DU DIT MARROT A MON DIT SEIGNEUR LE DUC DE VALLOIS
En bon estât long temps a ne penz estre, Je ne scay s'il lient à moy ou au prestre. Mais tant y a cela, cognois-je bien, Que je ne puis trouver aucun moyen De recevoir soit en église ou cloistre.
La croix s'enfuit et ne veut apparoistre Devant mes yeulx, mais, vray Dieu, que peut-ce estre ? Car une fois je me sens crestien En bon estât.
Pour ces raisons, mon hault seigneur et maistre, Fleuron de lys que Termyne fait croistre, Espoir françois, des Bretons l'entretien, Je vous supply que me faciez ce bien De me couscher en voz papiers, et mettre En bon estât.
REGNE DE FRANÇOIS Ie
CHANSON
DES AVANTURIERS ENGAGÉS AU SERVICE DU ROT DE FRANCE PAR PIERRE DE NAVARRE.
1 Tous compaignons avanturiers, Qui sommes partis de Lyon Pour aller sur la mer salée , Pour acquérir bruit et renom , En Barbarie nous irons Contre ces mauvais mécréans; Mais devant que retournions, Nous leur aurons donné mal an.
2 Le comte Petre de Navarre Du roi a la commission
De mener sur la mer grant guerre Et amasser des compaignons.
Le tour qui nous fist n'est pas bon, Car nous sommes très mal nourrys.
Pour l'amour du roy Tenduron, Puisque la foy luy ons promis.
5 Nous en irons à la Romaigne, Par devant le pape Léon, Qui nous donra la pardonnance, Car autrefoys servi l'avon. L'année qiii vient, nous espérons Que sur la terre aura bon bruyt.
Jamais sur la mer nous n'yrons, Si réchappons ce coup icy.
4 Quant m'y souvient de la poulaille Que mangier soûlions sur les champs.
En vuydant barris et boteilles, En nous y donnant du bon temps.
Et nostre hoste allions bâtant Quant ne nous donnoit de bon vin ; Cher nous est vendu maintenant, Manger il nous faut du biscuit.
o Nous estions vingt et troys galères Au port de Ligorne arrivez; Et si estions grant compaignie, N'avions ne maille ne denier.
En jouant les cartes et les dez Nostre argent nous est bien failly, Les poux que f avons amassez De les tuer c'est bon déduit.
CHANSON
DES AYAXTURIERS DE FRANCE SUR LE DEPART DU ROI POUR LA CONQUÊTE DU MILANAIS.
1 Le roy s'en va delà les mons, Le roy s'en va delà les mons.
Il menra force piétons ,
Ils iront à grant peine, L'alaine, l'alaine, me fault l'alaine.
2 Les Espaignolz nous vous lairrons, Les Espaignolz nous vous lairrons ;
Le roy de France servirons; (bis)
Nous en avons la peine, L'alaine, etc.
3 A noz maizons a ung mouton, A noz maisons a ung mouton ; Tondre le fault en la saison (bis)
Pour en avoir la laine, L'alaine, etc.
4 M'amie avoit nom Jhaneton, M' amie avoit nom Jhaneton ;
Point n'y avoit de laine, L'alaine, etc.
5 Celuy qui fist ceste chanson, Ce fust un gentil compaignon
Vestu de laine.
L'alayne , l'alaine, my fault l'alaine !
Sfi —
TTT
lre CHANSON
SUR LA BATAILLE DE MARIGNAN
Chanson nouvelle des Suyces su?- la bataille de Marignan,
et sur la teneur de : Venez au pont de pierres ,
Brughelins et Gantois.
1 Seigneurs, oyez des Suyces Qui tant font du grobiz, Ils ont laissié leurs lices, Leurs vaiches et brebiz , Yenanz pères et filz
Sur le franc roy de France.
L'argent du crucifix Les mist en ceste dance.
2 Ce fut quant pape Jule Les fist ses protecteurs, Les nommant par sa bulle Des princes domateurs , De TÉglise recteurs,
Et de la sainte ligue L'empire et les trompeurs; Au roy firent la figue.
5 Leur conductier se clame Cardinal de Syon, Qui fait bruyre sa famé Jusqu'au mont de Syon.
Il a fait maint sermon Pour unir ces bellitres , Tant qu'a trouvé façon D'avoir chappel et mittres.
4 Par Monferra passèrent, En Ast vindrent après.
Marraboys y trouvèrent , Bu vans nostre vin frès.
Eux ensemble à grans tretz En emplirent leurs gaves, Et pour Tavoir plus près Couchirent en noz caves.
5 En la povre Astesane Quatre mois embuscha La gent marrabesane, Maint bon homme y torcha. Aux femmes n'attoucha, Montault scet de leur stille , Car ung d'eulx embrocha Le curé de la ville.
6 En la povre Astesane
A mangié maint poullet
La gent marrabesane
Et baillié maint soufflet.
Piz est que ung, s'il vous plet,
Cabalheros grant maistre ,
Par faulte de mulet
Vint chevauchier le prebstre.
7 D'Ast se partirent Suyces , Quant eurent rasibus Embourré leurs pellices De melons et cabus.
Or feront ragibus Sur le roy qui s'avance , Et feust il Belgibn Trouver Tyron-t en France.
8 My passer la montagne , My mater Monceniz;
My brusler la Champagne, My squarcer fior de lizr M y pigler San-Denyz, My scacer roy Francisque M y voler qu'à Paris.
Tout spreke à la todis^tue.
9 Vers Piémont et Saluées S'addressent à grans flotz , Garniz de poulz et puces Mieulx que de cavalotz.
Leurs tabours et fiflotz Par tout ont ouverture; Pynerol jusqu'à los
En senty la poincture.
10 Ils ont prins le passaige , Mais mal l'ont retenu , Car maulgré leur visaige Françoiz l'ont obtenu.
Le roy deçà venu
Leur fist telle vesarde Que bien eussent vollu Tourner à sauvegarde.
11 A Yillefranche vindrent Marraboys joindre au pas, François là les surprindrent A l'heure du repas.
Eschapper n'en sceut pas Seigneur Prospre, leur maistrc ; Lui et ses sait râpas Payeront la mcnestre.
12 Suyces lors s'esmayrent , Si se sont deslogiez; Saigement se retirent Tous ensemble arrengiez.
Comme chiens enragiez Sur Chivas se vengièrent ; François les ont chargiez, A Milan se cachièrent.
13 Soubz umbre de concorde Messaiges ont trammiz Au roy qu'il se recorde QuMlz feurent bon amiz. Encor le seront-ilz ,
Se pour argent ne reste , Si que tout fut remiz Et la peccune preste.
14 0 franc roy* ne te fyc
De ces Suyces, faulx gars:
Car leur foy, je taffye , Ne vault pas deux lyars.
En jouant de leurs ars Ung tour la practicquèrent, Du Milanois fringars Leur couraige monstrèrent.
io Trente mil youerliques, Ouhre ceux de Milan, Yindrent, traynnant leurs picqucs, Tout droit à Marignan ,
Cuidans secrètement Trouver gaulx en surprinse ; Mais ou a ben souvent Oy corner sans prinse.
16 Sur le franc roy sallirent, Cornans comme vachiers , Franeoys les recoeillirent A guise de bouchiers.
Landsknects , aventuriers Si bien les enlardèrent Que le moins deulx entiers A Milan retournèrent.
17 Vingt mil et davantaige De ces Suyces mastins Sont remaiz en hostaige Autour de ces baultins.
Plus ne buvront noz vins, Gaulx ont percié leurs trippes .
Au deable les quattrins Qu'ils eurent en leurs gippes.
18 Pour leur doeil plus accroistre , Deux mil d'eux, en fuyant, Feurent ars en ung cloitre, Cuidans estre à garant.
Pou feust le demourant Se le roy à sa gloire Eust esté consentant De suyr la victoire.
19 Leur cardinal s'en tricque Qui remaint là son dan, Plus n'y vault sa praticque De prescbier à Milan,
Laissant Maximian Deffendre la fortresse :
Mais ne la tint pas Fan, Car trop eut grande oppresse.
20 Comme saige abandonne Chasteau, peuple et cité , Du roy qui lui pardonne Sera bien appoincté, Et par trop mieulx traicté Qu'en celle brouderye; Oultre monts est troté Vers France et tyre vye.
2e CHANSON
SUR LA BATAILLE DE MARIGNAN
Chanson nouvelle de la journée faicte contre les Suysscs pour le
très-victorieux roy de France Françoys 7er, roy de ce nom,
sur le chant de Gentil Promoguel.
1 Qui vous esmeut, Suysses, Venir contre la loix , Et branler droit vos picques Contre un g si noble roy ?
Vous feistes le pourquoy, Avez perdu la gloire ; Gens sans droit et sans foy Jamais n'auront victoire.
2 Orgueil et avarice Vous ont rendu confus , Quant de paix et justice Avez fait les reffus.
On cognoit les abus Qu'avez fait contre France; Mais Dieu, qui est lassus, En a fait la vengence.
5 Mal feistes le devoir, Attendu la richesse Que vous deviez avoir Pour tuer la noblesse De France, qui vous blesse, Et met en déshonneur.
Gens faillans de promesse Jamais n'auront honneur.
4 En criant : France , France Entendistes la voix Et sentistes la lance Du noble roy Françoys, Qui chargea plusieurs ïoys Sur vous d'estoc , de taille , Tellement que deux fois Perdistes la bataille.
o Mieux eut valu la havre Pointer pour voz harnoys Que crier : Haire , haire , Et mourir soubz voz boys , Le jour de Saincte-Ooix.
On dira pour mémoyre Que contre les Françoys Perdistes la victoire.
6 En tout est abolye La réputation
Do vous en Italye
Et aultre nation.
Le cardinal Syon
A failly à son compte ;
Mais pour solution
Après orgueil vient honte.
7 Snysses et cantons, Bien estes escornez , Chantés en divers tons Pour vos mors et cornez; Car bras , testes , corps , nez Furent hachez d1espée.
Ceux qui ne sont pas nez Maudiront la journée.
8 Vous vous disiez dompteurs Des princes et des roys; Vous estes grans vanteurs Et fiers, pîain de desroys.
Trop vous ont les Françoys Nourris et supportez,
Mais par le roy Françoys- Yous estes bien domptez.
9 Françoys , roy magnifique , Prince victorieux,
Qui maint canon et picque Avez veu de vos yeulx , Rendez grâces aux eieuîx Dont vient toute victoire; Tousjours serez heureulx Se à Dieu donnez gloire.
3e CHANSON
Sï'R LA BATAILLE DE MARIGNAN.
Chanson des Aventuriers sur les Suisses.
On lit dans Brantôme, Discours xlv, art. de François Pr :
« Une chose rare et peu advenue advint en ceste bail taille , car les Suisses ne se contentans du combat du » jour précédent, que la nuit par trop tost avoit inter- » rompu et que François et eux estoient logez et couchez » quazi pesle mesle, de fort grant matin vindrent à re- » commencer et à donner mieux jusques à nostre artil- » lerie ; mais ils furent si bien receus des nostres qu'ils )> furent bravement repoussez et taillez en pièces sur le h champ environ dix à douze mille; et le reste se sauva » comme il peut avec leur général, le cardinal de Sion : u en quoy ils ne firent ce qu'en dict une vieille chanson » des adventuriers de ce temps :
De Milan par un homme, Tout droict à Marignan Vous aurez la bataille.
Guy, sire, en bonne foy, J'ay veu partir les Suisses En vous fort menaçant, Traisnant, branlant la picque, Pour tuer tout, vous et vos gens. n
4e CHANSON
SUR LA BATAILLE DE MARIGNAN
La Guerre, par Jannequin,
1 Escoutez, escoutez Tous, gentilz Gallois, La victoire du noble roy Franeoys, Du noble roy Françoys; Et-orrez (si bien escoutez)
Des coups ruez De tous costez, de tous costez, Des coups ruez de tous costez.
2 Soufflez, jouez, soufflez tousjours, Tornez, virez, faictes voz tours, Phifrez, soufflez, frapez labours, Soufflez, jouez, frapés tousjours, Tornez, virez, faictes voz tours, Phifrez, soufflez, frapez tabours, Soufflez, jouez, soufflez tousjours
2 Tonnez, tonnez, bruyez, tonnez, Gros courtault et faulcons, Pour resjouyr les compaignons, Pour resjouyr les compaignons, Les com, les coin, les compaignons Von, von, von, von, Von, von, von, von, Paripatoc, von, von, von, von, von, von, Paripatoc, von, von, von, von, von, von.
— fifi —
3 Farira, rira, rara, laie, Farira, rira, lala, lala, laie, Tarira, rira, lala, lala, lala, laie, Lalala, lalaia, lalala, lalale,
Pon, pon, pon, pon, pon, pon, Masse, masse, ducque, dacque, lala, lala, Lalala, lalala, alala, lalala.
Douez des horions, pati, patac.
Tricque, tricrjue, tricque, trique, Tricque, tricque, tricque, tricque,
Trac, tricque, tricque, tricque, Chipe, chope, torche, lorgne, Chipe, chope, serre, serre, serre.
4 Aventuriers, bons compaignons, Bendez souhdain gentilz Gascons, Nobles, sautés dans les arçons, Armés, bouclés, frisques et mignons, La lance au poingt, hardiz et prontz.
Donnez dedans, Frapés dedans, Soyez hardis En joye mis , Chascun sa saison !
5 La fleur de lys, fleur de hault pris, Y est en personne.
Alarme, alarme, alarme, alarme, Suivez tous le roy Françoys ; Suyvez la couronne, Sonnez, trompetes et clarons Pour resjouyr les compaignons. (ter.)
