Chapitre III. — Des successions

De le proismete celui ki meurt sans deviser.

Sacent tout cil ki sunt et ki avenir sunt ke se li hom et li feme ont enfans ensanle par mariage dou quel kil défaite sans devise, ke li enfant en sont ausi avant del avoir coume li proisme seroient sil navoient nul enfant de cou quil aroient a le loi de le vile ; et ceste cose est faite pour le mius kil sevent par vies et par nouviax. Et sil i a enfant ki maries soit ki voelle partir (prendre part) a lescaance, raporter doit sen mariage a parcon u il ne partira point. Ce fu fait lan de lincarnation M CC et XLIII el mois de mai.