DÉDIÉE A TOUT LE PEUPLE CATHOLIQUE
1 Celuy qui avoit tant trompé Le peuple françois et l'église, Est mort, et a esté frappé
D'un qui pour nous sa vie a mise.
2 Henri de Valois, dès le jour Qu'il prit en ce monde naissance , Monstra qu'il n' avoit point d'amour, Point de pitié, point de clémence.
5 II a esté tousjours nourry En vices et en hérésie, Où son cœur estoit tout pourry Et son ame toute moisie.
4 Soubs le roy Charles bataillant, Il soustenoit les hérétiques, Et secours sous main leur baillant, Il oppressoit les catholiques,
5 II a fait mourir à crédit
Un nombre infiny de gens-d'armes, Et a, le meschant et maudit, Remply nostre France de larmes.
6 II n'avoit point d'autre désir
Que de sang, de meurtre et de rage; Il n'avoit point d'autre plaisir Que la cruauté et carnage.
7 Les Rochelois estoient vaincus, Et à luy jà se vouloient rendre ; Mais il ayma mieux leurs escus Que les surmonter et les prendre.
8 Monstrant bien par là qu'il estoit Le support de noz adversaires, Et que faveur il leur prestoit Pour aigrir tousjours les affaires.
9 Puis en la Poulongne il passa, Qui pour roy l'avoit fait eslire ; Mais tost après il la laissa,
Et s'en revint sans mot luy dire;
10 Et en la France retourna
Pour la tourmenter et destruire , Car jamais rien sceu faire il n'a Qu'affliger le françois empire.
11 Las! chacun se resjouissoit De son retour et revenue ; Mais le ciel, qui le cognoissoit, Pleuroit d'une pluye menue.
— us —
12 Dès qu'il a esté de retour, Le peuple françois et l'église N'a eu cesse d'avoir tousjour La main dedans la bourse mise,
15 Pour fournir argent à ce roy, A ce tyran très-exécrable, Qui a tout mis en desarroy, Rendant son peuple misérable.
14 11 a mesprisé les seigneurs
Et les princes des plus haults titres, Et a advancé aux honneurs Des petits coquins et belistres.
15 Tel qu'a esté vu d'Espernon, Lequel se nomme Jean Vallette, Qui a esté son seul mignon,
Et qui faisoit tout à sa teste.
16 II n'avoit point de pitié,
Ni point de foy durant sa vie ; Tousjours hypocrite a esté, Dissimulant son infamie.
17 Enfin voulut faire mourir
Dans Paris plusieurs catholiques, Et ne les faisoit point périr Que pour ayder aux hérétiques.
18 Parquoy le peuple se banda Contre ses desseins détestables.
Et partout se baricada
Pour ne voir choses exécrables.
19 Dès ce jour le tyran fasché De voir sa volonté déceue,
Et qu'on l'avoit bien empesché Qu'elle n'eust point sa ficre issue,
20 II sortit de Paris, jurant
Qu'il la réduiroit toute en cendre, Et que devant qu'il fust un an Il feroit tout le peuple pendre.
21 Et pour mieux venir à la fin De son vouloir et entreprise,
Il fit semblant, comme estant fin, D'aymer le haut seigneur de Guise.
22 Puis fit les estats assembler
A Blois, près le fleuve de Loyre ; Mais c'estoit pour mieux tout troubler, Ce que pour lors Ton n'eust sceu croire.
25 Les estats donc estant dressez, Et venus de toutes provinces, Et plusieurs propos prononcez Par luy et par les autres princes,
24 II fit (ô acte de tyran)
Massacrer les seigneurs de Guise, Qui là tenoient le premier rang Pour la noblesse et pour l'église.
23 Et fit emprisonner tous ceux Qui estoient esleuz des provinces, Sans avoir esgard ny à eux,
Ny à la foy des roys et princes.
26 Puis voyant son peuple irrité Contre luy pour ce faict inique, Il a accreu sa malheurté,
Et s'est joinct avec L'hérétique.
27 Et est venu devant Paris, Avec une puissante armée, Menaçant dangers et périls A la ville tant renommée.
28 Si bien que le peuple trembloit, Craignant sa furie enragée,
Et jà à un chacun sembloit De voir la ville saccagée.
29 Mais Dieu, qui secoure au besoin Le peuple qui en luy se fie,
Par sa bonté a eu le soin Des Parisiens et de leur vie.
50 Mouvant le cœur dévotieux
De Jacques Clément de Sorbonne, Bon prestre et bon religieux, Qui tousjours a eu l'ame bonne,
51 A tuer ce tyran maudit,
Ce qu'il a fait de galant homme.
Voyant qu'il estoit interdit Par notre saint Père de Rome.
52 Avec un couteau bien petit, Il a tué ce roy inique,
Ce tyran meschant et maudit, Vray ennemy du catholique.
55 Et luy ayant donné les coups
Qu'il falloit pour L'osier du monde.
II s'est jette à deux genoux, Priant Dieu d'amitié profonde.
54 Les quarante-cinq malheureux, Voyant Henry plaignant sa pance, Ont frappé ce religieux,
Le massacrant à toute outrance.
55 O religieux fortuné !
O heureux, ô vrayement louable !
Heureux le jour que tu es né, Pour nous estre si secourable.
56 Tu as toi seul plus entrepris Que nostre camp et nostre armée, Tu mérites un très grand prix
Et une grande renommée.
57 Près de Seine, au bourg de Sainct-Cloud, Le jour des Liens de sainct Pierre,
Fut fait ce beau et heureux coup, Qui rompit les liens de la guerre.
58 Roy de Navarre, tu n'as plus
Ny force, ny pouvoir quelconque ; Tu es foible, tu es perclus ; Roy, tu ne le seras pas oncque.
59 Le peuple françois ne veut pas, Puisqu'il est bon et catholique, Avoir un roy qui aux estats S'est déclaré pour hérétique.
40 .Sous n'avons peur comme tu vois De toy, ny de ton exercite, Puisque le tyran de Valois
Est allé aux eaux du Cocyte.
41 Mais je reviens à ce Clément, A ce religieux honneste, Qui a tué le faux tyran,
Et nous a tous remis en feste.
42 II faut qu'en un temple honnoré Il soit mis avec grande gloire, En or ou cuivre eslaboré, Pour une éternelle mémoire,
45 Et qu'à i'entour de son poui trait Et de sa puissante effigie L'on mette avec un brave traict Cest épitaphe de sa vie :
44 C'est ici ce Clément heure Qui jadis délivra la France Du dernier Valois malheuré, Qui tenoit le peuple en souffrance.
4o Pourquoy que chacun d'an en an Célèbre la feste honnorée, Et que bien solennelleman (sic) 8a louange soit célébrée.
CHANSON NOUVELLE
Sur le chant :
Dame d'honneur, je vous prie à mains joinctes.
1 Pleurez, pleurez, fidèles royalistes, Et vous aussi que Ton dit politiques, Vous devez bien pleurer à ceste fois, D'avoir perdu noble Henry de Yallois.
2 Vous, d'Espernon, et aussi La Vallette, Ne pleurez-vous la mort de vostre maistre, Qu'en son vivant vous avoit tant aymez Que ses mignons vous estiez renommez?
5 Ce noble roi de France et de Polongne, Qui vous aymoit autant que sa personne, Il fut tué par un meschant mutin, Jacques Clément, qui estoit jacobin.
4 Jacques Clément, si tu estois à naistre, Lasî nous aurions nostre roy, nostre maistre; Tu Tas occis avecques un Cousteau, Tu as faict pis que lit oneques bourreau,
o Incontinent que tu reçus baptesme, Te fust venu quelque mort bien extrême, L'on te tiendront au rang des innocens Là où tu es !e Ineschant des mcsrhans.
ti Ce fust en aoust, en sortant, de l'église, Estant rempîy de toutes meschantises :
Comme celuy qui n'a ne foy ne loy, Tu t'en allas pour massacrer le roy.
7 Quant de Sainct Pierre-aux-Liens Ton faictfesle, Droict au faubourg ce traistre se transporte, Devant le roy se mettant à genoux,
Ayant tousjours son malheu eux courroux.
8 En luy disant : Bonjour, mon roy et maistre, Je suis ici vous pourtant une lestre ,
Que vous transmet de Brienne le seigneur, Qui prisonnier a besoin de faveur.
9 Ils ont cogneu la faute qu'ils ont faicte D'avoir voulu eslir un autre maistre,
Et ce voudroyent bien tous estre endormis, Alors que vous sorti stes de Paris,
10 Le noble roy voulant lire la lettre,
Ne se doubtant de ce malheureux traistre : De sa grand manche en sortit un cous eau Qui luy perça le ventre et le boyau.
11 Incontinent les archers de la garde Subitement à grands coups d'hallebarde Se sont jettez dessus le jacobin, Jusques à tant qu'ils en ont veu la fin.
j2 Après cela que tous ces seigneurs virent, Que pensez-vous les regrets qu'ils en firent? Chacun crioit que pour ce grand péché Cet assassin en avoit bon marché.
13 Quand le roy vit que la mort falloit prendre, A Jésus Christ son ame il recommande,
En luy disant : Ayez de moy merey, Car je snis mort sans l'avoir deservi.
14 Et vous aussi, noble roy de Navarre, Soyez tousjours suivi de bonne garde, Ne vous fiez en ces traistres Ligueux ;
Car vous voyez le malheur qui vient d'eux.
15 Si Ton a veu un grand malheur en France , C'est aujourd'hui, hélas î car il avance
Le cours de vie du noble roy Henry ; Je prie Dieu que luy doint Paradis î
16 Mais ce grand roy de Navarre et de France Nous ostera trestous hors de souffrance ; Aussi il est à toutes vertus né,
Et pour nostre heur du haut ciel destiné.
CHANSON NOUVELLE
