QUI REND LES ARMES D'AMOUR

Quoy que l'on die, ne vouldrois faire blasme

Et si ne sçay que en dire, sur mon ame;

Si Bocace, Pétrarque l'on[t] descript

Et prins d'ailleurs, penses en leur descript.

Quant est de moy, jà ne plainctz ny mesdictz,

Sinon de toy, où diriges mes dictz,

Car de ton faict je sçay la vérité,

Et myeulx du mien, si le avoyes mérité.

Je ne failliz jamais de te complaire ;

Corps, âme et biens, as eu en arbitraire;

Faulte de rien je n'ay congneu en toy,

Par quoy tu deussez me avoir rompu la foy

Par [ung] tel cas et moyen oultrageux,

A ton honneur plus que à moy dangereulx.

De te dire nieschant ou villain faict

A Dieu ne plaise, je seroyes en forfaict,

Et te nommer folle, mise hors de sens;

Mes esperitz n'y treuvent bon descens.

Ha te faire vindicte par effait

J'aymeroys mieulx de vie estre deffait

Bien qu'aulcuns hommes, qui en tels cas se treuvent

Communément de ces remèdes oeuvrent ',

Et si leur semble par rayson et devoir

Estre ordonné ainsi fait pour le voir 2,

Et, si de ce justice les excuse,

Fragilité de vous aultres le accuse,

De toy aymer et servir plus que jamais

J'auroye tort, car sans cueur serois, mais

A ta personne ce que [tu] aymeras,

1 . Œuvrent rime moins mal avec treuvent que le mot usent qui se trouve dans l'imprimé. — 2. Pro vero ; l'imp. donne: le veoir.

214 Epistre du bon Frère

De moy et biens user tousjours pourras

En recompense des biens que tu m'as faitz

Auparavant de tes fascheux meffaitz,

Et, quelque jour estant à ton secret

Et que Rayson aura mis son décret

En tes affaires, te pourras recorder

De tous les cas que tu voys discorder,

Et en donras * le tort par ton advis

Là où verras mieulx eschoir par devis.

De mon épistre et douleur tout ensemble

As ung proufist, ainsi que il me resemble,

Car en pensant aux périlleux encombres

Qu'Amours t'a mise par ces resordz et umbres,

Avec ton sens fantastique et debilie

Pourras comprendre qu'est ung mestier agile

Que de aymer, au moins sans bien penser

Aux parties qu'on veult recompenser.

Et qu'est ung champ plain de fleurs et d'espines;

Peur ung plaisir meinent mille ruynes.

A mes amys, qui aussi vouldront lire

Le mien douleur que t'ay voulu escripre,

Entre eulx mesmes feront le jugement

De conseiller à eux jamais d'aymer;

Je ne le veulx, car trop seroit amer

A nature et instinctz ordonnés,

Par création et voulenté donnés,

Mais prendre advis et vouloir reprimer

Ce chault vouloir et rayson imprimer,

S'il est besoing d'aymer ou en quel part.

Alors largesse y pourroit avoir part.