EN LA VILLE DE MÉ/.1ÈRE
Sur le chant de Bourbon.
1 Genty peuple de France, Qui désirez savoir
La grand magnificence, Pour plaisir recepvoir, Qu'il y a peu avoir Au noble mariage De Charles nostre roy, Et la roy ne très sage.
2 En pompe et ordre riche, Sans faire de séjour, Dame Isabel d'Autriche, Le vingt cinquiesme jour De septembre dernier, Arriva à Mezièrs ,
Son train bien ordonne, En royalle manière.
5 Le roy, dedans la ville, Faisant son plain debvoir Pour de façon gentille La royne recepvoir,
Feît lascher gros canons Menant joyeuse vie ;
Trompettes et clairons Sonnoient par mélodie.
4 Devant ceste princesse Humblement s'est offert De marcher en liesse Le comte de Sollert, Prince Daulphin aussy, Et le marquis de Bade, Guyse et Montmorency Avec monsieur dMumalle.
o Monsieur d'Anjou marchoit D'une noble façon, Coste à coste suyvant Le seigneur d'AUanson ; Puis l'électeur exprès De l'empire romaine, Tous trois marchoient après Le chariot de la royne.
6 I/évesque de Strasbourg, Homme docte et savant, Selon Tordre de court L'électeur va suyvant, Accompaigné marchoit Du bon duc de Lorraine, Montpansier le suyvoit En ordre souveraine.
7 Lors étant arrivée Dedans ceste cité
En belle compaignée,
Comme ii est récité,
Receue humblement
Fut par la royne mère Fort magnifiquement Et en joye prospère.
8 Le lendemain matin, Le seigneur électeur Proflerant en latin
Ces propos par honneur, En somptueux arroy Rend ceste royne saige Entre les mains du roy, Comme en avoit la charge,
9 Lors en triumphe exquise Se prépara le roy
Pour aller à l'église, Suivant la sainte loix ; Auquel lieu dignement Epousa la princesse, Selon le reiglement De royalle nohlesse.
10 Premier, dix-sept rangs Des Lansquenets marchoient, Yestuz d'incarnat blanc
Et gris ; puis les suyvoient Les Souysses par honneur, Tant du roy que ses frères Portant de leurs seigneurs Les couleurs coutumières.
11 Tabourins et trompettes, Haultbois et violons, D'une haulteur parfaicte Faisoient tan tir leurs sons.
Marchoient en bel arroy Les chevaliers de Tordre ; Ceux du conseil du roy Les suy voient en bel ordre.
12 Monsieur du Puis marchoit En ordre triomphal, De Cheverny et Foys, De Limoges et Lassac, Morvillers, gratis seigneurs.
Et le nonce du pape, Puis les ambassadeurs De Venise et d'Espaigne.
15 Les quatre héraults d'armes, Monsieur d'Aumalle aussi, Et le marquis de Bade, Avec Montmorency; Puis le prince dauphin Et le sieur de Lon^ueville Marchoient pour le certain En triomphe gentille.
14 Le cardinal de Guyse, Montpensier, bref et court, Suivoient selon leur guise L'évêque de Strasbourg.
Marchoient en général Deux personnes prochaines, Monsieur le Cardinal
Et le duc de Lorraine.
15 Deux huissiers de la chambre Portoient les masses d'or; De Guise sans attendre, Marchoit d'un même accord,
Qui en son poing portoit Le baston de grand maistre ; Le roi après marchoit Et Télecteur de Trièvcs.
16 La royne fut menée Par les frères du roy, Et puis la royne mère Marchoit en bel arroy ; Princesses et seigneurs Suivoient par excellence, Présentant leurs honneurs Au noble roy de France.
17 Le roy vestu étoit En abit excellent ;
La robbe qu'il portoit Fine toille d'argent, Brodée richement De perles fort valables, Tant que son vêtement Etoit inestimable.
18 En la même statue Avoit pareillement Une robbe, vestue Fort magnifiquement D'une toile d'argent, Isabelle, noble royne, Ayant un garniment De riches perles fines.
19 Plus d'un manteau avoit Ysabel de haut pris, D'un beau velours viollet, Semé de fleurs de Ivs,
D'or, et bordé partout D'ermine mouchetée, Voire jusques au bout De fort longue portée.
20 Coronne à Timpérialle Dessus son chef portoit Ceste royne loyalle, Comme il appartenoit.
Ainsi honnestement, En ordre fort requise, Vont le sainct sacrement Recepvoir à l'église.
XYIT CHANSON
