CONTENANT LE DEBAT
d'vn ieune moine & d vn vieil gendarme,
pardeuant le Dieu Cupidon,
pour vne fille
FORT PLAISANTE & récréative.
A quatre personnages, c'est à sçauoir :
CvPIDON.
La Fille.
Le Moine.
Le Gend'arme.
CVPIDON.
A tous Amans mes seruiteurs loyaux,
Sçauoir ie faits de puissance royale
Qu'en ceste Cour supresme et principalle, Ils comparoissent à peine des seaux, Portans aux doigts verges, sinets, anneaux, Rubis. Saphis, Turquoises, Diamans, Ghantans, dançans et disans mots nouueaux Pour se monstrer ioyeux et triomphans : Viennent à moy Bretons, Picards, Normans, Arthésiens. Brabançons, Alemans, Bref tous ceux la dessus lesquels redonde Mon haut pouuoir en toutes parts du monde. LA FILLE.
Or suis-ie seule demeurée Sans estre pouruuë d'amy.
Ainsi n'ay bon iour ny demy, Ains perds mon temps et ma ieunesse Ce qui me fait gémir sans cesse, Et croy, n'estoit l'ayde et support Qu'attends de Cupidon le fort, Qu'aurois pieça franchi le pas De la mort : Mais le voy-ie pas En son throsne assis, ie vas voir S'a mon mal il voudra pouruoir Me faisant de sa faueur part.
Sire Cupidon, Dieu vous gard
NOVVELLE. 123
C VPIDON.
Et vous pareillement, la belle.
Que voulez- vous?
LA FILLE
le vous appelle A ma grand tribulation.
C VPIDON.
Et demandez ?
LA FILLE
Prouision D'amours, elle mest nécessaire,
C VPIDON.
Vous estes d'âge pour ce faire, Cointe, propre, miste, gentille, Et me semblez, pour vne fille.
Assez mieure et délibérée.
Mais n'estes- vous point mariée ?
LA FILLE
Nenny encor, dont il me poise.
C VPIDON.
le vous mariray. ma bourgeoise.
Car pour l'estre auez assez d'âge :
Mais les amours de mariage Ne sont pas des plus excellents.
LA FILLE
Le but principal où ie tends Est à auoir contentement.
CVPIDON.
Vous pourrez auoir aisément Quelque gros vallet pour mary; Mais il y a danger parmy, Que la ioye en soit tost passée, Car c'est ainsi qu'vne rosée Qui se passe quand vient le chault.
LA FILLE
Comment cela ?
CVPIDON.
Sçauoir vous faut, Qu'on ne pense fors seulement A s'esbattre au commencement De mariage, c'est tout feu :
Mais cela passe peu à peu, Et à la tin fasche et ennuie, Mesmement quand on a megnic, Adonc sont tous plaisirs finis,
NOVVELLE. 125
Et si depuis qu'on s'y est mis, On ne s'en sçauroit plus oster.
LA FILLE
A ce que vous oy racompter, Tel amour ne vaut vn formy.
C VPIDON.
Mais si vous prenez vn amy Par amour, au iour la iournée, Vous serez vestuë et ornée Autant à l'endroict qu'à l'enuers, Et s'il vous dit rien de trauers, Adieu iusques au reuenir Sans qu'il puisse vous retenir Outre vostre consentement, Qui plus est, de l'appointement Amoureux dont auez enuie, Tous en serez très-bien seruie Tous les iours, face froid ou chaut.
LA FILLE
C'est iustement ce qu'il me faut, Auoir requiers telles plaisances.
CVPIDON.
Vous irez aux festes et dances, Saillir, sauter, bondir en l'air,
Sans que nul en ose parler, Brief tout ferez à vostre mode.
LA FILLE
Cupidon, cela est commode.
C VPIDON.
Si vous estes en mariage, Faudra prendre garde au mesnage, Auoir des langes et des frettes, Des berceaux et tant de souffrettes Que cela sera grand pitié.
LA FILLE
l'ayme fenda) donc mieux la moitié Vn amy de bonne façon Pour me fourrer ma pelisson, Qu'vn mary lasche et paresseux.
CVPIDON.
Ne vous souciez, l'en sçay deux, L'vn est moine, Augustin ou Carme, Ou lacobin, l'autre est gendarme, Et sont à pouruoir ce me semble, Vous les verrez tous deux ensemble, Et puis après vous choisirez.
NOVVELLE 1*7
LE MOINE
Pauvres moines, gens séparez Du monde, et reclus çà et là.
Doiuent-ils estre pour cela, Ainsi comme vils et infâmes Privez totalement de femmes?
Ce seroit chose par trop dure, Sambieu, ie vas à l'auenture Vers Cupidon pour le prier Qu'amie me veuille octroier Aussi bien comme il faict aux autres.
Sire, les excellences vostres, Aillent tousiours en s'augmentant.
CVPIDON.
Moine, de vous voir suis content, Vous soyez le bien arriué :
Belle? Vous ay-ie pas trouué A ce coup vn gentil fiUault ?
LE GENDARME
A l'assaut, ribaut, à l'assaut, C'est commencement de bataille, Dieu gard, Cupidon. bien vous aille.
CVPIDON.
Gendarme, bien soiez venu, A moy beaucoup estes tenu, Car i'ay iustement vostre cas.
LE GENDARME
le suis prest et ne fuiray pas, S'il y a quelque ieu de bille.
CVPIDON.
Regardez ceste belle fille, Est-rien ?
LE GENDARME
Guy, par saincte Lame.
CVPIDON.
Que vous en semble? est-elle femme Pour refuser vn combattant ?
Ne vous en faut (ce croy-ie) tant.
Vous n'auez assez verte veine.
LE GENDARME
Que demande ce maistre moine?
C VPIDON.
Il demande en auoir sa part.
NOVVELLE. 129
LE GENDARME
Vuidez d'icy, frère Frappart, Vous appartient-il d'auoir femme?
Destalez tost, ou sur mon ame...
LE MOINE
Pour vous dicy ne partiray, Ains malgré vous la fille auray, le ne vous crains aucunement.
C VPIDON.
Tout beau, faites appointement Sans tancer, ie vous le commande.
Ça, ma fille, ie vous demande Lequel des deux voulez auoir?
LA FILLE
Manenda, beau sire, à les voir le ne puis pas trop bien comprendre Lequel ie dois laisser ou prendre, Car ils ont façon assez bonne.
LE GENDARME
Vous serez à moy, ma mignonne, le vous traitterav doucement.
i3o FARCE
LE MOINE
le l'empesche formellement, Elle sera plus à son ais2 Aiec moy.
C V PI DON
A vous deux la noise, Ne me chaut qui en soit seigneur.
Est-ce à vous maistre moine honeur De vouloir, en religion, De femme auoir fruition, Quest-cecy que vous sermonnés?
LE MOINE
Quoy ? moines et gens couronnés Sont-ils de ce plaisir exclus Ainsi que s'ils estoient perclus De tous leurs membres, ou chastrez r'
LE GENDARME
Pour néant icy debatez, le 1 emmeneray hors ce lieu.
LE MOINE
Non ferez, ie me donne à Dieu.
A cela ne vous attendez.
NOVVELLE. i3i
LA FILLE
Pour Dieu, Cupidon, regardez Vn peu à ma prouision, le demande expédition, N'ayant besoin de long procès.
C V PI DON
C'est de tant contester excès.
Ne la tenez plus en esmoy.
LE GENDARME
Venez vous en avecque moy.
LE MOINE
Non fera, da, ie m'y oppose.
CVPIDON.
Si ne voulez dire autre chose, Empescherez la cour en vain.
Quant est de moy, tout mon dessein Eet d'auoir un gentil gallois.
C VPIDON.
Qui ne soit iamais las, ainçois Tousiours prest à courir la lance.
LA FILLE
Enda, voila mots à plaisance, Vous sçauez tout, et plus encor.
i32 FARCE
LE GENDARME
le VOUS bailleray mon thresor A manier, et mon auoir.
Et si me mettray en deuoir En toutes choses vous complaire, D'ailleurs ce n'est que l'ordinaire De nous qui tenons les frontières D'auoir auec nous chambrières, Personne ne s'en scandalise.
LE MOINE
Sambieu, selle s'y estoit mise.
Elle seroit femme perdue, Mal habillée, morfondue.
Menée par champs çà et là.
Et couchée auec tout cela Le plus souuent dessus la terre.
Ou pour le mieux sur du fairre.
Et tousiours parmy galfretiers.
Et gens querellans volontiers:
Ou elle sera paise et aise Auec moy sans débat ny noise.
Au monde ne sçauroit mieux estre.
LE GENDARME
(.)uoy doncr moy qui me faicts paroistrc
NOVVELLE. i33
loLirnellement deuant les Dames.
Ne doibs-ie pas auoir des femmes Plustost que vous, à vostre aduis?
LA FILLE
Vous m'ennuiez de vos deuis, Ordonnez, sire, quelque chose.
LE MOINE
le vous auray.
LE GENDARME
le m'y oppose.
Car vous estes Moine et reclus, Et partant à iamais exclus D'auoir femime en possession.
LE MOINE
A ce faits contradiction.
Et soit mis le procès en forme.
C V PI DON
Dites, auant que ie m'informe Dauantage, quelque chanson Qui soit de nouuelle façon.
Et puis i'entendray vostre cas.
LA FILLE
Si voulez que tienne le bas.
Sire, baillez mov bon dessus.
i34 FARCE
Qui pousse sans estre lassuz, Et grignote ut re, mi fa sol.
LE GENDARME
le ne chante que de bémol.
LE MOINE
Et moy ie chante de beccare Gros et roide comme une barre Quan 1 iay vn dessoubs de nature.
le ne chante que de mesure, Tout bellement sans me haster.
LA FILLE
Si vous ne sçaurez gringoter Dru et menu, roide et à poinct.
Auec vous ne chanteray point, Car sur tout ie veux qu'on gringote.
LE GENDARME
le bailleray note pour note Sans dauantage mefforcer.
Et si, ains que recommencer Faudra que longtemps me repose.
LA FILLE
Oncques chant auquel y a pause Ne dénote grande puissance.
NOVVELLE. i35
LE MOINE
Quant est d'instrumens à plaisance, Gros et ouuers pour vn plein chant, l'en suis fourni comme vn marchant.
Par ma foy il ne s'en faut rien.
LA FILLE
le veux vn fol musicien Pour assortir ma basse contre.
LE MOINE
Depuis vne lois que rencontre Vnisson en ma chanterie, C'est une droite mélodie A quiconque veut m'escouter.
LE GENDARME
le ne doute homme pour chanter Chant de mesure et bien nombre.
LE MOINE
Vn des vieux chantres de Cambray Et vous, seriez bien assortis, Et vos efforts sont si petits Que ne sçauriez rien de bon taire.
LA FILLE
Nous dirons vous et moy, beau père.
Deux mots à la nouuelle guise.
i36 FARCE
Elle chante avec le Moine.
lav prins Amour pour ma deuise.
C VPIDON.
Sus, mettons fin à cest affaire.
LK GENDARME
Pour mieux ('Sire' entendre le faire Remettez la cause à huictaine.
LA FILLE
Me faut prouision soudaine.
LE GENDARME
le demande dilation
LE MOINE
Ce pendant en possession le seray mis, entière et pleine.
LA FILLE
Dilation ? Quel capitaine, C'est folie à vous d'entreprendre Chose où vous ne pouvez entendre Pour estre ia vieil et cassé.
LE MOINE
Son temps est désormais passé Pour suiure les amoureux trains, Et ne lui est le ieu des reins Nullement duisant ny propice.
NOVVELLE. i37
Allez vous-en, petit Nouice, De par le Diable, en vostre Eglise, Pourtant si i'ay la barbe grise Doibs-ie estre mis a remotis ?
Trop mieux que ieunes apprentifs Les vieux sçauent d'amour les termes.
LE MOINE
Quand vn homme n'a les reins fe^-mes, Pour iouster et courir la lance, Ce n'est rien que de sa puissance A rencontre d'vn bon escu, Car veu le temps qu'aués vescu.
Vous estes foible à mon aduis, Et n'estes bille à moy pareille.
LE GENDAIiME.
Allez au Diable paternelle
Vous sentez la religion,
Mais par la digne passion
S'il vous adulent une fois d'estre
Auecques ce Moine en son cloistre,
Il vous en mesprenara du corps,
i38 FARCE
Et si vous en tireray hors Soit par force, soit autrement.
C VPIDON.
Promenez raisonnablement Sans vser de force ou mainmise.
Et voulez-vous qu'elle soit mise, le vous prie, auec ce cloistrier.
C VPIDON.
le considère le mestier
Qui est pénible en ses ouurages,
Puis regarde vos personnages,
le voy que ceste louuencelle
Est en premier lieu gente et belle.
Aussi est le Religieux
leune, dispos et gratieux,
¥a au mestier bien disposé,
En après, il a proposé
Que vous estes faible de reins.
LE MOINE
Ce que i'ay dict ie le maintiens Et le maintiendray par raison.
NOVVELLE. i39
LE GENDARME
Tout de mesme trotte grison Et aussi bien comme moreau.
LA FILLE
Vous ne dites rien de nouueau.
Nous ne parlons pas du pelage, Mais de ce qu'estes vieil et daage.
LE GENDARME
Vieil escu vaut mieux par vsage Quvn neuf, pourueu qu'il soit de poids
Il n'est feu que de ieune bois.
LE GENDARME
Il n'est aboy que de vieil chien, Prenez-moy et vous ferez bien.
LA FILLE
Amy ne veux de vostre sorte.
LE MOINE
La cuidez-vous si peu accorte (le vous prie) et si peu seruante De vous prendre, elle qui est gente Et qui a verds et riants yeux, Et vous les auez chassieux Ny plus ne moins qu'vn chat de may.
LE GENDARME
Ha! Dieu d'Amour, secourez-moy, En desespoir suis autrement.
CVPIDON.
Allez la prier doucement Que son Amour elle vous donne.
LE GENDARME
Hélas ! ie vous pry, ma mignonne, Destre enuers moy douce et humaine, Car si ce Moine vous emmené Vous serez femme diffamée.
Vous serez de moy plus aymée Qu'oncques Paris n'aima Heleine, D'ailleurs estant auec le Moine Vostre honneur sera desconht.
LA FILLE
Moins d'honneur et plus de profïît Tout tel qu'il est il me suffit, Et vous n'estes homme qui tist Ce qu'il fera.
LE GENDARME
Par aduanture, Pour faire l'œuure de nature Si ay-ie encore verte veine.
NOVVELLE. 141
LE MOINE
Vn coup (peut estre) par semaine C'est où s'estend tout son pouuoir.
LA FILLE
le ne le veux donc point auoir, Ne s'y attende nullement, Cupidon, donnez iugement, A trauers, d'estoc, ou de taille.
CVPIDON.
l'en vas parler, vaille que vaille.
Le moyen d'appel reserué A qui se sentira greué, Pour autant donc que c'est l'entente De ceste fille belle et gente Pensant à son De profiindis, ^ (Comme on peut iuger à ses dits) D'estre d'vn vert gallant fournie Qui très-bien la traicte et manie, Et que pour faire les efforts D'Amour, faut auoir les reins forts, le luy veux d'vn mignon pouruoir Qui faire en puisse son debuoir Sans que cela plus la soucie.
LA FILLE
Cupidon, ie vous remercie.
C VPIDON.
Apres auoir considéré Tout à loisir et meurement Le faict cy-dessus déclaré Par deuant nous en iugement, Après auoir pareillement Considéré d'vne séquelle Celuy qui pourra plainement Et mieux fournir au plaisir d'elle.
Attendu que ce Monachiis Aussi ioura vn personnage Qui vaudra plus dt cent escus (A ce qu'il dit) et fera rage Et qu'outre cy, mesme au langage Du soldat, sa force est faillie, Le moine aura pour son partage La tille, ainsi le sentencie.
LA FILLE
Cupidon, ie vous remercie.
NOVVELLE. 143
LE GENDARME
Vous me t'aictes très-grande iniure.
CVPIDON.
l'en ay dict à toute auanlure, Si prenez en gré ma sentence.
LE GENDARME
Prendre me conuient patience Combien qu'il ne me plaise pas.
LE MOINE
Cupidon, voila deux ducats, Pour vos peines et vos habits.
C V PI DON
Grates vobis, grates vobis.
Quand en aucun débat serons, Cupidon, nous vous manderons Pour venir par deuers nobis.
C VPIDON.
Grates vobis, grates vobis.
LE GENDARME
Pourtant si i'ay esté vaincu, Vous aurez de moy cest escu Pour entretenir vos habits.
C VPIDON.
Grates vobis, grates vobis.
FIN
FARCE DU lEU
