REPLIQUE
Pour m'esjouyr je m'ostay de la presse Où dur malheur, qui poursuyt tout forfaict, De bon espoir m'avoit du tout defaict.
Que feis-je lors pour mon esprit induyre A passer temps? Adonc me pris à lire Ung petit bref de paroUes legières Qu'avoient causez entr'eux .II. chambrières. En les lisant, une jeune tillette , De maintien doulx et de regard honneste. Me vint reprendre et me dict sans targer Q.ue tort avoient de blancque eulx estranger, Et qu'elle avoit gaigné plus que perdu Au jeu de blanque; ainsi l'ay entendu.
Lors me compta, sans faire long séjour, Comment bon heur luy advint en ce jour.
Quand j'ai congneu que ne gaignois assez A mon service atin mary avoir, Trente-deux solz j'ay soubdain amassez, Lesquelz m'estoient grand richesse et avoir. Mettre à la blancque ay fait le mien debvoir, Où n'ay perdu; sure en suis, somme toute.
On ne perd pas tout l'argent qu'on y boutte.
AulcLines sçay qui de blancque se plaignent Pour ce qu'ung coup ilz n'ontpoint rencontré ; Mais en mettant leurs testons ilz se feignent, Et au Hazart n'ont point bon œil monstre. Lorsque Hazart s'est contre eulx demonstré Rude et cruel, courant ailleurs la poste, Et ont perdu l'argent de robbe et cotte.
Ce n'est pas tout : car, leur vueil entendu, Suyvant Honneur n'esioicnt point en la place; Mais poursuyvoient le leur guain prétendu Que de Venus possederoient la grâce.
L'une des deux estoit vieille crevasse.
Qui son mignon vouloit faire pompeux ; Mais blanque feist le sien maintien honteux.
De maie mort le banquier maudissoit, Car son mygnon luy monstroit chère grise ; De quinze francs le tasappetissoit; La robbe aussi estoit en gaige mise.
Or, quant à moy, ung chascun bien j'advise Que n'ay en blanque aucun denier submis Fors par Honneur, qui est de mes amys.
L'autre d'après, assez jeune tenue, S'en plainct aussi en cueur et encouraige,
4 REPLIQ.UE
Laquelle estoit d'un autre entretenue, Où elle avoit desjà passé son aage, Prêt elle avoit content son mariage Pour quelque sot, qu'elle eust fort abusé , Quelqu'autre aussi, s'il n'eust esté rusé.
Son mariage à la blanque elle a mis, Soubz ung espoir qui pas beaucoup nevault, Et lors Hazard luy a du tout desmis Son vain espoir, qui maintes fois deffault; Bon heur aussi, ainsi penser le fault , A son espoir ne s'est pas entendu, Et por cela au jeu elle a perdu.
Un aultre estoit, qui n'eust lecueur marry, Car vingt escus à la blanque gaigna , Et pour devise avoit : Mon bonmary.
Deux ou trois coups hocher Bien me daigna ; Lors le blanquier contre elle s'indigna , Non pas trop fort, car il l'eust deshousée , S'elle eust voulu, la tendretie espousée.
De faire ainsy je n'ay point espérance, Ne plaise à Dieu, de cueur je le prometz ; Aussi Hazart a pris d'Heur l'accointance , Et m'ont promis des biens plus que jamais ; Suyvre Venus du tout je me desmetz;
Et suyvre Honneur j'ay tousjours prétendu, Et par cela au jeu n'ay point perdu.
Par plusieurs fois en mariage mise J 'eusses esté, voire, depuis deux ans ; Mais pauvre estoys , et de tous biens démise , Qui m'estoient fais à porter très pesans; Advenu m'est, qui me sont bien duisans, Hazart et Heur, dont point me mescontente : Heureuse suis, dontdoibtz estre contente.
J'ai beaux habitz et beau linge tout neuf, Beau demisceint d'argent sur mescostez; Deux chapperonSj tabliers plus de neuf, Chausses^ souUiers et biens de tous costez. Pour ce vous pry que de biens ne doubtez ; Venez vers moy, se me voulez avoir, Je vous feray d'entretien le debvoir.
La blanque a faict mon argent croistre fort, Dont mercy Dieu et le bon heur aussi ; Et par cela j'ay en Dieu mon confort Qu'aulcun viendra pour m'espouser icy.
Cent livres j'ay gaignées, Dieu mercy } C'est pour celuy lequel m'espousera , Et qui amy mon ci.eur reclamera.
En aage suis; de beaulté me contente,
