BALLADE

ENVOYÉE PAR MAISTRE JEHAN MAROT A MONSEIGNEUR LE Dl C DE VÀLLOIS (FRANÇOIS 4erj,

lorsqu'il fut retenu en son service.

Puisqu'ainsi est, très-illustre seigneur, Qu'il vous a pieu me faire cest honneur, Grâce et bienfaict, que de me retenir L'un de voz set fz, dont me sens le myneur. Grâces vous rens, car ce m'est tant bonheur Que de meilleur ne pourrois obtenir, Ces jours passez, espérant advenir Joye après deuil. J'ay crié par hahan : Post tenthras ego spero lucem.

Ainsi que Job souffrant maulx à planté, Et qu'il soit vray il y a près d'un an Que demeuré je suis nud comme Adam, Mince de biens et povre de santé.

Dès lors que mort priut des dames la fleur,

Que France encor regrette en couvert pleur,

Mez sens perdiz puissance et contenir,

Car povreté, nécessité, malheur

Et maladie à la triste couleur

Malgré mes dons vindrent m'entretenir,

Et d'avec moy lyesse forbannir.

Lors eussiez veu le povre maistre Jehati

Plus estonné que n'est ung chahuan

De tous oyseaulx baLu et tourmenté; J'avois le teint de couleur d'espeiian Plus maigre et sec que les jambes d'un pan, Minée de biens et povre de santé.

Mais Dieu voyant que Tanière liqueur De povreté n'a sceu matter le cueur Et qu'espérance ay eu en souvenir, Saichant aussi (|ue comme bclliqueur Garny d'espoir suis demeuré vainqueur, A fait santé par devers moy venir, Et a chassé jusques au revenir Infirmité plus jaulne que safran.

Dont, monseigneur, j'espère mesouan Bien vous servir de cueur et voulenté.

Et crier tant : Malheur, va-t'en, va-t'en, Que ne seray (vous aydant) comme antan Mince de biens et povre de santé.

Prince excellent, plus beau que le dieu Pan, Franc, libéral comme le pellican, Je vous supply, par vous soyt débouté Malheur maudit qui tant m'a fait de tan ; Afin que plus ne soye en son carcan, Mince de biens et povre de santé.

vr