I. Inigo de Tovar, marquis de Berlanga

ET Recouvrement de Messieurs. 237

compaignie, desquelz il se povoit bien fier et en donner la charge à qui bon lui sembleroit et qu'il en vouldroit bien faire autant de quelqu'ung des siens en cas semblable, ou soy faire porter en une chaire sur le lieu pour ne retarder un si grant bien publicque pour le sien seul particulier. Lors ledit Seigneur du Prat, qui tient plustost de la Françoise nature que de l'Espaignolle et qui ne povoit ouyr dissimuller les affaires oultre le gré de l'Empereur, son maistre, osa" bien dire audit Connestable que ledit Empereur estoit fort esbahy qu'on eust tant longuement retardé à rendre mesditz Seigneurs les Enfans, et que son intention ne fut pas telle.

A l'heure *, ledit Seigneur Grant Maistre reprent plus fort ses propos contre ledit Connestable de Castille, et luy dit en oultre que, s'il voulloit plus user de telles dissimulations et delayemens, qu'il delibéroit s'en retourner devers le Roy, son maistre, et plusieurs autres comminations ' qui servirent bien à 1 affaire, lesquelles je laisse à declairer. De sorte que ledit Connestable, vaincu de raison et de crainte, changea sa pensée en meilleure disposition c et fut content que le jour de ladicte délivrance fust assigné au vendredy, premier de ce dit moys de Juillet. Et, combien que ledit Seigneur Grant Maistre voulsist totallement que ce fust le lendemain jeudy, dernier jour dudit moys de Juing, qu'il devoit estre la plus plaine marée.

Finablement, ne voulant que, pour reffus d'ung jour, puis qu'il en avoit tant attendu, que ledit Con-

a. Icy descouvra le Seigneur du Prat, la malice dudit Connestable.

b. Ledit Seigneur Grant Maistre courroucé contre ledit Connestable.

c. Changement de vouloir dudit Connestable par les remonstrations dudit Seigneur Grant Maistre.