LI-: PELERLW loung dulain mistrande
THEXOT.
Faut chercher autre qui l'entende, De moy ie n'entends ce iargon, Parle-il Limosin ou Breton ?
le ne scay sur ma conscience.
LE PELERIN
O tillos. tillos d'implorance.
THEXOT.
Colin, dy moi. cujus casusr Toy qui as vnze mois et plus Pour apprendre esté à lescoler
NOVVELLE. 39
LE PELERIN
Sardore fore basterolle, Hohart, zoart bedefredac.
THENOT.
N'auoit-il rien en son bissac A l'heure que tu le trouuas?
Subtilement tu l'attrapas, Ou vaillant feus en cest endroit.
COLIN
Et ie le pris comme il dormoit, Desia vous Fay-ie une fois dit, Ou il y eust eu contredit Sans qu'en feusse venu à. bout.
LE PELERIN
Haon, mar, god, mistri, namboust Tizon, graccrac, bourlirancontre.
Mais quelle lettre est-ce qu'il monstre? Baille la moy mon fils Colin r Il me semble que cest latin, Vni^ vni, vniuersis Inspect, inspect,
COLIN
Tnspecturis.
THEXOT.
Ha tres-dame ! tu l'as trouué.
Long-temps y a qu'ay esprouué, Que la veuë me diminue, Puis ceste lettre est si menue.
Et si mal ortografiée, Qu'à peine peut estre espelée, He ! qu'il y a de mauuais Clercs, Puis ie la lisois à reuers.
Seroit-ce point vn Pèlerin?
LE PELERIN
Ouel. ouel.
THENOT.
le m'en doubtoisà ce Latin.
Le grand diable ait part à la prise, l'eusse eu vne pièce de frise.
Pour m'abiller, aussi ta mère, S'il estoit du parti contraire :
Mais puis que c'est vn Pèlerin.
Ne cherchant qu'à passer chemin, Il le faut laisser en aller Libre sans en rien espérer.
Tu as là fait un bel exploict
NOVVELLE.
Si ne recouures d'autre endroict, Ce qu'as à la guerre perdu, Si en espères recompense, Deslie-le.
LE PELERIN
God, magot, d'argence, Hort, fadragot, copué, gigois.
THENOT.
Il s'en va à Sainct-Iean-au-bois Ou à Sainct-Marcou près Briare.
Colin la lettre le déclare.
COLIN
Et non fait, vous l'entendez mal.
C'est à Sainct-Crespais d'Orillac, La lettre chante qu'il y va.
THENOT.
Ne m'en chaut, aille où il pourra, Ainsi me l'estois figuré.
Et peut estre que le Curé Y a mis mauuais latinage.
COLIN
Quand le regarday au visage.
Afin que bien ie le vous die,
le cuidois qu'il feust de Turquie, Parce qu'il estoit si très grand.
THENOT.
Laissons cela quant à présent Penser conuient à autre affaire, Qu'ay-ie faict de mon escritoire, Me faut aller les plaids tenir, Mais ne voy-ie pas reuenir Geste femme.
Perdray-ie ensemble, Et poule et coc ? Faut-il qu'on emble Aux panures gens ainsi le leur?
De rechef viens vers vous Monsieur Et vous apporte de mes pommes.
Monsieur, nous autres qui sommes Dessoubs vostre iurisdiction Deuez sans simulation Faire raison, droict et iustice :
Et afin que soyez propice A mon faict, et vers moy plus doux, Voicy en ce panier pour vous.
One ne mengeastes telle pomme.
NOVVELLE. 43
THENOT.
Trouuez-vous tantost dessoubs l'orme, Vous aurez expédition.
LA FEMME
Voicy encore en mon giron Du fromage vn tres-bon quartier.
THENOT.
N'est rien tel qu'vn officier On a tousiours quelques profficts.
Colin, escoute ça mon fils, Quand il m'en souuient i'ay regret A la perte que tu as faict, Et sur tout de nostre iument.
COLIN
Le diable ait part au perdement, Et quand oncques feus à la guerre, lamais ne laisseray ma terre, Pour quelque chose qui aduienne
THENOT.
Ouy, mais Colin qu'il te souuiennc Que tu es grand, que feras-tu?
Il faut sans te monstrer testu Enfin deuenir quelque chose.
COLIN
Puis donc qu'ainsi est, ie propose Me marier, et à plustost.
Au moins mangeray-ie du rost.
THENOT.
Marier? et à quelle fille?
COLIN
A la fille Gautier Garguille, Puisque vous le voulez sçauoir.
Mon père, ie la veux auoir, Parlé ay à elle vne fois.
Ce fut en escossant des pois.
Au logis de Perrot truette.
THENOT.
Elle est assez belle fillette, Hors-mis qu'elle est un peu boiteuse.
COLIN
C'est tout vn, c'est mon amoureuse.
le la veux bien telle qu'elle est.
THENOT.
Ce n'est pas peu qu'elle te plaist.
Mais remettre le suis d'aduis A vne autrefois ce deuis,
NOVVELLE. 45
Les plaids aussi : car autrement Si les va tenir maintenant.
Geste femme pas n'y fauldra, Et ses conclusions prendra Contre toy pource que luy feis :
Parquoy mieux vaut, Colin mon fils, Que m'en abstienne pour ce iour, Ce pendant faudra par amour Faire en sorte qu'elle s'appaise, Adieu Messieurs, ne vous desplaise, Et ne pensez tant à nos fautes' Que vous en oubliez les vostres.
FI N
NOVVELLE
