HENRY DE VALOIS
IIIe DU NOM.
Sur le chant de Lognon.
1 Si une main traistresse Terrassé ne m'a voit Ma majesté mais tresse Que le chef relevoit, Peu devant ma blessure Je faisoy ces projeots
De remettre en paix seure , Mes divisez subiects.
2 La maison Guysiarde Ne contoit pas ainsi, Ny la Savoysiarde, Ny l'Espagnole aussi :
Car le repos de France, Tant et tant attendu, Leur bridoit l'espérance Sur tout leur prétendu.
5 Afin que je despeuple La rébellion donc D'entre mon françois peuple Liguez par eux adono,
M'estant diffait de Goyse^ Qui la Ligue se moi t Et qui contre m.i guise, Lia contre lis armoit,
4 J'amassay pour un siège Mes François agguerris, Et de trois camps j'assiège Mon chasse-roy Paris, Et si bien l'environne Que j'espère da voir Cette Ligue félonne Bientost soubs mon pouvoir,
o Pour fuyr ceste lice Et ce coup de baston, Un jacopin complice Des anges de Pluton, Instigué par le presche Des Ligueurs desloyaux, Prétend de faire bresche A travers mes boyaux.
6 Et coiffé de promesse D'un futur Paradis Par la Ligue traistresse, Est sorty de Paris.
Ce moyne avec courage De me tuer subit, En palliant sa rage D'unsainct et feint habit.
7 Qui cognoistra ma vie Sçait qu'en ma région J'ai la trasse suyvie De leur religion.
Et d'amour principale Dévot je respectais La saincleté papale, Comme roy que j'estois.
8 Abusant de ce zèle,
Le moyne ont introduit
Oui dessous son froc cèle
La fraude qu'il conduit.
A genoux il se jette
Des lettres m'apportant,
Avec sa sagette
Qu'il veut teindre en mon sang.
9 A part je me retire, Pour lire rescriteau, Et de sa manche il tire Son venimeux Cousteau.
Puis avant que je pense A sa desloyauté,
Me fourre dans la panse Son meurtre prétenté.
10 Créature bourelle,
Dis moy, que t'ai-je faict, Que sans autre querelle Je suis par toy deffaict ?
Alors je m'esvertue, Criant soudainement Que point on ne le tue, Ce trais tre garniment.
11 Estre comme fidelle La France j'esperoy, Oui eut jamais creu d'elle Qu'elle eust tué son roy ?
Race de François, prince, Sang de mon sang enfin, Pensiez-yous que je priasse
Si misérable fin?
12 Ce coup criant demande Justice au potentat,
Et requiert réprimande D'un si grand attentat.
Et toy, ô débonnaire, Qui me va succédant Du party sanguinaire Venge-moy cependant.
15 Ce collier je te donne, Car ton col est royal ; Et aux princes j'ordonne Que par serment loyal Pour roy on te révère.
Car Dieu, juge très bon, Pour légitime avère La maison de Bourbon.
14 Je tfay receu la grâce D'engendrer un dauphin, Ains des Valois la race Par mon trespas prend fin.
Tant que ma voix est franche, Je dis et je maintiens Qu'à Bourbon l'autre branche Du royaume appartient.
13 Mes vices vont en nombre Les estoilles passant,
Et mon pesefaé le nombre Du sablon surpassant.
Mais ta miséricorde, O Dieu ! qu'au repentant De grâce tu accorde, Les passe bien d'autant.
16 La couronne honnorable Polongne me donna, France plus désirable Le chef me couronna.
O Père, auquel j'aspire, Veuille moy pardonner, Et en ton sainct empire Trois fois me couronner.
17 Peu après rendit rame Ce prince en sa vigueur ; Par le poison et l'ame D'un jacopin ligueur, Mort qui Henry dethrosne Très grand entre les roys, Pour asseoir sur son throsne Henry roy Navarrois.
18 Entrez en conférence, Vous qui oyez cecy, Fut-il onc apparence Voir tel faict que cecy ?
Car la Ligue inhumaine , Qui les cieux eschelloit, Ce roy grand capitaine Désarçonner vouloit.
19 Gravez dedans rostre ame Que Dieu tirer sçait bien Le bien du mal qu on trame
Contre un homme de bien.
Et pourtant qu'on vous voye Révérence porter A celui qu'il envoyé, Sans plus vous révolter.
20 Faites que la clémence, Justice et piété,
Son royaume commence Par debonnaireté.
Sus, François, qu'on embrasse Ce roy vous embrassant, Qui est François de race, Du lis François naissant.
21 Ne faites qu'il acquesle Par un sang répandu, Ne faites qu'il conqueste Le royaume à luy deu.
Ains que chacun aporte Son hommage et devoir.
Et lors dans vostre porte La paix nous pourrons voir.
CHANSON NOUVELLE
