N'en bougea. Cf. p, 135, v

144 LeResveur

Où jamais de tes biens ne le repaix Qu'ilz ne soyent aussi durs que fer, Affin que les aillez rechauffer Là-bas avec tous ses grans vieulx dampnez ; Mauldicte fust l'heure d'ont furent nez.

Netz nous ne serons jamais de péché Si le Bon Dieu sa grâce n'y met ; Je ne congnoys metz qui n'en soit taché, Et encore ung chascun s'y met; Q^uant à tout j'ay bien pensé, il m'est ^ Advis qu'il fust temps de soy repentir; J'ai peur que Dieu nous face maulx sentir.

Sentir nous fauldra les verges de Dieu ; Si nous ne luy requérons pardon, Je ne suis point asseuré en ce lieu; Je n'ay que peur que ne vous pardonne. Nous avons tant de bien abandonné, Et ne remercyons Dieu, ny sa mère ; Gardons que ne mengions poyre amère.

Mère de Dieu, prye ton doulx cher enfent, Qu'i nous vueille trestous secourir.

J'ay ung si grant dueil que mon cueur en fent Des maulx que voy aujourd'huy courir.

Nous ne sçavons quant debvons mourir Et, qui pis est, chascun point n'y pense. J'ay peur que façions si grant despense.

Despens ce que tu auras gaigné Et ne despens l'autruy que puissez ;