ALIZON

Vous teniez ce jour là bien serre Quand le serviteur de chez vous Fust trouvé entre vos genous, Dont après demeurastes grosse,

ISABEAU

Va, va, de cela je m'en gosse :

Voylà Saffrette qui l'est bien.

Mais toy, tu n'en vaulx du tout rien , Tu as servy à plus de mille Des crocheteurs de ceste ville.

LES RUSES

LA SUBORNERESSE.

Qui a vos discours incitez?

Pourquoy toutes vos veritez Reprociiez-vous ainsy ensemble?

Moy qui, caducque, vieille, tremble , Qui suis presque au bout de mes ans, Et dont les genous tremblotans Me peuvent soustenir à peine, De vostre querelle incertaine La cause je veulx apaiser.

Aultrefois, un moite baiser, Un soubris, une oeillade douce , Avec une brusque secousse De quelque lascif amoureux , Je trouvois aussi savoureux, Comme vous, petites sucrées, Qui faictes tant les viserrées Quant on veut ouvrir vos genoux :

Et si j'ai esté comme vous Servante : et lors que maistresse Alloit le matin à la messe , Au marché, ou bien aultre part, Je prenois un morceau de lard ,

Je ferrois, comme vous, la mulle , Sans demander pardon ni bulle Pour m'absoudre de ce péché; Puis, quand le larcin est caché, La faute n'est si criminelle : Appaisez donc vostre querelle.

Si vous avez bien faict jamais , Faictes encor mieulx désormais.

FINIS

Ail Censeur téméraire.

Censeur fronce-sourcil, premierementqu'attaindre Le style de ces vers à téméraire dent , Saches que nous suivons le peintre qui, prudent^ Rapporte ses couleurs aux subjects qu'il veultpeindrc.

LA MALTOTE