Cf. ce recueil, t. IV, p. iô

s86 L'Obstination

Mais qui vous meult venir descendre en France, Voulans tenir les princes en souffrance , Cuydant gaster une province telle ; C'est follye avec ouUrecuydance Et que n'avez de raison congnoissance ; Chascun sçait bien que n'y avez querelle ; Vraye science , acquise ou naturelle \ Vous prisés moins que irraisonnables bestes ; Folz font ainsi qu'i leur monte à la teste.

cueurs félons derogans à noblesse , Qui appelez par folle hardyesse Dessus princes avoir la seigneurie , Desprisez vous leur vertu et proesse, Et que leurs cueurs , rempliz de gentillesse , Ne combatent vostre gendarmerie?

Estimez vous si peu chevalerie Qu'elle ne soit* soy venger disposée*?

Par ignorans science est desprisée.

Comme le loup hors du boys se transporte Quand il a faim , espérant qu'il rapporte Beste ou oyseau de quelque pasturage , Suysses pervers assemblent leur cohorte , Des montaignes partent en ceste sorte ; Leurs proyes prennent en villes, cours, villages 3, Et ne visent à la perte et dommaige Que au peuple font ne qu'ilz offencent Dieu. Là où Force règne, Bon-Droict n'a lieu.