INTRODUCTION XXI

Qui despendez écuz, salus, ducas, Faisant bancquetz, esbattemens et jeux, Ayez resgard que c'est d'estre amoureux, Et le mettez en votre protocole ; Car pour hanter souvent en obscurs lieux, S'est engendrée cette grosse vérole.

Menez amours sagement, par compas. Quand ce viendra à prendre le repas Veûe ayez nette devant vos yeux.

Fuyez soussis et demeurez soûlas Et de gaudir jamais ne soyez las, En acquérant hault regnon vertueux.

Gardez-vous bien de hanter gens rongneux, Ne gens despitz qui sont de haute colle ; Car pour bouter sa lance en alcun creux, S'est engendrée ceste grosse vérole.

Hantez mignonnes, qui portent grans estas, Mais gardez-vous de monter sur le tas Sans chandelle : ne soyez point honteux Foulliez, jettez, regardez hault et bas, Et en aprez prenez tous vos esbas.

Faites ainsi que gens aventureux, Comme dient un grand tas de baveux Soiez lettrez sans aller à l'escole ; Car par Lombars soubtils et cauteleux S'est engendrée cette grosse vérole.