DES
BIENS DE FEV TAVPIN VENTRV
Trouués dans sa maison après son deceds.
A la requeste d'honorable homme Phlipot Ventru, maistre orpheure en cuir demeurant à Paris, rue Fouille-Trou, moy tabellion soubs-signé, me suis transporté auec luy en vne maison seize au village de Belleville sur Sablon , en laquelle maison estdecedé Taupin Ventru, bisayeul du grand père dudict Phlipot Ventru , auquel lieu a esté taict inuentaire de tous et chascuns les biens , argent monnoyé, ou non monnoyé, bagues, ioyaux, bestiaux, et autres animaux trouuez en ladicte maison, en chambre, courts, estables et aultres endroicts, le tout ainsi qu'il s'ensuit.
DE MARIAGE. i5
Premièrement, en la chambre a esté trouué une grande couche de bois de hous à piliers tournez par le tourneur de Paleseau^ le lit remply de plume d'erondelle et de hibou , couuert de peau de serpent, les rideaux et pantes de toille de bougrand, lesdictespantes historiées en compartimens, entre autres où est représentée la deffaicte des reistres à Auneau, en mangeant des allouëttes : une couverture d'estamine que le deffunct se seruoit à couurir en hyuer, le tout prisé à la somme de cinquante liures, cy \. Hures tourn.
Item , vne ormoire de bois de fresier , façon de risladam, en laquelle a esté trouuee vne chauldiere tenant douze sceaux rompus par Tance, façon de Cormeille en Parisis, qui avoient esté donnez en mariage audict deffunct.
Plus quatre escuelles d'estaim de Cornoûailles, marquées des armes du deffunct de trois canars de riuiere des Gobelins de Sainct Marceau où vint le déluge , douze tailloûers de bois de haistre qui seruoient d'assiette quand il y auoit compagnie, façon de plu-
i6 PLAISANT CONTRACT
uiers. Vn pot de terre à trois pieds, lance rompue , où a esté trouué dedans vn crapault mort qui a esté donné au chirurgien de Lonjumeau. Un gril de bois d'amendier façon de Montmorency. Un rechaut de terre à demy brisé, qui fut acheté à la Foire Saint Laurent, façon de Beauuais : deux lardoires seruant à larder du bœuf de sureau, façon de Saumur sur Loire : vne gibessiere de cuir bouilly, fermant à double ressort incogneu, façon de Cambray, le tout prisé ensemble à quatre Hures douze sols, cy . . iiii. Hures xii. sols.
S'ensuit les habits estant tendus sur vne grande perche.
Premièrement vn haut de chausse à l'Albanoise de drap de Corbeil sur Seine, garny par la ceinture de crain de chcual , les pochettes de cuir bouïlly , cousue de Chegrot d'Allemart, et passementé des deux costez de deux peaux d'anguilles, bordez par le dessus ù ra-
mages , lirant sur les palissades du iardin de Chanteloup.
Plus vn pourpoinct de beufle faict à œillets doublé d'vne toille cirée par le dedans, et entre la doubleure a esté trouué six mains de papier de Florence marqué à la croisette, que le deffunct portoit quant il auoit castille contre ses voisins , et qu'il auoit porté au siège de Ville-Iuif , et à la bataille de Senlis : vn bas de chausse de toille de bougrand picqué à l'Angleterre, et la taille faicte par maistre François, maistre cousturier à Romorantin : une paire de pantouffles de nate ferrée par le dessous à la poicieuine que le deffunct portoit quand il alloit pescher des grenouilles : vn chappeau garny à l'espagnole pointu par le bout, garny de son cordon de peau d'escorce de bois , le tout ce que dessus prisé à la somme de . . . Ix. Hures x. sous x. deniers.
i8 PLAISANT CONTRAGT
S'ensuit les armes qui ont estétrouue^envng petit coing auprès du priué.
Premièrement vne cuirasse, le morion , auec les brassarts et gantelets, le tout masquiné, enrichy et buriné de saffran , auec fueille d'or moulu , charlatanné , battu et forgé lesdictes armes par l'armurier de Pontdormy en Picardie. \'nc espce, la lame façon de Chatelierault , les gardes ù pas d'asne , le fourreau de cuir de bccuf, et le bout fait dVn morceau de chandelier de bois d'oliuier, vn poignard ù la portugaise, les gardes façon de Grenoble , et le fourreau de drap de Berry , le tout prisé ensemble à la somme de vingt-vne liures dix sols dix deniers, cy xxi. /. x. s. x. d.
Plus dans un coffre quarré de bois de sapin, à vne serrure non fermant à clef, dans lequel a esté trouué des habits à vsage de femme.
Premièrement vne belle robbe de drap cramoisy teint en escarlattc d'eau de coquille de noix, et salpestrc de carrière de Vaugirard,
bordée d'vne lisière de drap bleu garencé par le bas, le corps de cotte y tenant, lassé par le derrière en femme grosse, la queue pendante et les poignets faicts de la soutanne de feu monsieur ie ne scay qui , et les reuers de ladicte robbe de toille à bulter farine. Vn chapperon à grandes barbes traisnant iusqu'aux talions, retroussé par la ceinture, la testiere et cornette garnie de papier brouillard , de peur du reume, que feu sa niepce Nicole portoit allant aux nopces et festes de ville, le tout ce que dessus , comprenant tout, apprécié à la somme de soixante-neuf liures vn sol vn denier obolle tournois, cy . . . . Ixix. liures, vn sol, vn d. ob. t.
Plus en l'estable aux vaches a esté trouué vne vache aagee de dix-huict ans ou enuiron, qui a esté vendue par le consentement des parents au boucher de Poissy, comme seruiteur , et ayant de ieunesse mené ladicte vache au taureau dudict lieu. Vne truye ayant treize cochons qui ont esté pris par les gendarmes, conduits par Claude le fermier,
s'entendant aueceux, trompant le bourgeois. Vn asne mort de la morue, aagé de vingtdeux ans, selon le rapport qui en a esté faict par le chirurgien du Bourget , la peau a esté donnée au tambour des Suisses pour couurir son tambour, ou s'en habiller lui-mesme, si bon luy semble. Quatre oysons mangez de mittes et de vers qui ont esté dédiez au disner des assistans du premier inuentaire. Quatre Hures de beurre sentant le fort qui ont esté données à la semante qui gouuernoit ladicte vache sur intant moins de ses gages, tout le contenu cy-dessus mentionné en l'article se monte à la somme de quarante liures dix sous huict deniers, cy. xl. liures^ x. sols, viii d.
Plus en la caue a esté trouué vn demy muid de vin muscat du creu d'Autriere de Chartres, où il y auoit vne chopine de vin ou enuiron tout gasté, deux pots à beurre rompus à demy, une botte d'eschalats de quartier, vn baril de moutarde, le tout apprécié à la somme de vingt sols, cy xx. sols.
S'ensuit ce qui est deub audict deffunct.
Premièrement il luy est deub par vng nommé Thomas de Lorme , vigneron demeurant à Argenteuil , quatre sols qu'il a payez pour luy à la tauerne, et dix-huict deniers pour vne fressure de mouton. Plus quatre liures qu'il luy a baillé dans le marché aux pourceaux pour acheter un cochon pour engraisser. Plus un demy muid de vin qu'il a preste à vn nommé Jacques CrioUes, sauetier demeurant à Monceaux, pour luy ayder à faire les fiançailles d'vne de ses niepces.
S'ensuit ce que doit ledict deffunct.
Premièrement pour quatre pillules à la moresque, faictes par l'apothicaire de Chaillot, pour ce, cy \'n. liures x. sols.
Plus le deffunct doit à Henry Blin, maçon
demeurant à Mont-le-Héry , pour la façon d'vn manteau de cheminée graué sur piastre, où est représenté le sacrifice d'Abraham, et le massacre de Caïn qui tua son frère Abel , tout a esté apprécié à la somme de soixante et dix escus, cy Ixx. escus.
Le XXV feurier a esté par moy Tabellion soubs-signé, faict et ratifié par moy le contenu en ces présentes, et communiqué presens lean de Lammont, et Daniel le Gindre, tesmoins qui ont esté trouuez sur le grand chemin, et ont déclaré ne scauoir escrire ne signer.
