Friand, gourmet. Nous avons conservé le mot affrioler

84 Discours

Vivre vous fault d'autre manière, Car de servants ne nous fault plus.

DIXAIN.

0 le grand bien que d'avoir defFendu Aux Taverniers d'assoir ceulx de la ville ! Le vin sera à bas prix descendu Et au Commun profitable et utille, Et, qui plus est, s[e l'Jon garde ce stille, Vers Dieu sera une œuvre méritoire; Car tous ceulx là qui s'amusoient à boire Ne despendront leurs biens outre raison. Et de leur gaing, à leur honneur et gloire, Entretiendront bravement leur maison.

DIXAIN.

Puis que Justice en ce faict ha mis l'œil. Les Taverniers peuvent bien par tout France Aller grater tous leurs culz au soleil Et travailler de leurs mains à puissance. Semblablement gents de faulce constance, Comme muguetz et mignons glorieux, Seront contrains d'aller vivre chez eulx Plus sobrement, en honneste maintien, Et besongner ; ilz n'en vauldront que mieulx, Car le travail les fera gens de bien.

DIXAIN.

Or, Dieu mercy. Justice ha mis police En ce cas là, car n'y ha Tavernier Qui ose assoir, sur peine de justice,

SUR LES Pions. 85

Homme de lieu, pour or ny supplier.

Si un voisin avec son familier, Se veult esbatre ainsi que de raison, Il est contrainct de boire en sa maison Et d'envoyer quérir du vin au pot.

Par ce moyen en tout temps et saison Femme et enfans ont leur part à l'escot.

HUICTAIN.

Plusieurs femmes, pour leurs marys, Grand joye en ont à brief parler, Mais les marys en sont marris, Pour ce qu'ilz n'osent y aller.

La femme à son mary s'engagne ' Qui despend son bien sans raison, Qu'il boit et menge ce qu'il gagne Sans le porter en la maison.

HUICTAIN.

Taverniers, chascun soit content ; Vostre pouvoir est trespassé Le Roy le veult, sa Court l'entend, Son Parlement y ha passé ; Chantez Requicscant in paa, Ou aprenez faire autre chose ; Vous avez trop longtemps brassé; Il est saison qu'on se repose.

HUICTAIN.

Pour un Tavernier qui y perd, I. Se querelle avec son mari.

86 Discours sur les Pions.

Cent mille gents y gagneront.

Qu'i ne soit vray, bien y apert, Tous les biens en amenderont.

Beurre et vin tant chers ne seront, Bled, chair, chandelle et autres vivres; De boire les gents s'abstiendront.

Qui s'en alloient coucher tous yvres,

HUICTAIN.

Femmes, pour ces bonnes nouvelles, Faictes vœufs et processions ; Présentez voz vœufz et chandelles Aux sainctz, à qui semblerez belles Leurs faisants voz dévotions.

Ayez pitié des bons Pions Que jà, sans boire, ont le lampas ' ; Congneu qu'ilz sont bons champions, Pour Dieu, ne vous en mocquez pas.