A LA LOUANGE DU ROY

Sur le chant :

Pensez-vous que mon cœur soit sans amourette!

1 Les Ligueurs n'ont point de foy, Ils ont faict tuer leur roy,

Par un trais tre jacopin Dont ils font un martyre.

Pensez- vous qu'un Ligueur Peust du Roy bien dire.

2 Las! ce n'est pas le premier Lequel a esté meurtrier; Un autre empoisonna Henry, chef de l'Empire.

Pensez- vous; etc.

3 Traistres Ligueurs enragez, Traistres Espagnols bazanez, Qui voulez saisir l'Estat, Vous n'en faictes que rire ;

Pensez-vous, elc.

4 Vous en voudriez taire autant Au roy à présent régnant

— isl —

Mais le Dieu doux et bénin De vos mains le retire.

Pensez-vous, etc.,

5 Escoutez bien leurs sermons, Ce n'est rien que séditions.

Au lieu de prescher la paix Ils la veu'ent destruire.

Pensez-vous, etc.

G Couvrant leur ambition Du manteau de religion -, Mais il en est tant usé Qu'un chascun le de.chire.

Pensez-vous, etc.

7 Dieu, où sont ces bons François.

Qui ont tant aimé leurs roys,

Et qui fussent plustost morts Que d'en ouyr mesdire ?

Pensez-vous, etc.

8 François, vous avez un roy Qui est un prince de foy, Qui craint Dieu, et le salut De son peuple désire.

Pensez-vous, etc.

9 C'est un prince valeureux, De la vertu amoureux ; Aimez-le, cherissez-le, Et faictes son nom bruire.

Pensez-vous, etc.

10 On luy range ses esbats Au beau milieu des combats ; Mais c'est là que l'on verra Sa grande vertu reluyre.

Pensez-vous, etc.

il Sus donc, nobles, armez vous, France vous invite tous D'accompagner vostre roy Pour la Ligue destruire.

Pensez-vous, etc.

12 Prions donc noire Sauveur Qu'il garde nostre seigneur, Car c'est un prince d'honneur Que le roy nostre Sire.

Pensez-vous, etc.

15 Celuy qui a faict la chanson, C'est un enfant de Lyon Qui est un bon compagnon Menant joyeuse vie.

Pensez-vous qu'un Ligueur Peust du Roy bien dire ?