DE MARCEL, PRÉVOST DES MARCHANDS
Yous yrez à la messe, Huguenots, ou Marcel vendra Ses biens, et de vitesse Hors de France s'en yra.
1 Marcel, parlant avec le roy, Lui a dit : Sire, par ma foy,
Bien je le voy,
Et si le croy, Que nostre bonne ville S'en va du tout à nonchalloir, Si à ceste évangile Yous ne voulez pourvoir.
Vous yrez à la messe, etc.
2 Quoy, sire ! ne sçavez vous pas Que je vous espargne ducaz
Pour votre cas,
N'étant pas las D'encore plus mieux faire ?
Si vous nous voulez employer, Jamais n'aurez à faire Seullement d'un denier.
Vous yrez à la messe, etc.
5 Car je sommes plus de cinq cens Qui avons des ecus comptans Beaux et pesans Et des plus grands, Que pour faire la guerre A ces Huguenots vous vaulrons, Pour les chasser grand erre ; Et si j'y aiderons.
Vous yrez à la messe, etc.
Nos cappitaines, corporiaux, Ont des corsellets tout nouveaux, Dorez et beaux, Et des cousteaux Aussi longs comme un voulge, Pour Huguenots egorgetter Et une escharpe rouge Que tous voulons porter.
Vous yrez à la messe, etc.
5 Debray) Hotman, Leschassier, Avec leurs cuirasses d'assier,
Yront premier
Les essayer ; Après yront Dehaire, Jïousselet, Ladvocat, Aubry, Bourgeois et Labriere, Et Des Prez avec luy.
Vous yrez à la messe, etc.
6 Ho ! sire, entendez ma raison, Je vous pry, car il n'est saison
Que nous taisions, Comme un oyson
Ils nous viendront eslandre, Si ces Huguenote ne chassez On les faites tons pendre; A cela bien pensez.
Vous yrez à la messe, etc.
7 Trop longuement j1ons attendu, Ce n'est qu'autant de temps perdu.
On s'est rendu, Plus que le deu, Endurant de leur presche, De leur cène et de leurs sabbats; La mémoire en est fraîche, Dont nous dirons : Helas !
Vous yrez à la messe, etc.
8 Senechal, Hagonis, Vigor, Tousjours crient à cri et à cor ; Et si encor Jusque à or Convertir n'ont pu faire Un de ces meschants desvoyés, Que Compant, mon compère, Qu'auprès de moy voyez.
Vous yrez à la messe, etc.
9 Sire, morstrez vostre crédit, Faites contre eux un bel édit, Et qu'il soit dit, Sans contredit, Qu'ils iront à la messe; Ou nous laissez vendre mes biens,
Car doute avons sans cosse De ces Calviniens.
Vous yrez à la messe, etc.
10 Avec moy cinq cens gros marchans S'en iront demeurer aux champs,
Si ces méchants,
Avec leurs chants, Ne chassez hors de France.
Plus ne faut supporter leur l'ait, J 'avons la conscience Chargée de leur meffait.
Vous yrez à la messe, etc.
11 Si le duc de Guise eust vécu, Autre loyer eussent receu,
Et on eut veu
Et apperceu La papauté remise, En despit de ces Huguenots, Qui troublent nostre église Et tous nos Midi nos.
Vous yrez à la messe, etc.
12 Le roy, voyant Marcel ainsy De grande colère transy,
Luy dit : Amy, N'ayez souci, Bon ordre y ferai mettre, Et vous rendrai trestous contents, Car je ne veux permettre Que soyez mal contents.
Vous yrez à la messe, etc.
15 Mes grands amis vous puis nommer, Et je vous doy bien fort aymer, Et renommer Et estimer; Car en mon grand affaire Chascun de vous est diligent, Pour grand plaisir me faire, Me prester de l'argent.
Vous yrez à la messe, etc.
14 Marcel, pour le remercier, Un hanap de vin tout entier Veut empoigner Pour Tavaller.
Près du roy il s'approche Et beut aux bons roys trespassez.
Le roy retourne en coche A Saint-Maur-des-Fossez.
Vous yrez à la messe, Huguenots, ou Marcel Vendra ses biens, et de vitesse Hors France s'en vra.
CHANSON NOUVELLE
