Imp. : et de peine

HABANDONNÉ. 197

Très elloquente, bien instruicte et fort saige, Qui ayt passé le gué et le passaige, Où maintenant de court me voys tenir, Lequel ma vie bien puisse entretenir Par son sçavoir et belle habillité, Me confortant en ma fragilité, En sorte que soûlas mon corps peult paistre Et que force eusse hors ma pansée mectre, Tant seullement une peu prolixe heure, La fantasie où maintenant ' labeure, Car je ne quiers la voulenté de faire Chose par quoy je fusse veu deffaire Ta renommée, mais, de rigueur attainct, Cecy t'escripre ton orgueil me contrainct, Congneu aussi que de longue saison, Insipiente, sans ^ aucune raison De jour en jour as tasché me grever Et de tourmens les miens sens aggraver, Ouy en sorte que j'en suis presque-' éthicque. Fol enraigé, foilastre, frénaticque.

Chantant à stheure, m'esbatant en soûlas. Subitement changé, je crye : Hélas !

Je me repose, subit je me travaille; Je suis en paix, maintenant en bataille ; Dessus la mer je faitz doubles batteaulx, Et maintenant en Espaigne chatteaulx ; Ma plume prens à stheure pour t'escripre, Subittement ung livre je voys lyre ;