Chapitre II. — Des droits de la ville sur

LES MAISONS d' AUMONE.

[1] Con prendera leswart de le vile sor les iretages con a dones a maison daumosne.

Sacent tout keskievin ont atiret (décide) par le consel de le vile ke tous les iretages con a donnes ne con donra a le carite dou saint esperit ne a loevre de le église saint Martin de Henin ne a le carite de ceste vile, a le loi de le vile, ne a le maison dou saint esperit, ne au luminaire de le église u il ait rente asise ne a nul convent de beginage, con i prendera ausi avant leswart de le vile et tallera ke (comme) suns bourgois le tenoit, de tous les dons con a fait puis (depuis) le conmandise le roi de France. Ce fut fait lan de lincarnacion Jhesu Crist mil CCetXXVIIIJ (1229).

Et bien sacent eskievin quil ne soient a nul, si fait don diretage ne de rente, con nen mece souffissant cuve sture par coi li eswars de le vile ni soit amenris.

[2] Ke nus ne doinst iretage a maison daumosne.

Et bien sacent eskievin quil ne soient a nul tiestament la u on doinst nul iretage ki soit a le loi de le vile a nuîe

maison aumosnee con ne le venge dedens an et jour puis kele est donnée et remece a le loi de le vile.