ET FORT JOYEUX
Desproi^ciie du mal damours
SeuUe, esgarée de tout joyeux plaisir, Dire me puis en amours maleureuse ; Au lit d'ennuy il me convient gésir Sur l'oreiller de vie langoureuse; SeuUe, esgarée de tout joyeux plaisir, Dire me puis en amours malheureuse.
MONOLOGUE
Venus^ la déesse joyeuse, De qui je me tiens serviteure, Serez-vous envers moi piteuse?
Faut-il qu'en cest estât je meure Sans coup ferir? A! j'en suis seure, Si de moy pitié vous n'avez.
De rechef fauldra que j'en pleure Larmes dont j'ay les yeulx cavez.
O Vivez, Cupido ! vivez !
Et Venus, la noble déesse, Et en mon secours arrivez; Remettez mon cuer en liesse.
11 y a de la gentillesse A moy, et cy a du courage; Mais Fortune vers moy s'adresse Qui me tourne son faulx visage.
J'ay quinze ans, ce n'est que fleur d'âge ; Je suis sur la coupe de seize; Je suis au péril d'une rage, Ce de bref mon mal ne s'apaise.
On va, on vient, on touche, on baise, On dit, on me corne à l'oreille, On couche de dix et de treize, On fait de babiller merveille.
DE LA CHAMBERiÉRE.
Mais nul quidam ne s'apareille A me dire le mot du guet, Veu qu'un pareil quiert sa pareille; Le tant attendre mal me faict; Voulentiers me misse en effect Faire de mon cas ouverture A quelque mignon, en effect, Cy ne me tournast à injure.
Mais, par la marcy Dieu, j'en jure, Quant j'en auray bien attendu, Ung coup feray à l'adventurc Et en deust tout estre perdu.
Suis-je pas sus le hault verdu?
Je ne suis point, midieux, fardée De violettes ni de templettes.
J'ay, sans plus, blanches collerettes, Robes faictes en mesnagère, Et tous beaulx abis et honnestes Comme à simple chamberière, Bonnes gestes, bonnes manières, Ferme de rains, dure com treste ; Mais, pour déclarer la matière, J'ay du jeu d'amer grant soufrete.
Au mieulx que je puis je m'apreste,
MONOLOGUE
Désirant compaignie franchoise; Mais nul l'oreille ne me preste A mon désir, dont ce me poise; Cy vau-ge bien une bourjoise, Par Dieu voire, une damoyselle, Ou quelque fille villageoise Refaicte comme une groyselle.
Je ne suis fière ne rebelle, J'apette la doulce alliance; Conclusion, la chose est telle, 11 n'est trésor que de plaisance.
Je passe temps, je ris, je danse En esté avec ces fillettes; Mais onques n'eulz la jouyssance De ce plaisant Jeu d'amourettes.
Pour la crainte des eschoguettes Et du dangicr de Malle Bouche, Mais cy ferai-je mes aprestes D'en avoir quelque jour la touche ; Jamais ne seray si farouche, Ce quelque homme me vient à gré ; L'escondirai-je pour une touche A quelque cornet de degré ?
A aultrc chose n'ay regret;
DE LA CHAMBERIERE.
Crainte plus ne m'y surviendra Que je ne prenne bien en gré Mon bien à l'heure qu'il viendra, Puis quelque mignon surviendra De village, ou varlet d'hostel, Qui à espouse me prendra Sans sçavoir que le cas soit tel.
Telle a mys cent fois le martel En vente et faict sa destinée Dont on n'a poinct tenu fretel, Qui a esté bien mariée.
Troue avant, troue, je suis sonée ; Pourtant, s'on l'a un peu preste Quant la chemise est abessée 11 n'y pert qu'on y ait esté.
Ains qu'il soit la sainct Jehan d'esté, Au danger que la panche dresse, Avec quelcun feray traicté Et d'amour je feray l'adresse.
Pour estre un petit mise en presse Je n'en seray que plus marchande.
Il convient acquitter jeunesse, Car Venus le veult et commande.
11 y a mainte vieille mule
MONOLOGUE
Mariée et à marier,
Qui n'en a point faict de scrupulle
Ne l'empeschée de harier,
Et pour tant, sans plus en crier,
Je feray, par saincte Marie,
Aller, ce l'on me vient prier,
Le manche après la cougnie.
A qui trop attend il ennuie; Qui n'a disné voulentiers soupe :
Je suis donc tentée^ sur ma vie, De bouter le feu à l'estoupe.
On taille tant que Ton ce couppe, On crie tant Nouel qui vient; On faict souvent de pain blanc soupe, On pert souvent ce que l'on tient;
Au bon joueur l'esteuf luy vient:
Somme, je demeure obstinée Que, ce la fortune me vient.
Je passeray ma destinée.
J'ay trois seurs; je suis la pisnée; Chacune a bien faict son debvoir, Tant la moyenne que l'aynée; Quant à moy, j'en ay le vouloir.
M au gré ne me veuilles sçavoir,
DE LA GHAMBERIÈRE.
Si quelcun me vient à courage.
Que Je ne prenne bon vouloir Laisser aller le chat au fourmage.
Yci ferai fin de langage, En vous faisant à tous prière Qu'il vous souviegne du courage De la despourveue chamberière.
FINIS
LES FOLASTRIES
En cependant que la jeunesse D'une trémoussante souplesse Et de manimens frétillars Agitoit les rougnons paillars De Catin, à gauche et à dextre , Jamais ny à clerc ny à prestre , Moine, chanoine ou cordelicr N'a refusé son batelier.
LES FOLASTRIES
Car le mestier de l'ung sus l'autre , Où l'ung dessus l'autre se veautre, Luy plaisoit tant qu'en remuant, En haletant et en suant, Tel bouc sortoit de ses esselles, Et tel parfum de ses mammelles , Qu'ung mont Liban ensafrané En eust esté bien embrené.
Geste Catin, en sa jeunesse, Fut si nayve de simplesse, Qu'autant le pauvre luy plaisoit Comme le riche, et ne faisoit Le soubresaut pour l'avarice; Mais ell' disoit que c'estoit vice De prendre ou cheine ou diamant De pauvre ny de riche amant, Pourveu qu'il servist bien en chambre, Et qu'il eust plus d'ung pied de membre. Autant le beau comme le laid , Et le maistre que le valet, Estoient receus de la doucette A la luitte de la fossette.
Et si bien les ressecouoit De mainte paillarde venue ,
Qu'après la fièvre continue
Ne failloit point de les saisir
Pour payment d'avoir fait plaisir
A Catin non jamais soûlée
De tuer pour estre foulée,
Et qui de tourdions a mis
Au tombeau ses plus grans amis.
Mais quoy? il n'est rien que l'année Ne change en une matinée ; Catin, qui le berlam tenoit Au premier joueur qui venoit, Or se voyant décolorée, Se voyant dehors et dedans Chancreuses et noires les dens , Se voyant vider la mammelle Comme ung escouillé de Cybèle, Se voyant grisons les cheveux , L'œil chassieux, le nez morveux , Et par ses deux conduits souflante A bas une haleine puante , Elle changea de voulonté, Et son premier train efronté, Par ne sçay quelle frenaisie, A couvert d'une hypocrisie.
LES FOLASTRIES
Maintenant, dès le plus matin , Le sécrétai n ouvre à Catin Le petit guichet de l'église Et, pour mieux voiler sa faintise, Dedans ung coing va marmotant, Rebarbotant, rebigotant, Jusqu'au soir, que le curé sonne Le couvre feu; puis ceste bonne Bonne putain va pas à pas , Piteusement, le nez tout bas.
Triste, pensive et solitaire, Entre les croix du cimetière.
Et là, se veautrant sur les corps, Appelle les ombres des mors, Ores se levant toute droite, Ores sur une fosse estroitte Se tapissant comme un fouyn.
Contrefait quelque mitouin , D'ung drap mortuere voilée, Tant qu'elle et la nuict estoilée Ayent fait peur au plus hardi Qui, passant là le mercredi , Vient de la Chartre ou de la foire De Lavardin ou de Montoirc.
Catin a mille inventions De mille bigotations , Quand la terre est la plus esprise De froideur, elle, en sa chemise, Masquant son nez de toile blanche , D'ung gros caillou se bat la hanche ^ L'estomac, les yeux et le front^ Ainsi comme l'on dit que font Ceux qui sont maris de leurs mères , Ou ceux qui meurdrissent leurs pères, Expiant l'horrible forfait Qu'innocemment ils avoyent fait.
Et toutesfois ceste insensée, Ayant bany de la pensée Le souvenir d'avoir esté L'exemple de la meschanceté.
Ose bien prescher ma pucelle Pour la convertir ainsi qu'elle A mille bigotations Dont elle a mille inventions.
Et quoy, dit-elle, ma mignonne, Ce n'est pas une chose bonne D'aymer ainsi les jouvenceaux.
Amour est un goufre de maux ,
LES FOLASTRIES
Amour affoUe le plus sage, Amour n'est sinon qu'une rage , Amour aveugle les raisons, Amour renverse les maisons, Amour honnist la renommée, Amour n'est rien qu'une fumée Qui par l'air ez vent se repent; Tousjours d'aymer on se repent.
Fuyez les banquetz et les dances, Les cheines d'or, les grands bombances , Les bagues et les grands atours :
Pour avoir suyvi les amours Les saints n'ont pas sauvé leur ame.
Ainsi Catin, la bonne dame, (Maintenant miroer de tout bien) Prescha dernièrement si bien La jeune raison de m'amie, Q.u'en bigote l'a convertie ; Si qu'or' quand baiser je la veux , Elle me tire les cheveux.
Si je veux taster sa cuissette , Ou fesser sa fesse grossette , Ou si je mets la main dedans Ses tetins, elle, à coups de dens,
Me déchire tout le visage
Comme ung singe emeu contre ung page.
Puis elle me dit en courroux :
Si autrefois avecques vous M'abandonnant, j'ai fait la folle , Je ne veux plus que l'on m'acoUe; Pource ostez vostre main d'abas.
Catin me dit qu'il ne faut pas Que charnellement on me touche.
Ha, ha, lessez, lessez, lessez, Bran ! pour néant vous me pressez.
Bran ! j'aymerois mieux estre morte Que vous m'eussiez de telle sorte :
Ostez-vous donques, aussi bien, Mercy Dieu, vous ne gaignez rien ; Ma cuisse en biez accoustrée Vous défendra tousjours l'entrée, Et plus les bras vous m'entorsez , Et plus en vain vous efforcez.
Ainsi depuis une semaine La longue roydeur de ma veine, Pour néant rouge et bien en point, Bat ma chemise et mon pourpoint.
Qu'à cent diables soit la prestresse
LES FOLASTRIES, ETC.
Qui a bigotté ma maistresse.
Sus donq, pour venger mon esmoy, Sus, iambes, secourez-moy ; Venez, iambes, sur la teste De ce luitton, de ceste beste dui ores femme n'estant plus.
Mais ombre d'ung tombeau reclus, Miserablemeut porte envie Aux doux passetems de ma vie^ Qui Dieu me faisoient devenir.
Et si ne veut se souvenir Qu'en cependant que la jeunesse D'une tresmoussante souplesse Et de manimens fretillars Agitoit ses rougnons paillars , Ores à gauche, ores à dextre , Jamais ny à clcrc^ ny à prestre, Moine, chanoine ou cordelier N'a refusé son batelier.
FIN
Chamberières, vueillez moy pardonner Si je pretendz descouvrir voz finesses; Je n'entendz point les bonnes blasonner; Chamberières, vueillez moy pardonner.
Aux maulvaises je vueil le tort donner, Quechacunsçaitpluscommunesqueasnesses Chamberières, vueillez moy pardonner
Si je pretendz descouvrir vos finesses.
Je ne vouldrovc aux bonnes faire oultrasc, Marry seroys si aultrc le faisoit; J'aymerois mieux mourir de malle raige Que de vouloir aux bonnes faire oultraige ; Chrestien n'est qui pourchasse dommaige A son voysin, quoy que petit il soit; Je ne veuil donc aux bonnes faire oultraige Marry seroys si aultre le faisoit.
Je parle à vous, mes dames les servantes, Qui chascun jour estes partout en ventes, Comme marée ou macquereaux es halles, Ne demandans qu'à jouer des cymbales.
Je parle à vous, malheureuses putains, Par qui honneur d'un chascun sont estains, Quand les blasmez de vos langues infaictes. Je parle à vous, non point que m'ayez faictes Fascheries, mais à d'aultres assez, Ausquelzavez des maux tant amassez, Qu'on n'y sçauroit aulcun remède mettre, Tant au varlet palfrenier, comme au maistre.
Vous vous nommez chamberières, mais dames Estes partout, et en sçavez voz games ; Dames estes, car trop plus aysement
DES CHAMBERIERES. 3
Vivez qu'elles ; ovez quoy et comment : Il vous convient avoir pour serviteur Secret De quoy^chascun son nom sçait bien, Car il n'y a partout si grand seigneur Qui sans De quoy peust dire ou faire rien : Si ne l'avez, il fault trouver moyen De le trouver et tenir pour servant, Ou aultreraentj pour certain je maintien, Par fin chemin vous l'yrcz poursuivant.
D^ quoy nourrist les macquerelles, De quoy nourrist les macquereaulx, De quoy faict vendre les pucelles, De quoy nourrist les larronneaulx, De quoy faict main raporteur faux, De quoy pucelles faict nourrisses^ De quoy faict au monde maintz maulx.
Aux endormys en telz délices.
Trouver convient façon d'avoir demaine Escuyère de toute la mayson.
Et pour l'avoir il faut qu'on se pourmaine, En endurant de tous oultre raison :
Ou premier fault flater tant qu'achoyson Elles trouvent d'estre la chamberière Qui acheptra la chair et le poysson;
De celles là, dame gard le derrière.
Par le moyen de demaine ont De quoy Pour leur servant et pour leur compaignie. Si demandez ou comment ou pourquoy^ Je vous le dis pour vray, rien ne vous nye : A icelle vous donnez grant poignye De monnoye pour aller au marcher Y achepter vivres pour la mesgnye.
Mais bien souvent jouent du desmarcher.
Or, quant demaine a bien ferré la mulle, Et quant Roger vient pour servir, supçon, Elle dira : « C'est chose ridiculle « Vouloir tenir céans ce faulx garson; « Passez-vous-en, dame, ceste saison :
« Je feray bien seulle ce qu'est à faire; " Contentez-vous, ma dame, de rayson. » Et par ainsi nul ne va au contraire.
De faulses clefs de la cave faict faire En abusant l'ouvrier par son caquet.
Et puis après, pour tout le cas parfaire, Aultres semond pour faire le bancquet.
Pensez, dame, pensez au grant acquest Qu'elle vous faict : O la bonne servante Que vous avez! Est-il point vray, Marquet?
DES CHAMBERIERES. 5
Folle Despence est en cest art sçavante.
Vous vous servez de ces vieilles ridées : C'est pour savoir qu'on faict en la maison Quant n'y estes : asnesses desbridées, On les doibt dire et nommer par raison ; Votre logis est où la garnison De macquereaux se retire et putains.
Pardonnez-moy si n'ay par mesprison Voulu mentir; mais ay le vray attains.
Puis, quand ce vient que vous estes aux champs, Pour que le cueur trop souvent ne leur faille Il fault du vin pour mieulx passer le temps. Boire à plain pot, sans en challoir la maille; Tousjours avoir ou flacon ou bouteille, Ne demourer sans vin en la cuysine; Pour le cacher ne fault manteaux ni fueille : Car pour mentir font bien la bonne myne.
« Sus^ grand chière ! ma dame n'y est poinct ; Beuvons d'autant à tous noz bons amys; Sus, grand chière! chantons en contrepoinct^ Et ne craignons en rien noz ennemys.
Depuis le temps qu'à servir m'entremys, J'ay triumphé et si triumpheray ; Boyre d'autant je n'ay jamais obmis.
Et du meilleur, ainsi acheveray.
« Sus, grand chière ! mon maistre est riche assez ; A ce jambon, sus! menons rusterie :
Sus, sus, buvons! les morceaux sont passez* Sus ! qu'en noz faictz il n'y ayt mocquerie ! S'il n'y a rien, sus ! à la boucherie, Et grant chière tandis qu'avons sayson ; Garde n'avons de coups d'artillerie.
De nous deffendre entendons larayson.
« Avoir convient pastez du pâtissier.
Et les escrire au compte nostre maistre. Le myen amy m'avoit promis cy hyer Qu'à Gentilly feroit la nappe mettre, Et si me fist par ma foy lui promettre Que luy feroye au retour compaignie; Mais d'y aller ne m'osay entremettre; Tout seul y fut; amy. Dieu te benye.
« Sus, grant chière ! ayons le menestrier Pour achever notre feste entreprise; Chamberières n'ont jamais q'ung estrier; De chevaucher la manière ont aprise.
Prenons amys du tout à nostre guyse, Chantons, dançons; des biens avons assez. Malheureuse est de qui la mort devise ;
Ceulx qui sont mors, ilz sont tous trespassez. » Et puis, dames, que dictes-vous d'icelles?
Vous leur laissez es mains tout votre bien ;
Pensiez-vous point qu'elles fussent pucelles,
A les congnoistre à leur rusé maintien
Et fine mine? Ha! tout n'ay dit : rien, rien.
Il fault avoir en karesme raisins,
Figues, pruneaulx et noix par fin moyen,
Pour le banquet apprester aux cousins O quelz cousins ! vray Dieu ! quel cousinaige !
Quelle amytié ! quel consanguinité!
Je crois qu'ensemble ilz font ung beau mesnaige
Toutes les nuictz; telle est la vérité.
Craindez-vous point Justice n'equité,
Quant, pour voz cas luxurieulx parfaire,
Assignez lieux? De telle iniquité
Vueillez sortir et du tout vous retraire, (c Madame vient, il se fault retirer;
Tost, mon amy, tost sortez par derrière:
Ma maistresse se pourroit fort irer;
Pour tout, amy, retirez-vous arrière;
— Dieu vous gard, dame ! — Et puis, ma chamberière,
Avez-vous bien nostre logis gardez? »
O! qu'elle est saouUe! O que la première
Est encor pleine^ et vous n'y regardez!
Respond Perrette et dict à sa maistresse Que degoustée elle est, et fort debille ; Depuis huyt jours de soy plaindre n'eut cesse : C'est qu'el n'a point eu assez la bille; El ne dict point qu'il fault sortir la ville Et qu'il est bon de prendre l'air des champs, Que son amy appreste son aguille Pour luy donner le petit passetemps.
Puis maintenant il fault aux champs aller Se recréer pour n'estre plus malade, Et pour ce fault à madame parler En souspirant et faisant la fanfade ; Dire ne fault qu'elle veult l'estrapade Et que long-temps elle a soif endurée; Le sien amy appreste la sallade, Le harenc sor, le pain, pinte et bourrée.
On est marry : c'est de la maladye De Perrette, qui est mal disposée Et a fiebvre, voulez-vous que vous dye? Le mal qu'elle a est qu'elle est fort lassée : Huyct jours a qu'elle ne s'est point couchée, Car tout la nuict a fallu banqueter, Boire, gaudir, sans nulle reposée.
DES CHAMBERIERES. 9
Chanter, danser, triompher, caquetter.
Je laisse là le surplus de l'affaire, Et ayme mieulx à d'aultre place faire Pour en escripre au long ce qu'il leur semble ; Mais j'achepvray les dictz d'elles ensemble Quand elles sont ensemble à la rivière. « Dieu ! que vous estes bonne ouvrière, Guillemette, nostre voisine ! Par mon serment, je ne vois signe D'oysiveté en vostre affaire.
Vueillez-moy près vous place faire. »
— « Heu! que vous estes matineuse, Veu que n'avez esté oyseuse Toute la nuyct : dont vient cela?»
— « Pardicques, depuis que ceulx-ià Ont heurté à l'huys de Perrette Enda, m'amye Guillemette,
La dame, tant est fort noysive,
N'a cessé parler de lessive:
C'est une très raaulvaise dame. »
— « La mienne est trop meilleure femme. Mais nostre maistre ne vault rien ;
Il est plus rechigné qu'ung chien; On ne peut rien à son gré faire;
Il ne faict que crier et braire.
Mais, dis, est-ce après desjeuner? »
— « Sur ma foy, je ne puis jeûner, Tant me trouve mal au matin ;
Si je ne bois ung bon tatin, Je ne fais bien tout la journée.
— « Tu me semblés mal atournée.
Je te diray, ceste bigotte.
Ma maistresse, ceste marmotte, Hyer faisoit la rencherie, Et, pensant faire fascherie, Ne se vouloit aller coucher Près le maistre, ne luy toucher, Mais vouloit faire un lict à part, Quoy qu'elle en voulsist pour sa part Deux piedz voire, pour tout le moin, Plustost aujourd'huy que demain ; Car elle ayme assez un tel jeu.
Elle disoit qu'avoit faict veu, Pour le niai de son amarry, Ne coucher avec son mary Les vendredys ni samedys, Et semblait, à oyr ses dictz, Qu'elle eust mal en son petit ventre;
DES CHAMBERIÈRES. ii
Mais je croys bien que l'on y entre Assez souvent sans chausse-pied. »
— « Ma maistresse est femme de pied; De faire telz veux el n'a garde ; Elle se mect à l'advant-garde Pour recepvoir les premiers coups.
Le maistre n'y pense beaucoups, Et croys bien que point ne s'en doubte. Aulcunesfoys de nuict j'escoute, Quant ilz sont ensemble couchez; La dame luy dict : « Approchez, « Mon mary, et, pour ce matin, « N'oubliez point mon picotin. »
Incontinent, pour le vray dire, Contraincte suis, force de rire, Mordre les draps pour mieulx me taire.
Oultre y a ung prothenotaire Qui souvent vient à nostre hostel.
Je ne vous mentz, le cas est tel, Seullement pour nostre maistresse ; Mais j'ay songé quelque finesse, Et plus fine que tu ne pense.
Il luy faict dancer une dance.
Combien qu'il ne soit menestrier;
Il la chevauche sans estrier,
Sans avoir esperon ne botte,
Le trihory en basse notte.
— « Mais pourquoy fusse que sortis
Du logis Chose? >j — « J'en partis
Pour ung petit de fantasie ;
Sur moy y avoit jalousie,
Quoy que cause n'y eust de Testre,
Sinon aulcunesfoys mon maistre
Me rioyt et faisoit des tours
Par joyeuseté; mais d'amours
Il ne m'en supplia jamais.
Or quant il m'eut prié, voir mais ;
11 ne l'a point faict pourtant,
Posé le cas qu'en s'esbatant,
Le plus souvent il me tastoit
Quand personne au logis n'estoit,
Mais au surplus il n'y a rien.
Par plusieurs foys, par fin moyen,
M'a promis de faire ma feste,
Mais je n'ay pas esté si beste,
Et, quoy qu'on dit qu'il m'aime fort,
Et au regard de ce rapport,
,1c n'en compte pas une maille.
DES CHAMBERIÈRES. i3
Au fort aller, vaille que vaille,
J'en congnois ung à marier
Q ui me requiert, sans me lyer
A ces rechignardes maistresses.
Qui me donra pour moins les gresses
Et quatre ou cinq francs, n'est-ce rien ?
Et me promect faire aultre bien ;
Mais, pour finir tous mes propos,
J'auroye faulte de repos. »
— « Vien çà, que dis-tu de Perrette, Qui de chascune ainsi caquette? «
— « Je te dis vérité; ma foy , Elle dict merveille de toy^
Que tu n'es qu'une larronnesse,
Unevillaine, menteresse,
Orde, puante, becquerelle,
Et dit que tu es macquerelle
De ta maistresse et d'un gros moyne,
Et dit que la nuyct tu la meine
Au cloistre faire sa raison ;
Que tu es dame en la maison,
Mesmes que couche avec le maistre;
Y veulx-tu point remède mettre? «
— « Or regarde Torde truande,
El le fait à qui luy demande,
L'orde, infaicte, vieille pourrie.
Je ne seroye point marrye
Si elle dysoit vérité:
C'est pour ce que j'ay recité
A son maistre la grant finesse
Que feist chez la recommandresse;
Elle a servy à leur valet,
Celluy qui s'appelloit Raoullet ;
Vray est, je l'ose maintenir,
Car je luy veis ung jour tenir
Son cas, en l'ouvroir en passant,
Et croy qu'estoit en mal pensant.
Une aultrefoys derrière l'uy,
La veis tout au plus près de luy,
Et croy que tant elle approcha
Que toute platte il la coucha ;
Au reste ilz feirent là leur feste. »
— « Parlons d'aultre ; c'est une beste,
Infaicte, orde, plaine de vice.
Avezvous point une nourrisse
Pour garder le petit enfant
De vostre hostel? Je la hay tant,
Elle est tant orde et flateresse ;
DES CHAMBERIÈRES. i5
D'elle on feroil bien une farce.
Mais jamais en maison, que sache
Où soit enfant à nourriture,
Ne serviray : ce n'est qu'ordure;
Cela me faict tant mal au cueur!
Encore ay-je plus grand douleur
Qu'il faut aller à la rivière
Et luy estre sa chamberière
A ceste nourrisse breneuse^
Et si encore est envieuse
Des gens; vrayment c'est très mal faict.
Tout mon cas est lavé et faict.
Veulx-tu venir? Je te diray,
Une aultresfois te compteray
De ma maistresse bon propos,
Comment elle boit à plains potz
Quant nostre maistre n'y est point.
Comme elle chante en contrepoint
Avec son amy par amours ;
Mais, pour présent, le temps est cours,
Heure est que la nappe je mette.
Adieu je te dis, Guillemette. »
FINIS
Qui ont perdu leur Mariage à la Blancque
L'Acteur à son Amy^ salut.
Congnoissant que tu as désir, Amy, et que tu prens plaisir D'ouyr et veoir choses nouvelles, Racompter t'en veulx les plus belles Q,u'ouys depuis ung an en çà, Des chamberières de par deçà, Lesquelles, sans avoir dispence,
APOLOGIE
Au moins ainsi comme je pense,
Pretendoient d'avoir bénéfice,
Si l'aveugle faisant l'office
N'eust pour icelles tiré blancque,
Et ne leur est demeuré blanc que
Leur cul, s'il n'est ou noir ou gris.
Vrayment, mon amy, Je me ris
Du malheur des dictes chambrières,
Qui pensoient bien estre gorrières
Si leur teston eust rencontré.
Escoute, et je te racompteray
Les regretz qu'un jour, par fortune,
Je veys et ouys faire à une
Attendant place à la fontaine.
<i Que la forte fiebvre quartaine, »
Disoit-elle lors, « puist tenir
« Celui qui premier feist venir
<■<■ Ce jeu de blancque en ceste ville.
« Je suis par luy la plus serville,
<i La plus dolente et langoureuse,
<■ La plus paovre et plus malheureuse
« Qui soit dessoubz le firmament. «
Parlant alors à sa compaigne,
Qui n'estoit de Troye en Champaigne,
Mais de Paris ; « Ce m'est venu
<( Et ce grand malheur advenu,
« J'avoye un jourj sans varier,
« Quinze francs pour me marier,
« Lesquelz deuement gaignés j'avoye
« En ung logis où je servoye;
« Mais ilz ont fait par la fenestre
« Ungsault, parce qu'il m'advint mettre
« Dix testons desditz quinze francs,
« Qu'ilz estoient à moy nectz et francs,
« A ceste blanque malheureuse,
« Oïl j'ay esté aussi heureuse,
« Sans jurer Juno ne Jupin,
(( Comme les enfants Turlupin,
« Qui sont malheureux de nature;
« Car, attendant bonne adventure,
(( Hélas! il m'advint mal encontre;
K Mais, se jamais là je rencontre
« Bénéfice en or ou argent,
« J'en feray mon amoureux gent,
« Mignon, gorrier, gaillard et gay,
« Pour danser pavane et vert gay,
« Le mois de raay, au vert boscage
« Escoutant le pinson ramage,
APOLOGIE
« Et cueillant le gentil muguet.
« Mais tout l'argent de mon bancquet,
(( Las! y est demeuré contant.
« Nous pensions bien boire d'autant
« Dans une tasse de cinq mars.
« Mais ce sera le mois de mars,
« Si je peulx espargner ung soûl,
« Que nous bevrons tout nostre soûl
« Dedans ung pot monsieur de terre.
(( Non contente de ce caterre
« Et malheur qui m'estoit venu,
« Aultre désir m'est advenu
u Tout mon reste à la blancque mettre,
« Sans advertir dame ne maistre,
« Pensant qu'il estoit impossible
« Fortune m'esire tant nuysible
'< Que d'avoir blancque à chacun coup.
« Et puis y en avoit beaucoup,
« Affin que le vray je déclaire,
« Que comme moy je voyois faire,
« Dont plus que devant m'enhardis.
« Mais, ô vray Dieu de Paradis,
« J'y ai de rechief tout perdu.
« Qu'en fust le maistre bien pendu,
" Et que j'en eusse fait l'office !
« Aussi de tenir bénéfice
(c II n'appartient pas à chambrière.
« Tout me vient sens devant derrière ;
« Malheureuse suis de nature.
« Je te diray aultre adventure
« Qu'à la dernière m'est venue,
« Pourveu que ma desconvenue
« Tu ne recites à personne. »
Oyant ceci, mot je ne sonne,
Attendant de sçavoir la fin
De ce joyeulx compte, et affin
De bien au long le cas t'escripre
Pour t'esjouyr et faire rire^
Le recitant en compagnie.
<c J'ay ung maistre qui me manye
«. Et cetera, puis en l'oreille
« Me baise tant qu'il me resveille
« Pour avec luy passer le temps. »
Perrette respond : « Je l'entens ;
(c Faict-il cela souventes fois? »
— ce Vrayment, m'amye, et maintes fois
« Ung teston me donne ou demy.
« J'ay oultre tout cest argent my
APOLOGIE
« A ceste malheureuse blancque, « Et si tout m'est venu plus blanc que « N'est ung cigne, ou farine ou neige. « Par ce moyen, plus d'argent n'ai-je, « Et suis de marier moins preste « Q^ue je fus oncques. Mais, au reste, « Ung point y a qui me conforte :
« Je suis encores aussi forte, (c Aussi puissante, aussi habille « Pour gaigner au jeu de la bille, « Que je fus Jour de mon jeune aage, « Pour mieulx gagner mon mariage, (( Passant le temps et mesbatant, « Que n'ai fait à la blancque. A tant « De toy prendray congié, m'amye, « Estimant que ne diras mye '( Ce que je t'ay cy recité. »
— « Nenny, » dict-elle, « en vérité ic N'en ayes soucy ou esmoy ; « Vivant n'en saura rien de moy, « Ou le vray Dieu me puist mauldire.
« Vrayment, puisqu'il t'a pieu me dire « Ta tant malheureuse fortune, « Je t'en veulx racompter une
« Qui m'est, comme à toy, advenue
« Et par ceste blancque venue.
K Que mauldicte en soit la semence! »
Adonc la fillette commence
En ces motz, voire, ou en pareilz^
Mais premier feist ses appareilz,
Et dessus son seau s'est logiée,
Disant : « Je me suis obligée
« Pour cinq testons à ma maistresse,
« Qui me cause au cueurgrand destresse,
« Pensant gaigner mon mariage
« Comme toy. Oultre, mis en gaige
'< Ma bonne robe et mon corset,
(( Et des chemises encor sept,
« Pour dix aultres, soubz trois devises,
« L'une pour ravoir mes chemises,
« L'autre pour gaigner ung amy,
« La tierce pour chanter ya 7njy,
« Ce beau mois de may, en l'ombrage,
« Bouffant en Tamoureux ouvrage.
« Mais sçais-tu quoi? Toute freloire. »
— « Vrayement tu n'entendois le loire
Non plus que moy, m'amye Perrette;
« Car le bien du ieu d'amourette
8 APOLOGIE DESCHAMBERIERES.
« Tu y as comme moy perdu, « Et tu as ton bien despendu, (( Ainsi que tu m'as recité. »
Amy, pour dire vérité, Escoutant lors ceste devise, L'une desdictes deux m'advise.
Qui changea soudain de couleur.
L'autre demande : « Quel douleur « Ou quel mal t'est-il advenu ? »
— « M'amye, nostre cas est congneu :
« Cest homme-là nous escoutoit. »
Ainsi que ces mots racomptoit, Je commençay à m'eslongner, Car, s'on m'eust venu empoigner, Je crois qu'on m'eust galle la teste.
Amy, sur ce point je proteste Que bien folle est la créature Qui se mect en telle adventure, Et qui va à la guerre aux femmes, Où maintz sont bien souvent infâmes, Et leur faict-on payer l'amende.
A tant à Dieu je te commande.
FINIS
