D'VNE FEMME
qui demande les arrérages à son Mary.
A cinq personnages, c'est à sçauoir
Le Mary. Le Sergent.
La Femme. Le Votstn.
La Chambrière.
LE MARY commence en chantant.
Amie ay fait nouuellement.
lolie et d'assez beau maintien,
Elle m'aime parfaictement, Son petit cas tout bellement Le mieux que ie peux i'entretien.
Amie ay fait nouuellement, lolie d'assez beûu maintien.
LA FEMME parlant a sa chambrière.
Ne te le disois-ie pas bien Qu'il ne me tiendroit pas promesse?
LA CHAMBRIÈRE
Quante fois l'a-il fait, maistresse ?
LA FEMME
Quante fois? Il ne m'a fait rien.
LA CHAMBRIÈRE
Pariure il est donc comme vn chien, Hé! mondouxSauveur ! quel homme est-ce:
LA FEMME
Ne te le disois-ie pas bien Qu'il ne me tiendroit pas promesse ?
louer lui faut quelque finesse, Pour le ranger à son deuoir.
LA FEMME
Ouy, mais il te conuient sçauoir
NOVVELLE. 99
Qu'il est homme si eshonté, Qu'à peine sera-il dompté, Si par rudesse on n'y opère.
LA CHAMBRIÈRE
Pour le mieux, si me voulez croire, Il le vous faut mettre en procès, l'ay à vn procureur accès.
Qui le mènera comme il faut :
Qu'il compare ou face défaut.
Ainsi le rendrez plus honteux.
Plus esbahy, plus marmiteux, Qu'il fut oncques iour de sa vie.
LA FEMME
Ouy, mais ie n'ay pas cette enuie De plaider en la Cour d'Eglise.
LA CHAMBRIÈRE
Et pourquoy?
LA FEMME
Ils ont une guise.
Autant au soir comme au matin, Qu'ils ne parlent rien que latin, Où de ma part ie ne voy goutte.
LA CHAMBRIÈRE
A vray parler, cela desgoute.
loo FARCE
Neantmoins qu'ils soient gens de bien,
Mais au lieu où on n'entend rien
Les femmes n'y sçauroient que mordre :
En Cour laye il y a plus d'ordre,
le le dy sans blasmer nully
11 faut là qu'il soit assailly,
Auous pas sur vous sa scedule?
LA FEMME
Ouy dea.
LA CHAMBRIÈRE
Or donc sans faute nulle Il le vous faut faire aiourner A demain sans plus seiourner, Seulement faites bonne mine, Mais qu'il recognoisse son signe, C'est vne suitte rigoureuse.
LA FEMME
Mon Dieu, qu'vne femme est heureuse Quand elle a mary à son gré.
LA CHAMBRIÈRE
Elle est d'heur au plus haut degré.
r-^il
NOVVELLE. 101
LA FEMME
Du mien ie n'en ay nulle ioye, Et encor le pis que i'y voye Est que n'oze en son lieu commettre.
Par ma foy, i'ay seruy vn maistre Qui se ioiioit tousiours sans cesse, Ou à moy ou à ma maistresse.
En nous accollant à plaisir.
LA FEMME
Las ! ce seroit tout mon désir.
LA CHAMBRIÈRE
Quand il venoit, du premier sault, Il nous faisoit monter en hault, Et puis s'esbastoit à loisir.
LA FEMME
Las ! ce seroit tout mon désir.
LA CHAMBRIÈRE
Et si tant l'eust-on sçeu contraindre, le ne I'ay ouy oncques se plaindre, Rien ne prenoit à desplaisir.
LA FEMME
Las ! ce seroit tout mon désir, Mais au mien ie donne reproche
Car quand faut que de moy s'approche Manenda ie l'ose bien dire, Il semble à le voir qu'on lui tire Faucille du cul tous les coups, l'en suis au mourir.
LA CHAMBRIÈRE
Dictes vous ?
LA FEMME
Et s'il adulent que ie me serre Près de luy, il me fait la guerre.
En me repoussant en courroux, l'en suis au mourir.
Dictes vous ?
LA FEMME
Le cœur me fend lorsque i'y pense, Et me prend telle défaillance Que ne sent point mon amary, Las! que i'ay vn mauuais mary.
LA CHAMBRIÈRE
Mais qui parleroit à cet homme (Ne me souuient comme on le nomme) Qui passe souuent par ici,
NOVVELLE. io3
Peut-estre que sans mais ny si Allegeroit vostre martyre.
LA FEMME
le sçay bien qui vous voulez dire, C'est vn tres-honneste seigneur.
LA CHAMBRIÈRE
le croy que c'est vn bon payeur, A le voir marcher par la voye, Il ne lui chaud à qui il paye, Mais qu'il s'acquitte.
LA FEMME
Mais Dieu non.
LA CHAMBRIÈRE
Ce n'est pas vne morte-paye, Mais vn bon payeur, ce dit-on, Vostre mary ne luy resemble.
LA FEMME
Pour ce avons-nous débat ensemble.
Estant vn tres-mauuais payeur.
Afin de luy faire frayeur, Enuoyez-luy moy vn sergent.
Il viendra vers vous diligent.
Sans dilayer ny contester,
Pour payer ou pour appointer, Ainsi en aurez la raison.
LA FEMME
Appointement nulle saison Ne feray si ne suis payée, Bien me souuient de la iournée De nostre appointement dernier, Car depuis, au lieu de payer, Il ne m'a fait que bruit et noise.
LE SERGENT
Dieu soit céans, ne vous desplaise, l'entre priuément.
LA FEMME
Dieu vous gard.
Bien estes venu par hazard, lai grandement de vous affaire, Fustes-vous pas présent à faire Nostre appointement tant confus ?
LE SERGENT
Nenny. il ne m'en souuient plus Si ne nommez les personnages.
LA FEMME
C'est pour cinq années d'arrérages, Que mon bon mary me deuoit
NOVVELLE. io5
Du tribut que promis m'auoit En présence de plus de trois.
LE SERGENT. Ha ! ouy dea, l'en fis les exploits, le suis de ce bien souuenant, Aux enseignes qu'en conuenant, Vous luy remistes, par pitié, De ce qu'il deuoit la moitié, Par tel si qu'il vous payeroit, Et sans cesser continueroit, Tant aux iours ouurables qu'aux festes.
LA FEMME
C'est cela, ma foy vous y estes, Regardé auez le marché, le vous ay tant de fois cherché, Pour auoir conseil sur ce cas.
LE SERGENT
Et comment? Depuis n'a-il pas Satisfait en lieu et temps deu?
LA FEMME
Non, ce ne fut que temps perdu, l'en veux voir la fin, somme toute.
io6 FARCE
LE SERGENT
N'a-il rien faict?
LA FEMME
Pas une goutte.
LE SERGENT
De cela le m'esbahis fort.
LA CHAMBRIÈRE
le vous promets qu'il a grand tort.
LA FEMME
Si l'en approche, il me déboute.
Rechignant et baillant du coûte, Faictes m'en faire la raison.
LE SERGENT
Mettre y conuient prouision Briefue, sans faire long procès.
Autrement ne seroient grands frais Et beaucoup de peine et de soing.
LA FEMME
De ma part ie n'ay pas besoin De langueur, cela me seroit grief.
LA CHAMBRIÈRE
Mais si le premier pour le plus briet Ainsi que feit vostrc voisiner
NOVVELLE. 107
LE SERGENT
Comment ?
LA CHAMBRIÈRE
De nouuelle saisine.
Elle en eust expédition, Et luy faut sans dilation Adiuger la recreance.
LE SERGENT
Icy n'eschet telle sentence, Car si vous avez bien ouï Madame vn seul iour n'a iouï De son mary toute l'année, Pour ce en vain seroit intentée, La complainte en nouuel'eté Qui n'a lieu quand on a esté Vn an entier sans iouyssance, Et tout ce qu'elle peut faire en ce, Est d'intenter au petitoire, Auquel obtenant, ait mémoire De ne souffrir jusqu'au mourir Tel cessement à l'aduenir :
Autrement qu'elle fasse estai De perdre ses droits tout à plat, le vous prie la négligence
io8 FARCE
Laisser vn an en surceance.
Ce qu'on doit payer tous les iours.
LA FEMME
Mais quel moyen m enseignez-vous De rentrer en possession ?
LE SERGENT
Rien n'y ferez par action.
LA FEMME
Le moyen donc d"y paruenirr
LE SERGENT
Par douceur il y faut venir, Car par rigeur ne l'aurez pas :
Si vous voulez tout de ce pas L'iray trouuer.
LA FEMME
le vous en prie.
LE SERGENT
Auant qu'il soit heure et demie.
Entendre en pourrez des nouuelles.
LA FEMME
Et Dieu vueille qu'elles soient telles Que ie m'en doiuc contenter.
NOVVELLE. 109
LE SERGENT
A Dieu, ie vas le guay tempter.
LE MARY et le VOISIN disent en chantant. Celle à qui mamour donneray, Jamais ne l'abandonneray, Feust-elle cent fois plus hautaine.
LE VOISIN
Tu la laisseras.
LE MARY
Non feray.
LE VOISIN
La raison ?
LE MARY
le vous le diray.
le treuue plaisir en ma peine.
LE VOISIN
Vous vous plaignez de teste saine, Quand i y pense, de vostre femme.
N'y ayant point meilleure Dame Au monde si ne suis deceu.
LE MARY
A quoy lauez-vous apperceur
iio FARCE
LE VOISIN
A ce, que quand elle appointa
Auec vous, elle vous quitta
Pour peu de chose, et vous feit grâce,
Se monstrant enuers vous bonace.
le croy que de vostre costé
Vous estes aussi acquitté,
Accomplissant vostre promesse.
LE MARY
Ma tby, voisin, ie vous confesse.
Ainsi qu'à mon ami parfait. Que depuis ne luy ay rien fait ; Qu'elle ait, s'elle veut, patience.
LE VOISIN
Sans ne faire autre conscience r Compte en rendrez et reliqua, Car Dieu mariage ordonna Pour l'vn à l'autre en ce complaire.
LE MARY
Si vous ne me voulez aesplaire.
Ne me venez de ce prescher, Quand ie m'en voudray empeschcr,
NOVVELLE. III
le tiens la clef et le moyen Par lequel l'en cheuiray bien.
LE VOISIN
S'elle en fait action ?
LE MARY
Tost luy auray fait cession Est-ce pas le dernier refuge ?
LE VOISIN
Ouy, mais le ne sçay si le iuge A ce vous voudra receuoir.
LE MARY
Pourquoy non?
LE VOISIN
Vous deuez sçavoir.
Quand cession est prétendue Pour vne debte qui est deuë, Si la debte est priuilegée, La matière est fort abrégée Sans receuoir cession telle :
Aussi quand on y voit cautelle, Comme il y a au cas présent.
LE SERGENT
Sans vous demander or n'argent, C'est force que ie m'appareille,
De vous dire vn mot à l'oreille, Et n'en déplaise à vostre bande.
LE MARY
Parlez haut que chacun l'entende, C'est de ma femme, ie m'en doute.
LE SERGENT
Vous deuinez, c'est somme toute, Que i'ay charge vous adiourner De sa part, pour voir ordonner Le contenu en ce libelle.
LE MARY
O ho ! ie vay parler à elle, Voisin, allons-y vous et moy.
Et ie vous promets sur ma foy Faire en sorte qu'elle s'appaise.
LE SERGENT
Sa plainte est. qu'elle n'a que noise De vous, au lieu du pavement.
LE VOISIN
Cause de ceste adiournement, Et rien autre chose, ie gaige, Or. voisin, si vous estes saige.
NOVVELLE. ii3
Et conscience vous remord, Amander vous conuient ce tord.
Plus grand que ne pensez peut-estre.
LE MARY. Voisin, vueillez vous entremettre De faire enuers elle ma paix.
LE VOISIN
le la feray volontiers, mais Sans payement c'est temps perdu, Car. à ce que i'ay entendu, C'est tout le subiect de sa plainte, Ayant esté comme contraincte A faute de solution Suiuant vostre conuention Dernière, vous mettre en iustice.
LE MARY
Elle a raison et seroit vice A moy d'insister au contraire.
LE VOISIN
Pour donner ordre à cest affaire,
Il nous conuient l'aller trouver,
Mais la voy-ie pas arriuer,
Collette aussi, sa chambrière ?
Vsez vers elle de prière, Filez doux et donnez du plat, Sinon vous estes en hazart De succomber.
LE MARY
Il ne tiendra.
A parler doux tant qu'on voudra, Qu'entre nous la paix ne se face.
L1-: VOISIN
Il faut donc, sans plus long espace, L'aller trouuer : Mais elle vient 'Vers nous. Saluer la conuient ; Madame, Dieu vous sauue et gard.
LE MARY
Ma mie. sans auoir esgard.
Ni vous arrester nullement A ce que trop nonchalemment Me suis enuers vous comporté Cy deuant, sans m'estre acquité De ce que promis vous auois.
Et que par raison ie vous dois, le vous prie me pardonner.
Et ie vous promets d'y donner Meilleur ordres pour l'aduenir.
NOVVELLE II 5
LA FEMME
ToLisioLirs promettre et rien tenir, C'est vostre façon ordinaire, Mais i'ay résolu ne plus croire En parolles, faut de l'effect.
LE VOJSLW.
Il fera mieux qu'il n'a pas faict, M'ayant dit son intention, Aussi sans simulation Luy ay-ie donné mon aduis.
LE MARY
le tiendray ce que i'ay promis.
Auec vous me veux resiouir.
LA FEMME
Dieu vous en vueille bien ouïr.
LE VOISLN Outre il sera plus doux que miel.
LA CHAMBRIÈRE
En Madame y a aucun tiel, Il n'est femme meilleure qu'elle.
LE VOISLN.
Et quoy? faut-il que tu te mesle Du discord d'entre l'homme et femme.''
ii6 FARCE
LA CHAMBRIÈRE
A qui en veux-tu, hé, infâme r Faicts-ie mal louant ma maistrcsse
LE VOISIN
Tay-toy et appaiser les laisse.
Sinon tu t'en repentiras.
LA CHAMBRIÈRE
Et qu'est-ce que tu me feras?
Me pense-tu espouuenterr
LE MARY
Allons l'vn l'autre contenter, Sans faire icy plus de demeure.
LA FEMME
Comme il faut parler à ceste heure.
Allons, tout courrons mis arrière.
LE VOISIN
Us s'en sont allez là derrière, Pensez, cheuiller leur accort.
Atin qu'il en tienne plus fort, C'est ainsi qu'il faut appaiser l.es femmes quand veulent noiser.
Les voila ensemble remis.
NOVVELLE.
LE SERGENT
Il suffit, puisqu'ils sont amis.
Sans outre nous en empescher :
Mais ceste exemple veut toucher :
Qu'il faut payer les arrérages Aux femmes en tous mariages. De ce vous veuille souuenir, Adieu iusques au reuenir.
CHANSON
NOVVELLE.
Estant si lasche de courage, Pour trauailler à mon ouurage.
Vous pourrie^ donner cent escus, Mafoy vous ne m'y tene\plus.
Le meilleur vous manque :
l'ajy tiré, tiré, i'ay tiré, i'ay tiré.
Mais c'est tousiours blanque.
Alle\ grand abbateur de quilles.
Vous estes donc de ces fendants Qui deuoient déchirer ces filles, A pein mette\ vous dedans.
Le meilleur vous manque :
I'ay tiré, tiré.
Vous ressemble^ au vent de bi\e.
Vous tene\ du froid et du sec, le vous presteray ma chemise.
Mais c'est pour vous torcher le bec.
Laj- tiré. tiré.
Pour me reprendre encore à l'heure Il vous lefalloit mieux garnir, Oste\ moy ces batteurs de beurre, Qui ne le font iamais venir :
Le meilleur vous matique.
l'ajy tiré, tiré.
Vous naue\ rien que des paroi les, Et moy je suis tout plein d'eject, Yous aue:{ mal ioué vos roolles Cinq ou six coups ie lui ayfaict :
Le meilleur vous manque
Fay tiré, tiré, i'ay tiré, i'ay tiré.
Mais c'est tousiours blauqiie.
FIN
^ïi^^'^^^è
NOVVELLE
