LE MAIRE ^ QUI REVIENT DE LA
guerre de Naples, et ameine vn Pèlerin prisonnier pensant que ce feust vn Turc.
A quatre personnages , assauoir,
Thenot.
La Femme.
Colin.
Le Pèlerin.
THENOT commence.
Vive Thenot monsieur le Maire, Et aussi mon grand fils Colin,
Pleust-il à Dieu qu'il pleust tant faire
De mettre le grand Turc à fin,
Il reuiendra quelque matin.
Tantost y a six mois passez
Qu'il partit, c'est de temps assez,
S'vne fois il a entrepris
Rendre sien Naples, il est pris.
Et sa garde qui s'armera,
Car ia homme n'eschappera
Qu'il ne soit pris ou mis à mort,
Ou soit à droit, ou soit à tord ;
Car il est fier comme vn lion,
lamais ne fut tel champion,
Ny plus vaillant homme de guerre,
Pour tost retourner et belle erre.
Mon grand père par hardiesse.
En cuidant acquérir noblesse,
Pource qu'il reculoit arrière,
Tomba dedans vne carrière.
Où mourut sans qu'on l'en peust traire.
LA FEMME
Dieu vous gard Monseigneur le Maire le viens vous demander iustice.
NOVVELLE. 2b
THE NO T
C'est grand fait que d'auoir office, Et bien, bien, ie la vous feray.
LA FEMME
Ha ! Monseigneur ie vous diray.
Il est venu vn gentilastre, L'autre iour iusques à mon atre, Apres disner de releuée.
Tuer ma poule griuelée, Celle qui pondoit de si gros œufs.
THE NO T
Estoit-il tout seulet. ou deux r Déclarez moy bien vostre cas.
LA FEMME
Deux? Nenny ils n'y estoient pas.
Il n'y auoit qu'vn fol testu, D'vn iacques de toile vestu.
Qui mist ma grand geline à fin.
Seroit-ce point mon fils Colin?
Il frappe de taille et d'estoc.
LA FEMME
Las! il tua aussi mon coc.
Et si me feit maints grands outrages,
M emportant outre deux fromages.
Ma foy c'est vn mauvais garçon.
THENOT.
Il faut faire information, Pour descouvrir ce qui peut estre.
LA FEMME
Encore mist sa iument paistre En mon iardin pour me pis faire, Cela est vray, monsieur le Maire, La vérité sera trouuée.
COLIN
Le diable y ait part à l'armée Mon père hau? ie suis venu.
THENOT.
Tu ne t'es guère au combat tenu, Comment se porte la bataille.
COLIN
N'ayez pas peur que plus i'y aille, Tant que i'auray la vie au corps.
THENOT.
En y a-il beaucoup de morts?
Au moins compte moy des nouvelles,
NOVVELLE. 27
Où sont Vicestre, aussi Grenelles, Tu n'en faits nulle mention.
COLIN
le les laissay en vn buisson, Où ils se tindrent pour l'assaut, Tremblans nonobstant qu'il feist chaud : Mais c'estoit de peur seulement.
A propos vostre grand iument Mon père, est-elle reuenuë?
THENOT.
Ma iument ! ha ! tu las perdue N'est-ce pas?
COLIN
Quelquvn la happa, Voyez vous, elle m'eschappa, Et ne sçay ce qu'elle deuint Dit luy auois qu'elle reuint Toutefois; et luy en feis signe.
LA FEMME
Vous auez tué ma geline,
le vous recoiinois maintcnanl.
COLIN
Sur les champs iallois tout prenant Mais quand ie feus près de l'armée Oiant qu'il y auroit iournée l'eus peur, car vous deuez penser Qu'ils estoient tous vestus de fer, Et mon iacques estoit de toille.
Feis-tu point vn peu du rebelle, A ton arriuer à l'armée?
LA FE.yME.
Ha ma foy! vous l'auez tuée D'vne dague à large rouelle.
COLIN
Tout aussi tost que vins à elle (le veux dire) qu'ouys sonner Clairons, et moy de retourner, Il ne faisoit pas bon au lieu.
LA FEMME
Vous la pristes par la Croix bien Courant après, et disant croc, Et puis vous tuastes mon coc, Monsieur i'en demande iustice.
NOVVELLE. 29
TIJEXOT.
Colin, tu n'es exempt du vice Si tu feis ainsi qu'elle dit.
COLIN
Guidez vous que i'eu grand despit.
Quand ie perdis mon haut bonnet.
Une vieille qui au colet Me prist et bailla sur le groni Par bieu cinq ou 6. coups de poin, Me l'osta de dessus ma teste.
THENOT.
Te laissois-tu comme une beste Gourmander par elle en la sorte ?
COLIX.
Le sambieu la vieille estoit forte.
Si ne m'eust-elle pas battu Sans mauoir premier abbatu l'en eus sans demander combien ?
Si t'auois-ie (me semble) bien Au long recordé ta leçon ; Ha î si tu sçauois la façon Du temps qu'à la guerre i'estois
3o FARCE
Si tost l'armée ie ne qaittois
En tenant tousiours pied à boulle
LA FEMME
Il a eu mon coc et ma poule.
le vous supply despechez-moy,
THE NO T
Colin, ce fut mal fait à toy Te laisser battre à vne femme, Qu'eusse tu faict contre un gendarme S'il t'eust présenté le combat?
COLIN
l'ay tousiours fuï tel débat Plain de péril hazardeux.
THE NO T
C'est bien loin d'en combattre deux A la fois : mais ie ne voy point Ton iacques dessus ton pourpoint, Où est-il?
COLIN
le l'abandonnay A qui le voulut, et donnay.
Pour fuir plus légèrement, Ce que ie feis si secrètement Que ie me sauuay deuant tous.
NOVVELLE. 3[
LA FEMME
Et par ma foy ce fustes vous Qui montastes en ma chaziere, l'estois en nostre cheneuiere, Il faut dire du bien le bien Monseigneur le iuge, de rien le ne voudrois iamais mentir.
