bourgois lara deffendu au maïeur devant les jures.

[18] Item, se chevaliers a home fieve dedens le commugne, il le porra rechevoir en sen ostel, mais il ne li fera creanche, ne li portera vin ni iaue sil ne veut.

[1 9] Item, se no sergant enportent ou prenent les coses des bourgois de violence, il sont tenu de recroire ches coses et pièges et devons no ballu envoier au jour de chou estauli et a aus faire droit selonc le teneur de no eartre ens el liu la ou li plait de le commugne doivent estre tenu.

[20] Item, nous volons aussi et otrions ke nules coses de nos bourgois soient arrestees pour dete dautrui de coi il nont este plege ne dete {endettés).

[^21] Item, se aucuns a prins crois pour aller au sepulchre notre seigneur , pour locoison de le crois ne demouerra mie qui ne li conviengne warder les accoutumanches de le commugne , fores de chou quil doit porter au serviche diu.

[22] Item, chascuns hom loïaus, s'il n'est sers, puefc entrer en le commugne sil veut ; mais ke il warge les accoustumanches de le commugne, salves nos rentes et nos deniers dont ils sont tenu à nous, anchois qu'il entre en le commugne, ou envers autres.

[23] Item, quiconkes efforche aucune feme , il doit estre convencus par le loi deskevins , sauf no droiture que nous avons pour le rat, et se il, de le volonté de

cheli et de ses païens le veut avoir feme , bien li laira sans faire justiche ; et sil nest pris par dedens le banliue il doit estre banis VII ans.

[24] Item, quiconkes emmaîne feme daucun home , manant en le banliue, il doit estre banis VII ans ; et se puis revient il convenra quil restaulisse à lome toutes les coses quil emporta avoekes se feme ; et avoekes chou il nenterra se nest par un mandement.

[25] Item, pastures, herbages, iaues communes soient de chele meisme largeche ke le boine vérités du pais sur leur sairement aussi ke eles estoient très le tans le comte de Flandre et le nostre.

[26] Item, comme li maires et jure et li autre home de le commugne vont par le castel pour faire le besoing de le vile, quikonkes dira a I deus vilenie, il est a XL s. damende a nous le moitié et a le commugne lautre se chil a cui le vilenie est dite sen veut plaindre.

[27] Item, seli maires et jure font talle pour le besoing de le vile, il feront une meisme talle sur les homes de le commugne, en le commugne manans, de leur iretages et autres possessions en quelkonkes liu il porront estre trouve, sur leur sairement sans fourfait.

[28] Item, nus ne puet acater iretages dautrui jusfichaule par eskevins kil ne remange justisaule par eskevins ; ne nus ne puet chelui rechevoir en aumosne et tenir plus ke an et jour se il ne se fait justichaules de cheli, ou il metera cel iretage en main dautrui justichaule par eskevins.

[29] Item, nous volons ensement ke es viles dedens

banliues , estaulies kil aient chele meisme justiche quil ont eu duskes a chi.

[30] Item, sil ont bani aucun par sen droit méfiait, no ballus commandera quil ne soit rechus en leur banliue ; il le porront prendre par nos ballu.

[31] Item, en tous les bans ke li maires et li jure feront ensi kil seuront duskes a X lib. nous en avons le moitié et le commugne lautre.

[32] Item, toute le haute justiche remaint a nous et sera jugie par eskevins ; en le commugne de Hesding seront XX jure deskes li I sera maires ; et se uns ou dei ou pluseur de ches XX defalent , li remanans des jures doivent raemplir des autres le nombre devant dit, et seront mue (changés) chascun an en manière ke cil ki sera jures en lan, en lautre an ensuiant après ne porra estre jures. Item. Li vies jures esliront V jures et chil V esliront les autres.

[33] Item, li jure de le commugne de Hesding en chascune feste saint Jehan Baptiste porront eslire leur maïeur et estaulir par le plus grant partie et le plus saine daus, sauf chou ke nus ne soit de chou requerans.

[34] Item, toutes les droitures acoustumees ke li bourgois de Hesding ont tenues duskes a chi, nous volons quil les aient par îo'ïal recordement du maïeur et des jures , sauf no droitures en toutes coses ensi con il est devant dit, et de sainte église et de nos homes. Et ke che soit ferme nous avons conferme cheste présente pagene de no scel donnée a Lens en lan del Incarnation Jhu Grist mil II cens et XV.

Archives du département du Pas-de-Calais, ancien cartulaire d'Auchy, page 316.

Charte octroyée par le châtelain de Cambrai ,

SEIGNEUR D'OlSY, AUX HABITANTS d'OïSY.

(Extrait.)

Cette charte inédite se compose de 52 articles. En voici le début et les sept premiers articles :

Au nom de nostre seigneur. Je Jehans chastelain de Cambray et seigneur d'Oisy fay savoir a tous cilz qui sont et qui seront a tousjours que nous oltroyons a tous les habitans d'Oisy et qui venront pour la manoir et habiter ;

[1 ] . Quiconques ahennera d'un seul cheval il poeut ahenner pour VJ sols jusques a XIJ mencauldees de terre et a ces XIJ mencauldees de terre ahenner il poeut mettre tant de chevaulx quil vouldra pour les six soîz devant dis ; et sil voeut ahenner dun seul cheval il ahennera tout comme il porra de terre pour VJ solz ; et sil ahenne plus de XIJ mencauldees de terre jusques a XXIIIJ mencauldees de terre poeut ahenner pour XIJ solz ; et dedens ces XXIIIJ mencauldees de terre il poeut mettre tant de chevaulx comme il vouldra pour XIJ solz; et sil ahenne tant seulement de deux chevaux il ahennera tant de terre comme il vouldra pour XIJ solz ; et

seioncq cest établissement ly bourgois porra ahenner dun seul cheval de deux ou de trois ou de plusieurs au vaillant, et el temps de semer il poeut mettre tant de chevaulx quil vauldra ; ne pour ce lassise ne croistera ne decroistera.

[2]. Quiconques tient quatre mencauldees de terre de la terre le seigneur de son heritaige ou plus il doit au seigneur VJ solz ; et sil en tient mains de quatre mencauldees il nen doibt néant.

[3]. Qui tient metz enthier il doibt au seigneur IIJ solz, le sourhoste XIJ deniers ; et quiconcques paiera au seigneur pour la terre ou pour son ahennage VJ solz, en ce quiete il ( liber e-t-il) son manoir; cest assize doibt estre paye au seigneur chascun an a le feste saint Remy en dedens le VIIJe jour selle est semonse par le sergant le seigneur ; et se après le semonce du sergent, cest assize nestpaye au seigneur si comme elle doibt, ly bourgois rendera au seigneur aprez le terme XIJ deniers pour le fourfet ; de requief ainsy est il ordonne de toutes les rentes le seigneur.

[4]. De requief se ly bourgois ne paye au chevalier ou a noble homme telle rente comme il lui doit au jour détermine sil en convient faire clamer il payera XIJ deniers au prevost.

[5]. Chascun bourgois manans dedens Oisy doibt au seigneur six crovees chascune crovee par un jour en la terre le seigneur chascun an de ce meisme labeur dont il vit; se ly sires voeult faire celle crovee en aultruy terre, et sil rebelles ny veulle aller sil est semons par le pre-

vost et par le sergent le seigneur ly eschevins pouront mettre a icelluy pris raisonnable, et lors il converra ly bourgois sieuir le dit deschevins ; De requief se ly crovee est semonse par les eschevins ly bourgois le poeult faire sans fourfait dedens deux jours, le sergant le seigneur poeult lyuer un g aultre qui payera pour luy cette crovee ; du manouvrier prendera ly sergans VIIJ deniers de lomme et dun seul cheval IJ solz ; et sil a deux chevaulx IIJ solz , et sil a trois chevaulx IIIJ solz ; et sil a plus de chevaulx il nen payera plus ; de requief se ly bourgois offre au sergent le seigneur a faire le crovee dedens deux jours par tesmoignage de deux bourgois, de celle semonse ly sergent le seigneur ne le poeut en nulle manière agrever.

[6] . De requief, il est assavoir que se ly sires vient en le ville dOisy et a mestier de queutes {couches , matelas), il doit avoir chacune queute pour IJ deniers selle est portée fors de le maison ; et se elle demeure es aises des hommes audit seigneur et demeure en le maison dudit bourgois , elle doit estre aloee pour J denier ; et se ly bourgois par tesmoignage de bourgois est convaincus quil ait reprins ses queutes pour convoitise de grand pris il lamendera de V sols au seigneur ; et se ly bourgois ne veult lieuer ses queutes pour le prix qui est establis ly sergans doit aller as eschevins pour se plaindre de ce ; et ly eschevins doivent délivrer les queutes au sergant pour ledit prix sil ne voient apparant nécessite dostes; et toutes voies au bourgois et a sa femme leur queute leur demoura.

[7], De requief, se ly sergans le seigneur en temps de

messon treuve ou camp du bourgois fais de fourment ou daultre avaine levet a tort il demandera au bourgois ou a celui qui treuve ou camp en son lieu sil cl aime comme sien ce fais qui ainsy est trouvez et sil recongnoist quil est siens il perdera le fais et se amendera le fourfet au seigneur de V sols ; et sil ne le reclame ly devant dit fais demoura tout délivres au sergans; de requief, se ly sergant le seigneur treuve aucun portant faissiez de telle manière qui soit a tort soies de le terre le seigneur se ly porteres na warandie il perdera le fais et payera V sols au seigneur pour fourfait ; de requief se aucuns pert ses garbes ou son camp et il peut prouver par tesmoingnages ou par serment ly sires ly doit rendre en telle manière que ly bourgois jura et fiancera que sil congnoist dedens lan le ravisseur des garbes il lacusera au seigneur ou au prevost, ne sur ce ly bourgois ne doit plus faire.

Les articles \ 6 à 4 9 répriment les violences et noies de fait. Ils sont ainsi conçus :

[16]. Saucuns dedens le banliue deshonneste aucuns par laidenge sil en est convaincus par tesmoings il payera au seigneur X solz.

[17]. De requief, quiconcques fiert aucun par ire ou mettra main a aucun sans sang il paiera XX sols ; de requief, quiconcques par ire traira sang dautruy ou daucun il paiera LX sols ; de requief saucuns trait coutel a pointe pour luy deffendre il paiera C sols et sera banis de la terre dusques a le volente du seigneur ; de requief quiconcques ferra de coutel a pointe de jour il paiera X.

livres et sera banis de la terre dusques a le volenlc du seigneur ; de requief quiconcques ferra de coustel par nuyt il paiera X livres et sera se personne a le volente du seigneur sauf les membres.

[18]. De requief se ly sires ou ses menistres semont eschevins que ilz facent le ban sur tous les hommes le seigneur d'Oisy qui porteroient coustel a pointe dedens la ville, ly sires fera le ban par le conseil deschevins sur paine de LX sols ; doit perdre le coustel puis que ly bans aura este fait par le commandement du seigneur et par eschevins cil sur cui on trouvera coûte! a pointe ; paiera au seigneur LX sols et perdera le coutel dusques au terme mis du seigneur et des eschevins ; de requief, se estrangers qui ne sara ce ban vient demourer dedens la ville puis cil bans ly sera apertement révèles dou prevost se il enfraint le ban en aucune manière il soustera celle meisme paine que ly autre homme de le ville soutiennent.

[1 9]. De requief, quiconcques envayra aucun de jour en sa maison il paiera C sols et se ly envaissement est fait de nuyt il paiera X livres ; sy bourgois ainsi envays se peut deffendre sans fourfait de tous les fourfais devant dit fors de folement parler ; ly navres ou ly férus aura la tierch part et ly sires les deux pars ; de requief quiconques navre aultruy il paiera au navre coustz raisonnables ; toutes ces choses doivent iestre esprouvees devant prevost et devant eschevins.

Les articles qui viennent ensuite sont relatifs à divers objets. L'article 46 concerne la révocation et

le renouvellement des échevins. Il porte )

[46]. De requief se ly baillius demande as eschevins se il a entre yaux aucuns qui ne soient mie pourfitable en l'office desquievin, (Us) doivent nommer au prevost seulement deux diaulx liquel sont a oster, et quant cil deu seront oste, li baillius deux aultres souffisans par le conseil des chinq eschevins esleus sur leur sairement doit restablir en ce meisme office.

La charte se termine par les dispositions que voici :

[50]. De requief, les esquievin dient que sil voient homme en la ville a quy li sires aux us et auxcoustumes de la ville ait donne mez,il aueront celuy pour bourgois.

[51]. De requief, ly esquievin en nulle manière ne receveront bailliu ou prevost ou aulcun autre sergant le seigneur sil ne fait avant serment par tesmoingnage deschevins que il , de tout son pooir, toutes les droictures le seigneur et ensement les drois des hommes de la ville gardera par toutes choses sans nulle bleceure ; par deseure tout ce, la brebis trouvée en tailliz de bos le seigneur doit I denier ly quevaulx VJ deniers, ly vacque IIIJ deniers.

[52.] De requief saucuns sergans le seigneur ou ses hommes treuve aucun ou fourfait du bos le seigneur il le peut prouver par son serement ou par laide daucun autre, et en celle manière paiera cil fourfait qui devant escript en la cartre,

M. pour cou que ceste nostre constitution soit ferme

et estable a tousjours et vaille a tousjours par plus ferme force rions avons warny le présent escript de lemprainte de nostre scel et avons warny de suscription detesmoings et avons jure en sains et avons fais jurer nos chevaliers et nos frans hommes que nous garderons fermement et sans bleceure cest escript ; signe de moy Jehan seigneur dOisy et de Monmirail et castellain de Cambray ; signe de Bietremieu nostre capellain, signe Dieudonne nostre clerc ; signe de Bauduin seigneur d'Aubenchel , Huon Papelart, Alart de Saucy, Simon de Raucourt , Willame son frère , Jacques de Marquion, Pierron de Lambres, Landry dAllues (Arleux)} Simon dOisy, Huon de Villers, Alart de Paluel, Landry de Saucy, Engueran de Hainecourt, Pieron de Douay, Watier de Goulesin, Guion de Ruancourt, Robiert de Weîu, Bietremieu de Bregieres, Huon Le Quien, Simon de Bourîon , Huache de Bussy, Engueran de Billy chevaliers et mes hommes ; signe dEngîebert le Prévost dOisy, signe de Estienne de Lombart, de Adam Bridoui, Huon Lefevre, Jehan Wilame, Jehan de le capelle eschevins dOisy. Et fut fait lan nostre seigneur milieme deucentime sezieme es witimes kaîendres de may, dure a tousjours.

K° 15. — 1218 (mars).

Acte par lequel Bauduin , sire de Cuincy , donne a Bauduin de Lauwin, son neveu, tout ce qu'il a

AU VIVIER ET AU MOULIN d'EqUERCHIN , EN ACCROISSEMENT DE SON FIEF.

Ce sacent cis ki sunt et ki avenir sunt ke jo Bauduins sire de Quincy ai donee a Bauduins de Lauvin, men neveu quanke jo ai el vivier et el molin d'Eskerchin, en totes apartenances en lacroisement de sen fief por sen servir et por co ke jo le cuide bien emploieir. La fu Gerars Faukes comme hom et Hernous de Quinci comme aloiiers et Jachemes de Fiers com aloiers et Fleriaux de Lespaut com aloiers et Robers de Lauvin com aloiers et Ernous de Quinci com aloiers et Gerars Faukes com aloiers.

Et pour co ke je vuel ke co soit ferme et estaule jo le conferme de mon'sel et co fu fait a Quinci el mois de mars^et li incarnation MGG et XVIII ans.

Archives du département du Nord, à Lille, fonds de St-Amé de Douai.

IV0 16. — 1219 (avril).

Transaction entre Pierre de Douay, avoué et seigneur haut justicier de cïsoin, concernant un bois et des terres de somain, des pecheries, des dimes , le par- TAGE DES AMENDES ET LEXERCICE DES DROITS DE JUSTICE.

Pour chou ke li taus sunt perilleus et li jour mavais et que nous veommes le monde mis en tel point de malisse ke peu de gent estudient a garder foiaute et li plu^ seur sabeent a boisdie multipliier ; besoins est de previr ke les choses ki sunt faites par bonne foi, de nete pensée et de sain consel aient fermeté permanaule, ne ne puissent iestre muées en leur enpirement par boisdie ne par malisse. Pour ches choses jou Pieres de Douai fac conneute chose a tous chiaus ki or sunt et ki avenir serunt : ke cum Bauduins cuens de Flandres et de Hanau eust octriet a moi en fief lavouerie kil avoit en le vile de Soumaing li quelle vile toute avoec tout le segnourage et avoec le haute justiche est de le glise saint Kalixt de Cysoing de droite anchiserie ; li abbes et le capitles de le glise devant dite ki me vourent avoir plus foial et plus aparelliet en leur besoins par lor commun consel et par lor assens otroiierent a moi et a men hoir lavouerie de leur franc alues quil ont en bos et en mares de le vile de Soumaing devant dite juskes en escard ; mais ïi maison de Biaurepaire aveuc ses tieres et aveuc ses sars et ses eves et le manage Foucart et aveuc les bos de

Biach et de longhe selve remesent {restent) en l'avouerie le comte devant dit et de sen hoir. Et pour chou kaucune doutanche u aucuns contens ne puist naistre des convenantes ki de chou sunt entre le glise et mi je veue ches convenanches par cest escrit i estre eclairies en tel manière.

[1 ] . Jou et mes hoirs devoumes garder le bos a no propre despens et pour le garde nous devoumes avoir le moitié del pris quant li glise le vendera ; car a le glise afiert li vendages ; ne jou ne mes hoirs ne poons riens el vendage reclamer ne le vendage enpeechier.

[2]. Apries VIII ans li glise doit vendre le bos ; devant elle ne puet. Se pour aucune cause li glise veut haster u prolongier le vendange dou bos che ne pora elle faire contre le volenté de mi et de men hoir. Se li acateur dou bos voelent louer aucun liu el bos à mettre lor faissiaus il le doivent louer de mi et de le glise et li louiers sera communs entre nous. Se jou et mes hoirs poons trouver markans al tans dou vendage ki a plus chier pris acathent le bos devant dit, preuc ke che soit sans boisdie, li glise devera entendre nostre consel.

[3]. Se jou et mes hoirs volons faire fosset entour cet bos pour le deffense dou bos on le fera par lasens del église et li glise paiera le moitié del despens.

[4] . Se par aventure li bos estoit mal gardes par le negligense de mi u de men hoir u par maie volenté ke nous arions couchieute contre le glise, li glise le fera gardera no propre despens. Et si longuement ara li glise le garde juskes a tant cou li ara ases fait des despens devant dis.

[5]. El bos devant noume ne H glise ne jou ne mes hoirs ne porons aucune chose taillier ne sarter ne estauler hostes de nouviel se che nest par commun assens.

[6]. Li menu fourfait ki avenront ou bos, si corn de coper un arbre larencheneusement u com de prendre une bieste damageusement depaissant, [ou d'abattre) les arbrisiaus dou bos, sunt mien et men hoir. Li plus grant fourfait ki partienent a haute justiche sil avenoient ou bos, il sunt commun entre le glise et mi et men hoir. Se le biestes de le glise u les miennes u les biestes men hoir keurent ou bos pour tant ke che ne soit fait par malisse, li uns del autre ne pora demander nul fourfait.

[7]. Li glise devant dite a ottroiiet a mi et a men hoir XXIIII rasieres de tiere de hors le bos et el comte de ces XXIIII rasieres ert mes manages et li hoste ki la mainent. Et si i a li glise se droite disme ; li drois profis de men manage est de le glise ; et vif et mort afierent a le profe (paroisse) de Soumaing.

[8]. Se par aventure jou et mes hoirs estaulissiemes en le terre devant dite hostes aveuc chiaus ki ja isunt estauli il naront nul usage ne nul droit, il ne lor biestes en hierbe en vert ne en ses rains de ces meismes bos.

[9] . Se jou et mes hoirs poiemes aucune chose aquerre en celle terre Saint Kalixt ki est de ceste avouerie au profit de le glise et de nous pour tant ke che ne soit de le possession de le glise, et li glise i veulle faire le moitié del despens dedens lan , li glise aura le moitié en tout eel aquesL

[10]. Li glise a otroiiet en fief ces choses ki sunt de-

vant dites a moi et a men hoir et de chou sui je hom liges de le glise et ausi le sera mes hoirs. Ci fief ne puet i estre devises ne départis par nulle manière ne par nulle cause, mais tout tans entiers demorra. Ne jou ne mes hoirs ne le porrons a nullui ne a le glise ne a autre personne enwagier ne donner ne aumosner ne vendre ne en nulle autre manière obligier, fors ke a le glise Saint Kalixt pour tant ke li glise veulle a chou entendre.

[11]. Li glise et jou et mes hoirs avons commune peskerie et commun usage en toutes les peskeries, en tous les fosses et en toutes les tourbières ki sunt de me maison de Rieulai juskes en escard fors ke es fosses ki sunt entour me maison, des queus fosses li peskerie est toute mienne et men hoir.

[1 2], Li glise a le moitié et le disme es hostes ke javoie estaulis lelonc le capielle ou bos. Li glise a se moitié et le disme en le terre dou bos viers les places de Hatemont ; se loist a savoir VII rasieres pau plus pau mains.

[1 3]. Jou ne mes hoirs navons riens de droit el frans hostes ke li glise a a Soumaing, s'il ne font aucun fourfait hors des frankes possessions. Se aucuns des autres hostes afuioit par aucun fourfait es maisons des frans hostes, ne jou ne mes hoirs ne li maires ne li eskevin ne meterons mains a lui par tant ke li glise soit apareillie de faire justiche a lui.

[14]. Jou ai me rente es autres hostes de le ville que li cuens devant dit donna a mi et a men hoir tele kil avoit quant il tenoit lavouerie selonc le recordanche des eskevins,

[1 5]. Jou et mes hoirs devoumes î estre as plaintes et as plais pour quelle ocoison ke il sourgent, saf le droit de le glise. Car jou et mes hoirs avoumes pour lavouerie le tierche part es amendes et es fourfais ki avienent en celle vile et li glise les deus pars. Ensi soumes tenut daidier li uns lautre foiaument a chou ke nous aiemes le tierce part et li glise les deus. Ei se li glise voloi a aucun pardonner les deus pars dou fourfait , nekedent le tierche partie demorroit sauve a mi et a men hoir.

[4 6]. Jou ne mes hoirs ne pooumes semonre les hommes ne les hostes de le glise ne il ne doivent tenir nule fie a no semonce, ne de le vile issir a armes se che nest pour deffendre le fief de le glise.

[4 7] . Jou ne mes hoirs ne poons faire en le vile manage ne en tout le tieroir de toute le vile, ne demander procuration.

[4 8] . Li ban con fera en le vile seront fait de par le glise et de par l'avouet.

[4 9] . Chélui ke li eskevin aront esîiut a leskevinage li maires de le glise par leur conseil le doit estaulir , ne jou ne mes hoirs ne les porons de chou empeechier. Et se aucuns ne voloit rechevoir leskevinage il doit iestre a chou contrains par le glise par mi et par men hoir.

[20]. Se aucuns des eskevins doit i estre ostes del eskieuvinage pour se defaute u pour sen fourfait, li glise lostera par le consel de mi et de men hoir. Ne en chou nous ne poons le glise empeechier.

[24]. Quant li abbes de Cysoing ki ke il soit devera rechevoir a homme loir u le successeur de cest fief et

rendre a lui cest fief , anchois ke li il chou fâche il fera cest présent escrit lire et despondre devant lui et devant ses pers. Et après chou il fianchera et jurra sour sains ke il gardera foiaument tout chou ki est contenut en cest escrit ; ne ke jamais ne fera riens ki soit contre les* crit. Et puis on le rechevera a homme sauf le droit et le relief ke on doit a le glise.

Pour chou ke toutes ces choses soient gardées foiaument si ai jou donnée ceste présence pagene esforchie de mon saiel a mon signeur Yhiert l'abbé et au capitle de Cysoing. Fait fu l'an de grasse M. deux cens et dise neuf el mois d'avril.

Archives du département du Nord, à Lille. — Fonds de l'abbaye de Cysoing.

N° 17. — 1219 (décembre).

Lettres de Jean, seigneur de Cysoing, par lesquelles, du consentement de son fils, il donne au village de Cysoing la loi de la Bassée.

La loi de Vervins, octroyée en 1163 par Raoul de Coucî aux habitants de Vervins, était célèbre au moyen-àge (1). Batiduin,

(1) V. le texte de cette charte dans l'histoire ecclésiastique et civile du diocèse de Laon, par Dom Lelong, preuves, p. 607. V, aussi traité des nobles par Lalouette, f°. 194 v».

éomle de Flandre et de lïainaut, l'avait adoptée ; jurant de l'observerai! l'avait donnée par forme de charte à ses sujets et l'avait mise en garde à La Bassée ; de là le nom de loi de la Bassée qu'elle avait reçue. Dans cet acte de 12L9, Jean, seigneur de Cysoing, octroie également à ses vassaux la loi de La Bassée.

Sachent tout cil ki sunt et ki avenir sunt ke jo Jehans* sire de Cysoing, ai done a le vile de Cysoing le loy de le Basseie , entirement et iretaulement a tenir a ans et a lor oir. Et Jehans , mes fins, lor a jureit a tenir ausi comme jo. Et por co que jo voel ensaucier le loy de le villejo lor ay done mes esteules de mes terres de Cysoing en amendement daus et de caus qui y venront iretaulement. Et tel don que jo lor ay fait auteil, créante Jehans mes fius. Et li abbes de Cysoing et li capiteles par amendement de le vile et de caus qui y venront li otroie tout en sicomme je, lor esteules del teroir de Cysoing ; et les pasturages de le ville et les aiwes (eaux) communes par droitte cerquemanerie tiennent il de my par ÏJ sols dartisiens le jor saint Remy de cens. Et par cel cens lor doi-jo warandir et sauver. Et li abbes de Cysoing et li capiteles la créante a tenir saus (sauf) lor drois. Et se li mien justicaule de Borghelle et de Louvy voilent avoir lor aises es pasturages et el communes aiwes, aidier doivent a paiier le cens. Et por co que ce soit estaule et que tenu lor soit, jo Jehans, li pere, sire de Cysoing, Jehans mes fius, et jo Ybers, abbes de Cysoing, et mes capiteles y avons pendu nos soiaus. Et ce fu fait en lan del incarnation Jhesu- Crist mil CC ans XIX, el mois de décembre, le jor saint Nicolas. Et ce fu fait en plaine glise devant tous caus de le vile.

Tiré du cartulaire de l'abbaye de Cysôing.

R° 18. — 1220 (mai).

Statuts de l'ropital St-Julien de Cambrai portés par le chapitre de l'église cathédrale de cambrai.

Sensieut le anchienne et primieraine constitution de la règle et fourme de vivre des frères et sœurs servans pour Dieu et ministrans aux povres malades en le hospital de Sainct- Julien a Cambrai.

R. Prevos, A. Doiens et tous licapitele de Notre Dame de Cambray, a tous chiaux qui ceste présente lettre verront, salut en nostre Signeur. Cognute cose soit a vostre université que a lonneur Diu , Madame Saincte Marie auvec le salut des ames, nous avons ordene en no capitele de commun assentement des frères, a ce jour avons estauli sans nul reclaim une manière de vivre en lospital Sainct Julien de Cambray soubs ceste fourme.

[1]. Saucuns crestiens se soit ofers a nostre Signeur a servant a lospital Sainct Julien, ne doit mie estre recheu en frère ni en sereur , ains soit converse entre les frères et les sereurs et esprouves par VI moys, et soit cogneu le labeur de le maison et le manière de vivre.

[2]. Adont nousotrions,sil plaist a no capitele, quil renonche au siècle et a propre volente et face veu de continenche, de povrete et dobedience ; et mèche se main sour lestole en main de prestre pour faire le veu devant dict, et sour lui il eleve le fais dobedience.

[3]. De vestures nient coulo urées doivent estre li frère et li sereur vesti en une fourme, mais les suers doivent porter par jour, gris eseapulers ou noirs sous leur côste.

[4]. Refroitoir , dortoir et aultres oficines doivent avoir li frère par yaus et li sereurs par elles. Li frère awec se sereur ne doit mie ameller ses secres ne ses paroles.

[5] . Li frère ne doit mie seir awec se sereur, seul a seul, que soupechons nen puist naistre de mal.

[6]. Li frère et les sereurs doivent estre repeut de com* muns boires et de communs meigniers se aulcune cause daccession y soit sousentree par enfermete ou par négligence des personnes.

[71. Nulle personne ne doit estre rechute a frère ne a sereur fors a ministrer les malades et as aultres coses nécessaires de le maison.

[8]. Une saige persone y soit trouvée par especial congiet de capitele.

[9]. Nulz des frères ne des sereurs ne doivent mie issir des sens de le maison sans certaine cause et licence de sen souverain.

[1 0]. Li suer qui a congie ne doit mie aler par le cite sans tesmoignaige et sans compaignie daultre sereur u donneste personne.

[11]. Nus des frères nu des sereurs, huers de le maison en quelconques lieus qu'ils soient en Gambray, ne doivent megnier ne boire que deux fies.

[1 2]. En dortoir, en oratoire et en refroitoir doivent li frère et les sereurs tenir silence ; mais saulcune besoigne nécessaire entre le megnier contraint aulcun de parler, il

se doit lever et en estant die briefement chou que li nécessite li demande.

[13]. Li frère et li sereurs doivent cascune semaine au mains une fie estre en capitele des nécessites de le maison et des oultrages saucun y sont a amender.

[14]. Des oultrages il doivent estre puni en leur maison en satisfaction ne en mettre huers a lordenanche dou procureur de cheli hospital et dou conseil dou capitele se besoins estait.

[1 5]. Nus hom ni doit estre rechus awec se femme.

[16]. Cil qui aront aprins lettres u qui saront lorison dou dimenche, il diront selon lordenanche dou procureur chou quil saront,

[17]. Li malades deit estre rechus benignement, et ensi que li sires de le maison, doit estre repeus cascun jour de chou que li frère ne les sereurs megnechent, selon leur enfermeté.

[18]. Et se aulcune cose vient ou désir dou malade on le doit quérir son le peut trouver, par si que ce ne soit contraire cose au malade , selonc le pooir de le maison , et chou doit on faire parfaitement dusques a donc quil soit restaulis en santé.

[1 9]. Li malades doivent estre warde soigneusement.

[20]. Saucun des convers ait este convaincus a propre, il doit estre griement puni , et de tes défaut on en doit faire com descumenyer , et sans divin office doit estre ensevelis.

[21]. Tes malades soient recheu tant seulement que de tel maladie sont empeschiet quil ne peuvent aleï mendier duis en huisf(

[22]. Li canones procureras de celle maison il ordone sour toutes ces coses et sour celés a venir aussi corn il ara coneut ; a avenir des doutanches e des grans cos s rekeure au capitele.

Et pour que ceste ordenanche demeure ferme, nous

vons fait seeler ceste présente lettre de notre seel. Et ce

fu fait lan de lincarnation notre signeur Jhesu Grist

MCGXX ou moys de May.

Archives des hospices de Cambrai, ancien cartulaire de V hôpital saint Julien.

Convention entre Jeanne , comtesse de Flandre , Et, Mahaut , dame de Tenremonde , au sujet des terres d'Alost et de Tenremonde.

Jo Mehaus dame de Tenremonde fas a savoir a tous ceus qui ces lettres verront que teus est la covenance entre moi et me dame la comtesse de Flandre et de Hainaut dendroit le terre dAlost et de Tenremonde que li uns ne puet cacier serf ne aubaine ne homme d'avoerie ne ancele el demaine a lautre. Mais es fiefs le puet il cachier et suir et leur homme les suiront ; et cest a savoir dendroit lavoerie de saint Bavon de G and queîe remaint en autel point comme elle fut al tans que li cuens Bauduins tenoit ceste costume envers lavoe Wiîlaume et co

doit estre seu par le loial enqueste monseigneur de Morsele. Ceste covenance doit estre tenue se li cuens (4) nest encontre quand il ert issus de prison et a co quil si acort doit me dame li comtesse mètre tôt le consel que le porra en boine foi, et se del conte defaloit ains quil iscist de prison, li covenance doit estre tenue ensi quele est deviset. Date a Curtrai lan MCCXXI lendemain de le Magdeleine.

Archives du département du Nord. — Publié par M. Le Glay dans ses Recherches sur les premiers actes publics rédigés en français.

N° 20. — 1221 (juillet). .

Le sire de Carenchi reconnaît devoir a Jakemon de le funtaine, quarante six livres de parisis.

Saichent eschevin ki sont et ki avenir sont que Willaume de Cheeu sire de Carenchi doit a Jakemon de le. Funtaine XL VI livres de parisis del propre catel Jakemon devant dit , a rendre a Arras huit jors devant le feste saint Jehan Baptiste procaine, etc. Ge fut fait lan del innation MCCXXI el mois de julie.

Archives communales d' Arras.

(1) Fernand, comle de Flandre, emmené prisonnier à Paris en 1214 après la bataille de BouTÏnes.

Acte contenant vente par Pierre de Lambres aux dames de l'abbaye des pres a douai, d'un muïd de terre au marais de la brayelle.

Ce saceat cil ki sont et ki avenir sont que jou Pieres de Lambres et Hues mes fiels segneur de Lambres , avons vendu I mui de tere pau plus pau mains ki siet a le bouke (à Ventrée) de le braiele près de le voie ki va de Lambres a Quinci, as dames de labeie des près dencoste Douai ; et si la créante Beatris me feme, et Marguerite li feme Huon men fil, et se douaires eschaoit a Beatris me feme, et ele le demandast en le terre ci devant nomee, ele met en restor I rasiere de tere plus quele ne demandast de se douaire, en le couture de Corceles. Et sil eschaoit Margaritain le feme Huon douaires en le tere ci devant dite, Hues met en restor I rasiere de tere plus quil naferist a sen douaire au camp del mui vers le gibet. Et cou fu fait par loi et par jugement des jugeurs de le cort dOisi et fu fait devant Bauduin Daubencoel comme segneur,ki le creanta et gréa comme souverains baillieus. De par le segneur d'Oisi, et pour cou que co soit ferme cose et estaule jou Pieres de Lambres devant dis conferme ceste cartre de men seel. Cou fu fait en lan del incarnation mil ans et CC et XXIII el mois de mai.

L'original de celle charte est aux archives du département du Nord; M. Le Glay Va publiée dans ses Recherches sur les pr^. miers actes publics rédigés en français^

N° 22. — 1223 (décembre).

Arbitrage entre la ville et l evêché de Tournay , POUR terminer les contestations qui existaient au sujet du poids de la ville.

Ce sacent cil ki sunt et ki avenir sunt que li glize de Tornai d'une part et li eschievin d'autre, par le commun assens de le cité se sunt mis en deus canoines de le glize que li vile a eslius, maistre Nicholon Buchau et maistre Jehan de le Bassée et en deux borgois de le vile que li glize a eslius, Huon le Fort et Willaume le Tôlier et el vesque ki est avoec ces quatre, par lotroi de lune partie et de lautre,del descort ki est entre le glize et les eschievins , dendroit le pois de le cite de Tornai, et de quanquil i afiert por totes descordes abatre ki meutes sunt entre le giize et le vile u (ou) mouvoir puent dendroit le pois, par lavisement des diseurs ki nome sunt, par si que quanque li cinc u li plus grans partie daus en diroit par jugement, se pais ne pooit venir par bouche parlant u quanquil en atirront en quel manière que ce soit sains dacense, por le pais de le glize et de le vile et quelque pairie quil eswarderont por lor dit, u lor atirement faire tenir le glize et li vile le doivent tenir et faire tenir chascuneen droit soi, a tos jors, tôt ensi com li atireur le deviserunt sor paine de GC lib, de flamens ; et li quels partie iroit encontre lor dit u lor atirement devroit et donroH al autre le paine ki est nomee , et li vile doit teus.

avoir les borgois ki nome sunt,quil entreprendront ceste mise et termineront dedens le première tiephane (épiphanie) u dedens le candeler au plus loinc, et sil ne le faisoient par cui quii demorast u par aus u par le vile , li vile seroit enchaue envers le glize de CC lib. Et li glize doit avoir teus les canoines ki nome sunt quil entreprenderont le mise et termineront tôt ensi corne il est dit et sil ne le faisoient par cui quil demorast u par aus u par le glize , li glize seroit encheue ansement enviers le vile. Et por co qualcune chose ne remaigne dont noise u descorde puist venir entre li glize et le vile, li glise et li vile se sunt mis es cinc ki nome sunt,tot ensi com il est desus devise des dépens que li glize fist por le plait qne ele eut enviers les prouvos et les jures por endroit les maisnies as canoines et envers les eschievins ausi. Et por co que ceste chose soit plus ferme et plus estaule li doiens la fiencie por tote le glize et li provost por tote le vile et tôt li eschievins chascuns por lui, si corne il est eschievins, et por tote Je vile ausi, quil le tenront et feront tenir a lors pooirs a bonne foi sains tos maus engiens. Et por plus grant seurte li vesques a le requeste de li glize et de le vile a fait pendre son saiel a ceste cartre et li glize le sien et li vile le sien. Ce fu fait lan del incarnation MGG et XXIII, el mois de dizembre, le vigile saint Nicholai.

Archives de Tournai. — Inséré dans la notice de M» Dumortier.

Décision du roi Louis VIII touchant le marais

DE ROLLENCOURT.

Au jour que li quens Phelipes de Flandres (1) qui estoit sires de Hesding et de ses apendises sen ala outre mer, estoit li commugne dAuchi tenans et usans des pastures et des mares ensi que il sont et que il durent duskes a le courtis de Rollaincourt ; et après le mort le conte Phelippe, li sires de Rollaincourt commencha a cachier les bestes dAuchi hors de cele pasture dessus dite ; mais por chou ne laissoient mie chil dAuchi que il nalaissent en le pasture devant dite quant il pooient ; et tant dura chil contens que li roi Phelippes repaira doultre mer et quant li roi Phelippes vint en cest pays il saisi ceste terre avoec monsigneur Loey sen aisne fil, et prist en se warde pour chou que messire Loeys nestoit mie aagies ; et après par le droite commugne jure del païs il fist rendre le pasture et les mares devant dis a le communite dAuchi, et le tinrent chil dAuchi quitement et en pais duskes a chou were (guerre) commencha entre le conte Bauduin de Flandres et le conte de Boloigne d'une part, et le roi Phelippe dautre (2) ; et vinrent chil doi conte a forche el a armes a Ilesdin et larsent et eschillerent et effondre-

(1) Philippe d'Alsace, mort te ltr juin 119-1. (8) En 1195.

rent sen vivier et abatirent sen parc ; et après recommencha li sires de Rollaincourt a recacher les bestes hors de le pasture et des mares devant dis ; mais chil dAuchi ne laissierent mie por chou quil ni alaissent quant ils pooient. Et quant li rois Loeys eut aage , li rois Phelippes ses pères le fist chevalier et li rendi se terre ; et quant ceste terre li fu rendue, il vint en chest pais ét fist a jour nomme mander et ajourner ses hommes et ses tenans et rechut ses hommages et ses feeltes ; et après il conjura ses hommes et ses tenans que il a un jour li seussent a dire comment li quens Phelippes ses oncles, tenoit ceste terre et en quel point, au jour que il sen ala outre mer ; et si home et si tenant quant il furent conjure, se conseillierent et enquisent as enchiens homes de religion etserjans, et as bourgois anchians et li rendirent lor enqueste ; et après chele dicte enqueste li rois Loeys fist rendre et délivrer cele pasture et les mares devans dis, duskes as courtis de Rollaincourt , a cheus dAuchi et a chiaus qui droit i dévoient avoir comme en pasture commune et en mares commun, et lont tenu duskes a ou ; et après li rois Loeys (1) confrema par ses lettres sauf au maieur et a le commugne de Hesding lor loi et lor assis et lor pastures communes.

Archives du département du Pas-de-Calais, ancien cartulaire d'Auchy, "page 335.

(4) Louis VIII, roi en 1223, mort en 1226.

IV0 24. — 1224 (août).

Convention relative a une dette de 8 livres 5 sols payable en 5 ans.

Ce sachent tôt cel qui ore sunt et qui avenir sunt que Willames de Borgoigne de Hornaing doit a dame Morrin et a Nicholon et Michiel ses deux fix VIII livres V sol monee de parisis a V ans a paier chascun an al noel XXXI sol de parisis ; et sil avenoit chose que Willasme ne fesist les paiemens dan en an si com il est devise, dame More et si doi fil poeroient doner al bailliu chacun an quil seroient défaillant de paiement por le lor faire avoir XX sol de parisis et Willames solra tôt. De ce est pièges corne sire Waltiers de Hornaing et Gérard de Hartainget Raols li blos et P^obe De le rive tesmoing corne eschivin. Cefu fait el pont croisie devant les deux justices Balduin Destres et Raigier de Laitre. Ceste covenance fut faite en lan del incarnation MCCXXIIII el mois daoust.

Archives de la ville de Douai.

[R° 25. — 1224 (décembre).

Sentence arbitrale concernant les marais situés hors de waziers près de douai.

Nous Wistasses de Nuevile li jovenes, Louis de Inchi sires de Waencourt, Loeys de Audifer chevaliers et Gerars li noirs et Janes Esturions esquevin disons sor nos îoiautes par nostre dit de le mise qui est sur nous de par monsegneur Heliin de Wavring dune part et les bourgois de Douay dautre : que par lenquete que nous en avons faites , que tous li marais defors Waziers qui laendroit nous fut moustres qui estoit sor nous a enquerre ; defors le ponchel qui ist el mares devers Seym et defors le vies mote et defors les vies entrepresures des courtiex (jardins) de le vile de Wasiers, est commune pasture et communs herbages par coustume paiant , ke chil qui i soientfpour vendre I d. [denier) en doivent par an de cascune faucille, et qui i voet faukier a fauc pour vendre, IJ d, en doit par an, et pour lor usage sans vendre nen doivent nulle coutume. Et tels est nos dis pour le plus loial enqueste que nous en peumes faire. Et pour que che soit ferme et estable je Adans de Millen qui adonc estoie baillieus dArras pour che que chis dis fu rendus devant [moi, je i fis mettre mon seel en tesmoignage. Che fu^fait a Xens en plaine court, en lan del incarnation notre^ segneur MCC et XXIII J, le daerrain jour de décembre.

Archives de Douai, cariulaire T<