Imp. consume. — 4. Imp. : brygarde. — s. Lignée

DES QJJ AIRES ELÉMENS. 22^

L'Eaue.

(( A mort, à mort! pervers et desloyaux, lmpositeur[s] d'impos par trop maulditz ! Vous estes cause qu'i se font plusieurs maulx, D'ont du grant Dieu estes tous interditz. Elément suis qui, dès le temps jadis, Feis ung déluge dessus les humains corps : Mille larrons — plus en a que n'en dis — Je destruyray et aussi leurs consors, S'ilz ne s'amendent ; j'en rendray tant de mors De mon déluge par trop espouventable :

Sage est l'homme qui craint chose admirable.

« Sur Canoniques impos sont eslevez, Sur ung chascun, la chose est évidente; En honneurs ' sont gros larrons relevez Par leur rapine et usure patente.

Esse bien faict de faire mettre en vente Les biens des povres sans aucune raison ? Prendre partout c'est chose imprudente; Moy, Elément, j'en suis en desraison.

S'on ne corrige de bref ceste saison, Je y envoyeray déluge trop horrible :

Au puissant Dieu il n'est rien impossible.

« Serez-vous point quelque jour assouviz, Glorieulx folz, vaisseaulx à villennie.?

D'estre masquez estes tous estourdis ; Du jeu de dez vostre chair est honnie ; Après excès vous fault une rôtie.

Tous les matins, au despens du Commun.