B : i(". — 6. Entandis, pendant ce temps

136 Le Resveur

Douter il nous fault son grant Jugement Et avoir peur de la sentence ; Bien heureulx est celuy qui saigement Recogite bien sa conscience ; On ne sçauroit aprendre science Si prouffitable comme ceste-cy ; Cessons à péché et luy cryons mercy.

Balade.

Pensez-vous que l'argent de l'Eglise Ayt esté forgé pour avoir mise A soubdoyer [tous] les gens de guerre?

Pensez-vous que le drap d'une frise, Tant soyt noyre, verte, rouge, grise, Soit aussi forte qu'[est] une pierre? Ne pensez pas que [cy] sus la terre Homme en ayt veu venir ; bien non fist. J'en ditz ce qu'il m'en semble; il suffist.

Pensez-vous celuy, qui a aussi mise L'Eglise du tout en sa chemise.

N'ait ^ peur qu'ung jour l'en le déferre ? Pensez-vous que chascun bien n'avise, Quant le Bon Dieu tiendra son assise, Qu'en Enfer [il] ne soyt mis en serre? Ung jour viendra quelque caterre - Qui le mettra (de) dans le grant confit. J'en ditz ce qu'il m'en semble ; il suffit.