A QUATRE PERSONNAGES
A PARIS
I 6 lo.
ET RECREATIVE
Qui a fa'ict le coup.
A quatre personnages, c'est à sçauoir
Le Médecin.
Le Badin. Oiidin.
La Femme. Crespinete.
La Chambrière. Malaperte.
LA CHAMBRIERE commence.
Il estoit une fillette Coincte et ioliette Qui voulovt scavoir le ieu d'amours
FARCE DU GALANT Vng iour quel" estoyt seulette De venus en sa chambrette le luy en aprins deulx ou trois coups: Apres auoir sentu du cours, Elle m'a dict, en s'ecriant, Les premiers coups m'y sembloyent lours ; Mais la tin m'y sembloit friant.
Il m'empongne, il m'enbrasse, 11 me baisit forr.
LE BADIN
Me donras-tu point reconfort.
De ce que i'ay nécessité?
LA CHAMBRIÈRE
De quoy, mon maistre?
LE BADIN
En la Ciste De Rouen ne de Houpeuille Il n'y a fille aussi habille Pour servir vng maistre que toy, Et sy ie te promais ma foy, Quant ie contemple ta personne, le n'ay membre qui ne frissonne:
Ton cœur vient le mien inspirer.
LA CHAMBRIÈRE chante.
Franc cœur, qu'as-tu à soupirer, Es-tu poinct bien en ta plaisance?
Prens en moi ton esiouissance, Ainsi qu'vn amoureulx doit auoir.
LE BADIN
Tu me faictzle sang esmouuoir, Foy que ie doy à Nostre Dame.
Vien-ça, preste moy vne drame De son service corporel.
LA CHAMBRIÈRE
Ce n'est pas le droict naturel A fille de s'abandonner.
LE BADIN
Il te fauldra bien gouuerner De ce qu'auras nécessité.
LA CHAMBRIÈRE
Et voyere : mais sy recité Estoit, mon maistre, à ma maistresse, "Vous congnoissés qu'en ma vieillesse A iamais serovs difïamée.
LE BADIN
Testoy, testoy : ta renommée Te sera gardée, par ma foy.
Touche là : ie te faictz octroy De te donner vng chaperon.
LA CHAMBRIÈRE
Vous estes vng bon aulteron, Voyere ; mais si vostre esperon Faysoit tant que la pance dresse, le veulx que me faciès promesse Que me garderez mon honneur.
LE BADIN
Ne doubtes pas le deshonneur :
S'il adulent que ce on congnoisse, Par subtilité ou finesse, Ton honneur te sera gardé. Or bien donc quy soit regardé De moy à vostre voulloir faire, Et quy n'en soit plus rien fardé :
Qu'on lace tout ce qu'on doit faire.
LE BADIN
Or me baise et que ie t'accole.
Et puis tout sera accomplv.
CRESPINETE (femme du Badin) cut}X'.
Mectre ie ne puis en oubly
Les bonnes gens de ma maison.
Il y a ià longue saison
Que i'en partis, grâces à Dieu.
Mais ie serai tantost au lieu
Si veoyt mon aparision
De là où iai affection.
Chascun d'eulx se resiouira :
Oudin en fera mention,
En toute place où il yra
Viuement Malaperte rira
Si vne fois arriuée ie suys :
Certainement elle ira.
A grans et petis d'huys en huys.
l'iray iusques là sy ie puys.
Dieu m'v veuil conduyre à ioyes.
LA CHAMBRIÈRE
Enda, bien folle i'estoyes De fere de vostre conseil.
Vous estes homme nompareil.
On ne s'en pourroit escombattre.
LE BADIN
C'est vne ioye que de bastre
FARCE DU GALANT Les fessottes de ses fiUetes Qui sont ioinctes comme poulletes Qui n'urent iamais de poucins :
On ne peut dormir auprès d'eux.
LA CHAMBRIÈRE
Et si, par vos faictz vertueux, M auiés faict vn enfant au ventre, l'aroyes des courroux plus de trente Que ma maistresse sçeust le faict.
LE BADIN
Par ma foy, ma mye, il est faict, N'en soyes à deulx aduenir.
LA CHAMBRIÈRE
O maleureuse! qu'ai-ge faict?
LE BADIN
Par ma foy, ma mye, il est faict.
LA CHAMBRIÈRE
Par vous i"ay commis le forfaict, Las! que puissai-ge deuenir?
LE BADIN
Par ma foy, ma mye, il est faict.
N'en soves à deulx aduenir.
Mon Dieu, ie puis bien soustenir Que fille suys deshonnorée :
Aller m'en faut sans reuenir, Puisque pour lors suvs defflorée.
Vierge, sur toutes descorée, Veuille toy de moy souuenir.
Fille ie suys deshonnorée.
Aler m'en fault sans reuenir.
LE BADIN
Foy de mon corps, voecy venir Nostre sage et notable femme.
Ah ! la voecy, par Nostre Dame!
Le Diable l'a bien ramenée.
LA CHAMBRIÈRE
A Dieu commant ma renommée; Mon maistre, il m'en faut aler.
LE BADIN
Tu n"es pas encor diffamée.
LA CHAMBRIERE
A Dieu commant ma renommée.
LE BADIN
Tu n'en seras que mieulx avmée, Laisse mov aler et parler.
LA CHAMBRIÈRE
A Dieu commant ma renommée :
Mon maistre y m'en lault aler.
LE BADIN
Tout beau m"en vois, sans bauoler, Cheulz mon compère le Surgien, Qui en sçauoir est diligent:
Et quant auprès de lui seray, Veu le cas que luy conteray, Nuly n'en sera abusé
Tant vous estes tin et rusé.
Si n'eussiés poinct tant amusé Vostre ventre contre le myen, le pense que n'y eust eu rien, Et maintenant ic suys dcstruicte.
LE BADIX.
le m'y en voys toute la suicte, le te suplv ne pleure plus.
Voilà mon compère à son hus, Compter ie luy voy mon affaire.
Honneur, Dieu vous gard. mon compère.
Dictes, comment vous portés vousr
QUI A FAICT LE COUP. ii
LE MEDECIN entre.
Il m'est bien, grâces à Dieu le père,
LE BADIS
Honneur! Dieu vousgard, mon compère.
LE MEDECIN
Es-tu pour lors en ce repère ?
Qui te meust de venir cheulx nous?
LE BADIN
Honneur! Dieu vous gard, mon compère, Dictes, comment vous portés vous?
Sy secouru ne suys de vous.
Diffamé suys à tout iamais.
LE MEDECIN
Dy moy les causes?
LE BADIN
Voiere ; mais Y faut tenir cela secret.
Ton héritage par décret Est-il passé?
LE BADIN
Nennin. nennin.
LE MEDECIX.
As-tu sur le corps vn venin Qui cause à ton cœur douleance?
LE BADIN
Non. non : i'ay bien d'aultre alegeance Que ie cherche auoir de toy.
LE MEDECIN
Et quesse? subit dy le moy.
As-tu nauré aucun à mort?
LE BADIN
Par la mort Dieu de Monttbrt le te diray la vérité.
Vn iour fut que ie fus tenté Sans viser à gaigne ne perte, Lors ie vins trouuer Malaperte, La chambrière de ma femme :
En me iouant, par Nostre Dame, Je lui ay forgé vn enfant.
LE MEDECIN
Il est forgé.
LE BADIN
Il est tout grand, Elle est panchuc comme vue vache;
QUI A FAICT LE COUP. i3
Sy de par toy ie n"ay relâche, Tous mes plaisirs sont descontis.
LE MEDECIX.
Quel iour fusse que tu luv lis?
Dis lay, que ien soys bien asseur.
LE BADIN
Se iour, i'estois tout en sueur ; 11 estoit dimanche ou lundy.
LE MEDECIN
Vn homme me semble estourdy D'aler briser son mariage.
LE BADIN
Ma femme estoit en pèlerinage,
Plus ie n'en pouuois endurer, *
LE MEDECIN
Cela est à considérer.
LE BADIN
Secourez moy de vostre grâce.
LE MEDECIN
Mais quel reueigne. et qu'el' t'em.brassc Ainsi comme vne Pèlerine, Incontinent la poueterine
Tu criras et aussi le ventre, Faignant que ton cœur en pleur entre, En te chaboulant comme vn veau, Lors te feras faire ton eau.
Quel m'aportera, et sans fable le me montrerai tant a fable Que tu feras se que vouldras.
LE BADIN
Nous burons gros comme le bras Se vne fois l'en suis deliuré.
Va t en et ne sois pas yvré, Aultrement seroys misérable.
LE BADIN
le criray comme le Deable ; Compère, adieu iusques au reuoir.
CRESPINETE.
Dieu mercy, tantost pouray veoir Mon bon mary et ma mequine Dieu veuille scauoir quel' cuisine Hz ont faict à la bien venue.
LA CHAMBRIÈRE
Helas. ie suis fille perdue !
Mon maistrc. voecv ma maistresse.
QUI A FAIGT LE COUP. i5
Diffamée suvs sus ma vieillesse.
Au monde il n'y a mon pareil.
LE BADIN
le luy brasse vn bel apareil.
Tay toy, ne pleure iamais iour; Car tu voueras le plus tin tour louer conques iamais vist femme.
CRESPINETE.
Dieu soyt céans et Nostre Dame.
Dieu vous enuovt ioye et soûlas.
LA CHAMBRIÈRE
C'est ma maistresse, par mon ame.
CRESPL\'ETE.
Dieu sovt céans et Nostre Dame. .
LE BADIN
Estes- vous ariuée, ma femme, Vostre corps est-il poinct bien las?
CRESPINETE.
Dieu soyt céans et Nostre Dame, Dieu vous envovt iove et soûlas.
Ma maistresse siechés vous bas.
Que votre corps se repose.
i6 FARCE DU GALANT
CRESPIXETE.
Et vous, estes-vous dispose De sancté, depuys ma departye ?
LE BADIN
Et ma très loyable partye Bien soyés venue en ce lieu.
Or sa, monstre moy, de par Dieu, Que c'est que m'aués aporté.
CRESPINETE.
le n'ay à vous rien transporté.
Voecy pour vous.
LE BADIN
Quoy ! des images :
Et que voecy de beaulx bagages; Et acolés moy fermement, Mère de Dieu !
CRESPINETE.
Du firmament!
Qu'esse là qui vous vient de prendre?
LA CHAMBRIÈRE
C'est la mort qui le vient surprendre.
Soudain que on ayt du vin aigre.
CRESPINETE.
Que ce couroult me sera aigre, Mon amy, estes-vous passé?
C'est faict : voye le là trespassé.
II est aussi royde cun ais.
CRESPINETE.
Hélas! monseigneur sainct Seruais Luy renuoye sa parole brefue.
LE BADIN
Madame sainte Geuneuiefue,
Sainct Biaise, sainct Roq, sainct Hubert,
Sainct Michel et sainct Tyteuert,
( Me veuille ayder en se passage.
CRESPINETE.
Mon amy, vous n'estes pas sage.
Pensés que Dieu vous a formé.
Et de son sang bien reformé.
Et faict en sa propre semblance.
LE BADIN
Et vertu de moy, Dieu ! la panche,
Et le ventre, bieu ! que feray ge!
Ma femme, et ma mye, mourai ge En ce lieu, sans estre guary?
CRESPINETE.
Le cœur de moy est si mary Que ie ne sçay que ie doy fere.
Malapertc, faictes luy faire Son eau dedans ceste fiole, Et ainsi cun oyseau qui voile, G'iray sçauoir qu'on me dira A ce point, on remedira A ceste douleur sy expresse.
LE BADIN
Et que ie souffre de détresse, Le ventre ! la panche! les rains !
le cry mercv à mes parains, A mon père et à ma mère.
LA CHAMBRIÈRE
Courage! encor vous faut il faire Eau pour porter au médecin.
CRESPINETE.
Helas! quel merveilleux brasin
Nuict et iour le pauure homme endure.
QUI A FAICT LE COUP. \g
LE BADIN
Pour Dieu portés à l'adueiiture Mon vrine à mon compère.
Dictes luy que plus ie n'espoyre Que la mort du Dieu de nature.
CRESPINETE.
O mon Seigneur! la creasture, Plus ne la voueray viuante.
LE BADIN
Est-el' pariye.-*
LA CHAMBRIÈRE
Ouy.
LE BADIN
A ! ie m'en vanfe, Que nous rirons plusieurs foys.
LA CHAMBRIÈRE
Vous estes des rusés le choys, Tant en finesse qu'en malice.
LE BADIN
Taises vous, taises, orelle lisse, De bref entendrés ma sentence.
CRESPINETE.
Compère, le dieu Clémence
Vous veuile garder de fortune.
l'ay vne douleur oportune
Qui me tourmente en mon esprit.
LE MEDECIN
le vous donray en bref escnt Récépissé, laissés moy faire.
Baillés moy vostre eau.
CRESPINETE.
A! mon compère, C'est l'eau d'Oudin, mon bon espoulx, Au Jésus! Jésus!
LE MEDECIN
Taises vous :
Ce iour le mectray hors de peine.
Par la benoiste Madeleine!
Ma comere, voicy grand chose!
CRESPINETE.
Vray Dieu ! et quesse?
Dire ne l'ose
CRESPINETE.
Et, mon amy, dictes le moy.
LE MEDECIN
Ma comere, par le vray Roy.
Puisqu'il fault que ie le vous dye.
Cestuy qui porte maladye Est enchainct d'vn enfant tout vif.
CRESPINETE.
Nostre Dame!
LE MEDECIN
Par le Dieu vil, La chose est toute véritable.
CRESPINETE.
Et non est : à l'heure du Deable Qui lui a faict ?
LE MEDECIN
Se aués vous faict; <
Car quand vous fustes ariuée Du voyage où estiés allée, Vous l'acolites.
Et à l'eure le resiouites Si très auant, Qu'alors procéda vn enfant.
CRESPINETE.
Vray Dieu ! i'ey tort Et Nostre Dame de Montfort,
Sainct Seruais, pardonnes le moy.
Pacience : ie vous diray Comment voslre honneur garderés.
CRESPINETE.
Helas! comment?
LE MEDECIN
Vous lui dires Qu'i tienne fason et manière Qui couche auec la chambrière De vostre hostel, s'il est possible.
CRESPINETE.
Helas! el' n'en vouldra rien faire, L'engoisse luy sera possible.
LE MEDECIN
Promectés luy tout le possible Afin qu'elle se laisse faire.
CRESPINETE.
A Dieu, compère.
LE MEDECIN
A Dieu, comere, adieu, ma mye.
LE BADIN
Et le ventre! Vierge Marie!
Que feray ge! doulx lesuschrist.
le ne croys poinot que l'entechrist Ne soit dans mon ventre bendé.
CRESPINETE.
Ne vous est il poinct amendé?
LA CHAMBRIÈRE
Il luv empire tous les iours.
CRESPINETE. Qu'en secret ie parles à vous.
LA CHAMBRIÈRE
Ouy, du bon cœur, ma metresse.
CRESPINETE.
Quant est à moy de ma richesse, Et des biens que Dieu ma donnés.
A toy seront habandonnés.
Se tu me veulx faire vn seruice. (
LA CHAMBRIÈRE
Il n'est plaisir qui ne vous fisse.
Ma chère dame, par ma fov.
CRESPINETE.
Que ton maistre couche auec tov Deulx ou trois heures seulement.
LA CHAMBRIÈRE
Certes, de cela seulement ; lamais ie ne seroys dacord.
CRESPINETE.
Vrayment ie te faictz cest accord, Que sy tu me faictz ce seruice, Ne doubte pas que tu périsse En ton viuant, ie t'en asseure.
LA CHAMBRIÈRE
Comment, ie feroys vne iniure Entièrement à mes amys?
CRESPINETE.
Tu os ce que ie tay promis :
Pren du bien à mon aduis Pendant le bien qui te vient.
Merc de lesus, sy conuient.
Ma maistresse, que ie soys grosse,
Au moins vous en erés l'endosse.
CRESPINETE.
L'endosse, a ! n'en faictz doubte :
S'il est humain qui te déboute.
Croit qu'on luy fera sembler bon.
Allons par accord voir le bon
Oudinet et le secourir, Et puys vous lerés vous mourir.
Comment se porte le courage ?
LE BADIN
le ne croy pas que ie n'arage, l'ev le ventre en Deable fouré.
CRESPISETE.
Vostre compère a labouré A ceste vrine qu'auiés faicte.
LE BADIN
A vous faict lire la recepte, Quesse qu'il a naré dedans?
CRESPINETE.
Y vous fauldra coucher à dens Dessus le ventre à Malaperte; Aussi la pauure fille honneste Aura s'il luy plaist pacience.
LA CHAMBRIÈRE
Helas! fault-il que ie comence A faire ce qu'onques ne fis.
LE BADIN
Ne douhtes pas que tes proHs Ne te valent vn gros argent.
CRESPIXETE.
De vous coucher soyés diligent, le m'en voys prier Dieu pour vous.
LE BA DIN
Adieu, ma femme.
LA CHAMBRIÈRE
Nous lairés-vous?
CRESPINETE.
Oui, le troisième n'y vault rien.
LE BADIN
Mamye, quant reuiendrés-vous.'' Adieu, ma femme.
LA CHAMBRIÈRE
Nous lairés-vous r"
CRESPINETE.
Gardés le secret entre vous, Fille, ie vous feray du bien.
LE BA DIN
Adieu, ma femme.
LA CHAMBRIÈRE
Nous lairés-vous?
CRESPINETE.
Oui : le troisième n'v vault rien.
LE BADIN. Pour conclusion, ie soutien Qui n'est finesse qu'on ne face, Mais qu'on ayt grâce et maintien, Sans muer couleur en la face.
le suplys lesus de sa grâce Que nous decepuons l'anemy Qui est sy remply de falace.
Que nul ne pregne en luy ennuy.
En prenant congé de ce lieu, Vne chanson pour dire adieu.
CHANSON NOVVELLE
Amour m'a fait voir ma belle, Oîi i'ai prins tous mes esbats, Mon cher Adon, disoit-elle, Suporte\ vous sur vos bras :
Hé vous me foui e^. lie vous me
foule-, hé vous me fouk"; Le ventre.
Vne ieiine Damoisellc Vn compagnon embrassoit.
Tandis qu'il estait sur elle.
Sans cesse elle luy disait,
Hé vans.
Sur vne fille de chambre
le trauaillais tout vestu,
Qui disoit mon ventre est d'ambre.
Il tirera tonfestu.
Hé vous.
restais lors bien à mon aise Si personne ne m'eust veu, Car ï amortissais ma braise.
Mais vn bruit est suruenu.
Hé vous.
Ceste belle tauerniere.
On scait bien ce qu'il luy faut.
En luy serrant le derrière Ne deuoii crier si haut :
Hé vous.
Vous ieunes hommes habilles.
Il vous faut approprier Auecques ces ieunes filles, Les empeschant de crier :
Hé vous me foule^, hé vous me
faille:^, hé vous me foule\ Le ventre.
FIN
