LE SEIGNEUR DE MONTIGNY

(Extrait.)

Des contestations vives et multipliées s'engageaient entre l'abbaye d'Anchin et le seigneur do Monligny, sur l'étendue de leur juridiction et de leursdroils respectifs. Une première fois l'abbaye avait élevé ses doléances ; mais, par un acte de 1254, le sire de Montigny lui avait donné satisfactiou (1). Bientôt la conduite de celui-ci donne lieu à une nouvelle plainte. Une enquête est ordonnée ; l'abbaye formule ainsi les griefs qu'elle adresse au juge chargé de l'enquête.

Li abbes et li couvens dAnchin client a vous signeur inquisiteur ke les terres la u me sires Wis de Montegni claime justice et signerie sunt le glise dAnchin frankement, et de Diu le tienent et nient dautruy , ne me sire Wis nia ne cens ne rente ne terrage ne chose ki a signorie apartiegne, fors en III raseres de terre peu plus peu mains ke li glise tient del seigneur de Montegni en cel terroir, a rente, en II pièces, et la conoist bien li glise kii i a justice et seignorie ; ains i a li glise dAnchin toute segnorie et toute justice et usée la ne en le voie ki meuet (se dirige) des cames dusques a mont saint Remi ki va entre les terres dAnchin et les terres monsigneur Wion ;

(1) Y. chronique de l'abbaye d'Anchin, par M. Escallier, preuves.

et en cel liu et en autres ses ancêtres (son aïeul) connut devant le conte de Flandres kil ni avoit signerie ne autre chose ; et se aucune chose i avoit, il le otrioit buenement a le glise de Anchin, si kil apert par le cartre le conte Phelippe ki adont estoit sires. Li glise de Anchin si a use le justice coume cele ki a le seignorie en ces lius; car quant aucuns u aucune a este banis par jugement des eskievins de Peskencourt ki sunt eskievin de le glise, pour quel meffait ke che fust hors del pooir de le glise et de le juridiction, li bani quel ki fuiscent ne se osoient enbatre es terres de le glise de quoili contens est. Mais quant ils voloient parler a eskievins pour traitier de leur pais u pour autre chose il venoient sour le terre mon signeur Wion au les devers Montegni, ne nosoient descendre sour le voie ne sour le terre de le glise et sil i entriscent li justice de le glise les presist et enfesist cou ke eîe en eust a faire selonc le meffait de cascun.

Li glise dist quant li houme de le glise, ki tienent terre u ont tenu el terroir la u me sires Wis claime le justice, ont terre vendue u muee u fait chose ki leur convenist par signeur faire, il le faisaient par le justice de le glise et en paioent a le glise entrées et issues ; et quanke appartenoit a paier a seigneur ; et faisoit les saisines es terres et ki brisoit le saisine il devoit LX s. a le glise de Anchin.

Apries quant li commandement de le glise faisoit bans de par le glise en aoust ke nus devant le terme com nommoit ne faukast, cuiellist, ne portast esteules (pailles) ou pooir ne en le justice de le glise, et aucuns estoit troves faisant contre cel ban es terres de coi li debas est, li jus-

tice de le glise argoit lesteule [saisissait la paille) nen faisoit cou kil apartenoit a justice.

En ces terres dont li debas est, li sergent de le glise wardoient par nuit et par jour les warisons as cans et karoient a leur volente par jour et par nuit, ja fuisce chose ke li sires de Montegni fesist le ban ke nus ne geust a camp pour warder ses warisons ne cariast ne aportast nule chose des cans devant le cloke ne après kil faisoit souncr a Montegni en sen pooir ne en se justice. Ne chius bans ne sestendoit mie es terres de quoi li debas est, qui joingnent a siens.

Apres, li homme de Montegni ont tenu les terres de Anchin longement a Waignerie au cel tereoir de quoi li debas est. Sil ont tenus les bans le signeur de Montegni par le raison kil sunt si houme des fruis des terres kil tenoient ou pris wages ou parc en lor bles kil avoient en ces terres tant kil tinrent, li glise ne weut mie kil lour nuise.

Et quant me sires Wis faisait u ses ancêtres bans de joer as des u de porter coutiaus en sen pooir ne en justice, li homme de Loffres et li autre homme de le glise de Anchin ne tenoient nient de cel ban, ains joient as des et portoient coustiaus par ce kil nestoient mie de se justice etc.

Archives du déparlement du Nord à Lille ; — chronique de l'abbaye d1 Anchin, par M. Escallier, preuves.

K° 165.— 1261 (octobre).

Lettres de là comtesse Marguerite contenant affranchissement pour l'arraye de Sainte-Elisareth au quesnoy, de toutes exactions, corvées et tailles.

Nous Margerite contesse de Flandres et de Haynau faisons savoir a tous ke corne nous aiemes fondée et faite 1 abeie de sainte Ysabel ou Kaisnoit del ordene de saint Victor de Paris por notre salut et por diverses oevres de miséricorde, ke on feit et fera en ladite abeie et en lospital ajouint {adjoint) a cele meisme abeye, le quel nostre chiere dame et suer Jehane de bone memore contesse de Flandres et de Haynau et nous avoekes establimes, nous voellans penre (prendre) garde ci en avant pour toutes choses au porfit a le pais et au repos de celi meesme abeie, por le repos de notre anme et des anmes de nos ancesseurs et de nos successeurs, affrancissomes la devant dite abeye et volons que ele soit effranchie et cuite de toutes exactions, corovees et talles, et de toute la rente ke on nous siut paier por le raison des cortis ki ja sunt aquis a le devant dite abeye et ki il poront i estre aquis dore en avant des [depuis) lescluse dou vivier ke on dist de St. Martin dusques a le porte de le ville plus prochaine a cel meesme vivier, et des cele porte jusques al beghinage ki ore siet seur le fosset de le vile dou Kaisnoit, et delliu de cel beghinage dusques a le sewiere de nostre vivier dales le gart, et de cele sewiere par entour

dusques al vivier de St. Martin. En tele manière ke por le raison des devant dis cortius aquis et aquerre dedens les termines devant dit, la dite abeye paiera a nous et a nos successeurs contes de Haynau cascun an a le saint Remi, quatre lb. de blans. Et por le maison et por liestre dame Margerite le romunde, cascun an a le saint Remi uns wans de chierf (gant de peau de cerf) de le valeur et del pris de deus sols de blans. Et por cbeste chose ferme iestre et estable a perpétuité a warder et a tenir, nous i obligons nos et nos oirs et volons kil i soient obligie en avant. Si en avons ces présentes letres données seelees de nos seel ki furent faites lan del incarnation notre segneur mil deus cens sixante et un , el mois de octobre.

Archives de la ville du Quesnoi.

Acte du chapitre de leglïse Saint-Pierre de Lille, sur la nomination, la révocation et les devoirs

DU FOURNIER (1) d'AlLUES.

A tous chiaus ki cest escrit veront et oront, li doiens et li capitles de saint Piere de Lille salus en nostre seigneur. Sacent tout que comme debas fust entre nous de lune

(1) Préposé au four banal.

partie et nos hommes dAllues de lautre partie dendroit leur fourniage a leur manière dou fourniser, nous de lune partie et no homme de lautre partie, ordenames dou commun assens pour bien et pour pais et pour concorde que nous ou nos sergans de par nous, devons mètre fournier au four par le consent de nos eskevins dAllues ; et sil avenoit cose que li fourniers ne fesist cou kil deust par coi il i eust a reprendre, monstrer le doivent li eskevin et li communs de le ville a nous ou a no siergant ki sera dAllues de par nous , et nous ou nos siergans devons mander le fournier et les eskevins et les deplaignans par devant nous. Et sil est convencus par boine vérité et li eskevin le dient comme eskevin, nous len devons oster et mettre un autre par le consent des eskevins de le ville si comme dit est. Et si est a savoir que li fourniers doit assochier loiaument selonch les fournées chou que mestiers est a le ville et selonch chou kil en sera requis des femes de le ville et sommone quant poins est de piestrir ; et si doit porter et conduire loiaument de cascun le paste au four a sen propre coust et aporter le fuille de cascun au four et ardoir selonch chou kil quist de cascun , et doit le pain fournyerpar conte, et rendre tout fournyee et conree par conte et raporter as osteus a sen coust. Et sil en i faloit rendre, le deveroit a celui qui il faloit fauroit, et sil avenoit que fuille demourast a qui ke ce fust , prendre ne retenir ne le poroit, se cieus qui cestoit ne li donnoit, et si doit li fourniers jurer et fianchier au commenchement kil aisera et appellera le four selonch chou que poins iert et que on li requerra, et aisera le povre si com le riche. Et pour toutes ces coses si com dit est de-

seure, doit li fourniers ki i sera, prendre pour nous trois fournages , desquels il doit prendre les deus communément et jeument de cascun selonch chou kil cuist de cascun, et le tierce doit il prendre de cascun ne mie jeument, mais plus et mains selonch chou kil sont lonc et pries dou four , car pour porter le paste des osteus au four, fu li tierce tournage estaulis ne plus nen puet li fourniers ne prendre, ne demander, ne avoir par droit. Et si est a savoir que li fourniers doit mectre le paste des fournages ou boistel,et li une de socienes le doit taillier, et si ne puet li fourniers manoir en no hostel ne en liestre de no maison dAllues et si doit li four tenir le mesure de quatre menquaus. Ou tiesmoignage desquels choses nous avons cest escrit saiele de no saiel de capitle. Ce fu fait lan del incarnation nostre seigneur mil GG sissante trois le demars devant lascension nostre seigneur.

Bibliothèque de Lille, cartulaire du chapitre de Saint -Pierre, n° 106.

Actes passés par les avoués d'une douairière relativement A SON DOUAIRE (1).

Sacent tous ke Lanvins Pilate a en convent a rendre a Gerart Héraut et a Pieron de Hasnon avoeis Marien feme

(1) On entend ici par avoués3 des curateurs chargés de défendre les intérêts d'une tcuvc

Willaume de saint Amant CL lib. de parisis dedens les XL jours ke il len semonroient.Et de quele eureke L anvins les voira paier il les doivent recevoir. Et Ricars del Markiet a ausi en convent a ces avoeis a rendre G L lib. de parisis tout en autele manière corne devant est deviset. Et parmi cesti convenence cist doi avoeit devant nomeit ont quite clame toute le convenence ke il avoient por Marien devant dite sor tout le tellement Ricart Pilate el Castiel ki jadis fu Willaume de saint Amant. Tout cou fu fait en le haie devant eschievins : Baude de Deuioel , Bernart Pilate , Simon de le Corbille , Gerart del Marchiet et lor compaignons. Et cist doi avoueit en doivent ovrer (user) par le consel des eschievins. Ce fu fait en lan LIisme en juin.

Maroie ki fu feme Willaume de saint Amant a quiteit ses avoes de GCG lb. con li devoit de sen douaire en lan LXIII en may.

Archives de Douai , cartulaire QQ , f°* XXXIII et XXXIV.

N° 168. — 1263 (janvier).

Ban qui défend d'encombrer les rues.

On fait le ban kil ne soit nus ni hardis ho m u feme des hui en avant ki laist touniel (tonneau) ne keuwe (cuve) de touniel de vin wint (wuide) en le rue u devant se maison quil ne lait fait oster dedens le tierc jour kil i sera

mis. Et se cils a qui li touniaus scroit , ne le faisoit , u faire ensi il kieroit ou forfait de C s. et si perderoit le touniel u le keuwe eon i trouveroit. Le samedi après le vintime jor dou Noël lan LXIIIisme.

Archives de Douai , carlulaire L , f° LUI.

Jugement rendu tar les échevins de Douai sur un