M. DC. XII
Auec Priuilege du Roy.
NOVVELLE
ET RECREATIVE
DV MÉDECIN
qui giiarist de toutes sortes de maladies et de plusieurs autres : Aussi fait le nés à l'enfant d'vne femme grosse, et apprend à deuiner.
à quatre personnages : c'est à sçauoir
Le Médecin. Le Mary Le Boiteux. La Femme.
LE MÉDECIN commence.
Or faictes paix ie vous prie, Afin que m'oyez publier La science, aussi l'industrie Que iay appris à Montpellier,
l'en arriuay encore hier Auec la charge d'un chameau De drogues, pour humilier Femmes qui ont mauuais cerueau.
l'ai aussi du bausme nouueau, Pour guarir playes et fistules, Et dedans c'est autre vaisseau De toute sorte de pillules Pour les basses et hautes mules.
Pour fiebures, chaut mal et iaunisse, Mal de dents, et de mendibules, Et de mammelles de nourrices.
Ouurier aussi des plus propices Qui soit en ce monde viuant Pour renouer bras, iambes, cuisses Soudain, et viste comme vent, One homme on ne vid plus sçauant En Chirurgie n'en Physique, Et mieux que ceux de pardeuant, le me connois en la Practique, l'ay appris d'vn Deuin antique Qui se tenoit par de là Tharse A deuiner, guarir colique, le nen dy plus, l'heure se passe.
NOVVELLE.
LE BOITEUX
le pourrirois en ceste place, Auant que l'en sçeusse bouger, Helas Monsieur, par vostre grâce Veuillez moy mon mal alléger.
LE MÉDECIN
le désire te soulager.
Qu'as-tu? tu es froid comme marbre.
LE BOITEUX
Las Monsieur ! ie suis cheu d'vn arbre. Et me suis desmis vne iambe.
Sans y mettre oignement ny herbe, le te la remets et r'assemble.
LE BOITEUX
Ha ! ie suis guary, ce me semble.
A vous suis tenu grandement.
LE MÉDECIN
Que donneras-tu franchement, Si ie t'enseigne de legier, A descendre sans tel danger, Qui n'est pas petite science.
LE BOITEUX
le VOUS promets en conscience, De vous payer à votre gré.
LE MÉDECIN
Escoute, soit d'arbre ou degré Garde toy de te plus haster Alors qu'il t'en faudra descendre, Que tu n'auois faict à monter.
LE BOITEUX
Et vous, ne vous hastez de prendre Non plus que ie faicts de bailler.
// dict en s'enfuyant :
Il se cuidoit de moy railler, Toutefois i'ay gagné le ieu.
LA FEMME
Mon mary, pour l'amour de Dieu, Menez moy à ce médecin Duquel on parle tant, afin De voir s'il me pourra guarir.
LE MARY
le vas nostre baudet quérir, Pour plus doucement vous mener.
NOVVELLE.
Hastez vous donc de l'amener le deburois y estre desia.
// va quérir son asne et monte sa femme dessus, puis dit :
Allons hay baudet, comme il va?
LA FEMME
Ne le faictes si fort haster,
Ou à bas me ferez ietter,
En danger de me rompre le col,
Conduisez le par le licol,
De crainte qu'il ne vous eschappe.
LE MARY
Martin baudet si ie vous happe le vous donneray tant de coups Que vous feray aller tout doux, "Vous faictes de l'acariâtre.
LA FEMME
Il n'est pas saison de le batre, Maintenant, qu'il nous faut soigner, Allégeance à mon mal donner, Il suffit mais qu'il aille l'amble.
LE MARY
Arriuez sommes ^ce me semble) Où le médecin fait demeure, Il est que vous descendiez heure, Arreste hau baudet; aryeste.
Aydez moy que ne me blece.
LE MARY
Deualler pouuez embrassée Vous tenant, sans estre offencée, Voilà riiuis, heurtez seurement.
LA FEMME
Ne vous esloignez nullement Tandis, et faictes l'asne paistre.
Le mary se couche contre terre et s'endort , tandis que l'asne s'en va.
LA FEMME parlant au médecin.
l'ay très-grand douleur n'estre maistre Depuis le genouil iusqu'à l'aine :
Voudriez vous bien prendre la peine De me guérir en vous payant ?
LE MÉDECIN
Mamye i'en suis très-content, Et vous tenez seure et certaine
NOVVELLE.
Que pour discerner nerf et veine N'y a nul mieux que moy apris, Ce mal comment vous a-il pris?
LA FEMME
L'autre hyer reuenant de Montmartre, Où allée estois pour m'esbatre, Cheus de malheur à la renuerse.
LE MÉDECIN
Si voulez que ie la redresse Il conuient que ie la manie.
LA FEMME
Encore que ie sois mariée, Qu'il me faille cela permettre Toutefois pour à mon mal mettre, Et donner quelque alegement, (Ce que ne voudrois autrement) Faictes comment vous l'entendez.
LE MÉDECIN
Maintenant la iambe tendez.
LA FEMME
Ho ! ie ne sens douleur aucune.
Guarie suis ou autant vaut, Dictes monsieur ce qu'il vous faut.
jo FARCE
LE MÉDECIN
Ne m'espargnez ne tant ne quand De vous ie me tiens très-content, Dresser m'auez faict, c'est assez, Le membre, ne sçay s'y pensez, Prenez que l'vn vaille pour l'autre.
LA FEMME
le comprens l'intention vostre, Mais mot, deuisons d'autre chose, l'ay opinion d'estre grosse, Diriez vous bien de quel enfant?
LE MÉDECIN
Ouy mamie, et tout maintenant ; Ça vostre main, que ie la voye, Ha ! qu'est cecy ? Dieu y pourvoye, l'apperçoy ce qu'oncques ne veis Ou ie perds et sens et aduis Tant la chose est extraordinaire.
LA FEMME
Mais qu'il ne vous vueille desplaire Vous me direz s'il y a rien Qui vous semble autrement que bien ?
le vous en prie d'amitié.
NOVVELLE. II
Ma foy vous me faictes pitié, Vous voyant si iolie et cointe, Car l'enfant dont estes enceinte, N'a point de nés, c'est vérité.
LA FEMME
Hélas Monsieur! par charité Sçauriez-vous à ce mal pouruoir?
LE MÉDECIN
le lui en feray vn auoir, Auant qu'il soit demain ceste heure, Si voulez que ie vous secoure Ou tardif sera le secours.
LA FEMME
l'auray doncques à vous recours Pour l'œuure encomencé parfaire.
LE MÉDECIN
Vn ouurier vous faut pour ce faire Qui entende ce qu'il fera, Autrement le nés ne tiendra, Restant difforme le visage.
LA FEMME
le vous donneray si bon gaige Que serez très-content de moy,
Auant que parte, sus ma foy,
S'il vous plaist en prendre la peine.
LE MÉDECIN
Très-volontiers tant ie vous aime, Sans que pour ce rien vous demande, Mais la compagnie est trop grande Pour mettre en ouurage et effect, Ce qu'entens, cherchons lieu secret, Trop de gens entendroient mes tours.
Ils s'en vont ensemble, et le mary se resueille et dit .
LE MARY
Hau Baudet? pais-tu pas tousiours?
Où est-il allé? Qu'est cecy?
S'en est-il point fuy aussi ?
L'auez-vous point veu, bones gens?
L'ont point emmené les Sergens Du procès sçachans le trictric ?
En ce lieu n'en appercoy nul trie, Peut-estre vn loup s'en est farcy ; Tant tu me donne de soucy Et de courroux, maudit sois-tu, Encore seray-ie battu De ma femme, ie m'v attens.
NOVVELLE. i3
LA FEMME
l'ay cy esté assés long- temps, Monsieur, faut me remettre en voye, Requérant à Dieu qu'il pourvoye Du nés à mon enfant ioly.
LE MÉDECIN
Il en aura vn bien poly, Que luy ay faict bien et poinct.
LE MARY
Mais ma femme ne reuient point, Non plus que mon asne au repaire, Il me faut le malade faire Pour euiter destre battu.
Il se couche, puis dit :
He mon Dieu I mamie où es-tu ?
Tant ie sens de mal entour moy.
Vous me mettez en grand esmoy Qu'auez-vous à vous plaindre tant?
LE MARY
S'au médecin ne vas comptant Mon mal, ie mourray promptement.
LA FEMME
Allez-y doncques vistement, Tandis qu'il est en la maison.
LE MARY
Que lui porteray-ie ? Vn oyson ?
Ou des poulets, ou de l'argent?
LA FEMME
Il est courtois, honneste et gent, Allez seulement, ne vous chaille, Ne portez ny denier ny maille, Il ne vous demandera rien.
LE MARY y allant.
Que ce me seroit un grand bien Si ma femme deuenoit bonne.
Hola, hola? N'y a-il personne?
LE MÉDECIN
Si a dea, que demandez-vous?
LE MARY
Monsieur las ! i'ay si fort la toux Qu'il faut que prenne médecine.
LE MÉDECIN
Voicy de la pilule fine Qui vaut mieux qu'autant d'or massif,
NOVVELLE. i5
Il t'en faut prendre cinq ou six Cela guarira tous tes maux.
LE MARY en prend, puis dit. ■ Qu'est-ce? diable, ils sentent les aux, Comment ils rouUent dans mon ventre, Haï il faut que mon cul s'esuente.
// va à l'escart pour faire ses affaires , oit il trouve son asne, puis dit :
Ha baudet! estiez-vous icy?
Quel bon Médecin et sans si, M'ayant guary, et sans grand queste Fait aussi retrouuer ma beste, Vrayement ie l'en contenteray Du premier argent que i'auray, Sus baudet à l'hostel, sus, sus.
LA FEMME en accouchant.
Hélas ! mon Dieu ! ie n'en puis plus, Hélas! hélas! le cœur me fend.
LE MARY
Et quoy? ma femme a vn enfant, Hél maraie comment vous est?
LA FEMME
Bien Dieu mercy, puis qu'il lui plaist, Que mon enfant est bien venu.
LE MARY
l'ay l'entendement tout cornu De ce qu'accouchée vous voy, Treize mois sont, ie l'apperçoy, Qu'auecques vous ie n'ay couché, Au moins que ne vous ay hochée, Et si dès la première année Qu'avec moy feustes mariée, Vous geustes au bout de six mois.
LA FEMME
Vous ne lauiez plus de trois doigts.
Mis auant, et pour ceste cause L'enfant vint sans plus longue pause, N'ayant si long chemin à faire.
LE MARY
Il s'ensuit par raison contraire Que l'y ay fourré trop auant A ce coup, puisqu'il a mis tant, l'ay peur de vous auoir gaslée.
LA FEMME
Non auez non, mais la nuictée Que vous me feistes cest enfant, le vis vne asnesse en dormant, Parquoy treize mois lay porté.
NOVVELLE. 17
LE MARY
Il est donc mien, tout doubte osté.
// prend Venfant et le regarde, puis dit : Il a tant beau nez que c'est rage.
LA FEMME
Ha ! ce n'est pas de vostre ouurage, Il ne vous estoit souuenu Luy en faire, on en est tenu Au bon ouurier qui Ta parfaict.
LE MARY
Qui, tous les Diables, l'a donc faict?
Comment? Faict-on le nez à part, Tenez-le i'en quitte ma part Et m'en vas à ce Médecin, Qui peut-estre est aussi Deuin, Scauoir qui ce nez a refaict :
Mais mieux me vaudroit, en effect, (Ce croy-ie) apprendre à deuiner.
Voire, car i'en pourrois gaigner De l'argent. Or vay-ie or endroit M 'enquérir de luy s'il voudroit M'y apprendre, c'est bon party.
Monsieur voicy vn apprenty,
Qui vient apprendre la science De deuiner, comme ie pense Vous l'apprenez à toute gent.
LE MÉDECIN
Ouy dea, en me donnant argent le te l'apprendray sans doubtance, Ne prenant pour toute pitance Que de ces pilules que i'ay Dont aussi tost qu'auras mangé, Tu seras vn Deuin parfaict, Regarde à toy, pense à ton faict, Dy moy ? que me donneras-tu ?
LE MARY
Tout compté et tout rabatu.
Voilà vn bel escu comptant.
LE MÉDECIN
Par mon ame, l'en suis content, Mais tu payeras les confitures, Autant les molles que les dures.
Ciicta canis, boue de blé Qu'ensemble ay mis et assemblé, Tu en prendras ou deux ou trois, Cela faict la première fois
NOVVELLE. 19
Que parleras, sois asseuré Que ce que diras sera vray :
Or pour ce secret là t'apprendre, Ouure la bouche, il te faut prendre De ces pilules que voicy.
LE MARY. Fy ! tous les diables ! qu'est cecy ? Cela sent plus fort que moutarde.
LE MÉDECIN
Deuine.
LE MARY
Le sambieu, c'est merde.
LE MÉDECIN
En ma conscience c'est mon, Or fais-ie veu à Sainct Simon, Que tu es très-bon Deuin.
LE MARY
Allez yurongne, sac à vin, Feussiez-vous pendu par le col.
LE MÉDECIN
Da ! ton asne auec son licol.
Estoient perdus si ie ne fausse,
Et si mon payement n'en eusse,
Sans que par subtile façon,
l'ai tiré ton iaulne escusson
Et la cuisse que i'ai remise
A ta femme, rien tu ne prise,
Son enfant, que sans moy fust né
Sans nez, qui t'eust esté grand honte.
LE MARY
Vous l'auez donc faict à ce compte Ce nez, monstrez-moy à en faire De mesme, il ne vous coustera guère, Et si bien vous contenteray.
Retiens bien ce que te diray.
Quand vn autre enfant tu feras, Ton nez au trou du cul mettras De ta Femme, et ne sois testu :
Mais tiens l'y bien, et deusse tu Y estre et iour et nuict aussi lusques à tant qu'elle ait vessi.
Par ainsi il te souuiendra Du nez, qui trop mieux en tiendra, Fais en la sorte que te dis.
NOVVELLE. 2 1
LE MARY
Ha vertubieu ! en faicts et dicts, Vous mocquez-vous ainsi des gens, Si ie peus trouuer des sergens, le vous feray mettre en prison.
LE MÉDECIN
Partir d'icy il est saison, Retirons-nous à nostre enseigne.
Viue tout drôle qui enseigne A faire le nez aux enfans, Adieu vous dy petits et grands.
FIN
