RAOULLET PLOYA RT
le n'y entens ne fa ne my.
i8 FARCE DU PRINCE
FAIRE
Accolez.
DOUBLETTE.
La, la, mon amy.
RAOULLET
Quesse là? bongré Sainct Remy!
Ce ieu pas trop beau ne me semble.
FAIRE
Accolez.
DOUBLETTE.
La, la, mon amy, le serre les bourions ensemble.
RAOULLET
Il n'y a remède : ie tremble De despit; ha! ie suis mutin, Toutes fois ie vueil veoir la fin; Et si en suis peu resiouy.
FAIRE
VouUez-vous que ie tierce?
DOUBLETTE.
Guy, Tandis que vous estes en cours.
FAIRE
Accolez et serrez tousiours.
DES SOTZ. 19
DOUBLETTE.
Si feray-ie, n'ayez soucy.
RAOULLET
Ha! ha! quel laboureur vecy, Saincte vertu bieu ! quel mignon, Quel maistre gallant! bon, bon, bon, Vient-il labourer à mon estre ?
MA U SECRET
Ma maistresse. vecy mon maistre!
FAIRE
Il me fault retirer à part.
(// s'enfuit.) DOUBLETTE.
Despeschez-vous : RaouUet Ployart, Mon amy, mon plaisant dorlot, Accoliez moy.
RAOULLET
Ne me dis mot.
DOUBLETTE.
Estes-vous courroucé à moy?
RAOULLET
Voy-ie pas bien ce que ie voy?
DOUBLETTE.
Et que avez veu, dieu mercy?
RAOULLET
Vng gallant qui se part d'icy, Qui besongnoit en mon ouurage.
DOUBLETTE.
le n'ay pas si lasche courage, Que vous cuidez, RaouUet Ployart.
MA U SECRET
Il s'est retiré à l'escart Si tost qu'il vous a veu, mon maistre.
DOUBLETTE.
Tay toy, Mausecret.
MA USECRET.
Il peult estre Qu'il ne le laisoit pour nul mal; Car il est si trescordial, Qu'on ne vit onc de meilleur homme.
DOUBLETTE.
laymeroye plus cher estre à Romme Que vous auoir fait quelque tort.
MA USECRET.
Ils labouroient eulx deux d'accord Quant faire binet et tiercet; Ma maistresse accolloit. serroit, C'estoit merueillc que d'y estre.
DES SOTZ. 2 1
RAOULLET
le donray le cas à congnoistre Au Prince des Sotz.
DOUBLETTE.
Touchant quoy?
RAOULLET
Ha, i'auray vengence de toy Tout maintenant; ie sçay ton cas.
MAUSECRET.
Le Prince des Sotz n'y est pas.
RAOULLET
Quelqu'vng a pour ce cas commis.
LE SEIGNEUR DE BALLETREU
Quesse qu'il y a, mes amis?
RAOULLET
Nous ne venons pas pour vng peu.
MA U SEC RE T
Ma foy, Monseigneur de Balletreu, Ils sont soubz vostre seigneurie.
LE SEIGNEUR DE BALLETREU
Dictes moy qu'il y a mamye, Despeschez, serez à deux coups.
DOUBLETTE.
C'est mon mary qui est ialoux.
RAOULLET. Par dieu, ie n'ay pas tort de l'estre.
MAUSECRET.
El' est bonne femme, mon maistre.
Et aussi vous estes bon homme.
LE SEIGNEUR DE BALLETREU
Or ça, ça que ie saiche comme Vostre discord est aduenu.
RAOULLET
Il est vray que ie suis venu En ma vigne pour prouigner.
Doublette y faisoit besongner Des autres. Ayez y regard.
LE SEIGNEUR
Que en dictes-vous?
DOUBLETTE.
RaouUet Ployart Tousiours tence, riotte ou grongne; Et est si lasche à la besongne, Monseigneur de Balletreu, qu'il laisse Ma vigne en frische.
MA U SECRET
Ma maistresse Dit vérité : il n y scait rien,
DES SOTZ
Et les autres besongnent bien, Entendez vous, c'est pour empreu.
DOUBLETTE.
La Seigneurie de Balletreu Entretiens au mieulx que ie puis.
LE SEIGNEUR
Quant à moy d'oppinion suis, Puisque dictes qu'il est si lasche, Que y faus besongner en tasche ; Et si le dis par iugement.
RAOULLET
Monseigneur de Balletreu comment L'entendez- vous? ie lui prometz La labourer bien désormais, Tant qu'il n'y aura que redire.
MAUSECRET.
El' ayme mieulx Faire que Dire :
Ne faictes pas donc, ma maistresse.
DOUBLETTE.
Ouy, par ma foy.
LE SEIGNEUR
C'est simplesse D'en debatre : sans plus enquerre, Faictes labourer votre terre Hardiment, car ce n'est que ieu.
DOU BLETTE
Certes, Monseigneur de Balletreu, le congnois que à vous suis subjette.
RAOULLET
Monseigneur de Balletreu. i'en iette Vng appel.
LE SEIGNEUR
Il se videra:
Et toutesfois on conclura Que les femmes, sans contredire, Ayment trop mieulx Faire que Dire.
